1 Mel 11:4 - JAM DE NHIALIC 2011

⁴ ku na ɣɔn cïï Tholomon dhiɔp acïk yen bɛ̈n pɔ̈k piɔ̈u në läm de yiëth yiic. Akën Bɛ̈nydït Nhialicde riëëu, cït man ye wun Debid ye looi.

1 Mel 11:4 ပူးပေါင်းရင်းမြစ်များ

1 Mel 11:2

Aake thiɛɛk ke Bɛ̈nydït ë cï jaai, ɣɔn cï Yen ke yɔ̈ɔ̈k an duökï thiëk në duet ke juöör kɔ̈k, kënë abï Yithriɛl tɔ lam yiëth kɔ̈k.

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

1 Mel 11:38

Na lɔ jam cä lɛ̈k yïn riëëu, ku të le yïn cath ë kuɛɛrkï yiic, ku loi yic në yanɔm bä lööŋkï döt kekë wëëtdï cït man cï Debid awundï ye looi, ke Yɛn bï tɔ̈u wo yïn, ku yɛn bï raan töŋ de dhiëndu tɔ ye melik ë caŋɣɔn në Yithriɛl, cït man cän raan töŋ de dhiën ë Debid aa melik ë caŋɣɔn ë Juda, ku kɔc ke Yithriɛl abä ke gäm yïn.

1 Mel 11:42

Aa ye melik ë Jeruthalem, ku aa mac Yithriɛl ëbɛ̈n në run kathiërŋuan 40.

1 Mel 11:6

Tholomon acï karɛc looi në Bɛ̈nydït nɔm, ku akën Nhialic kuany cök apiɛth cït man ye wun Debid ye looi.

1 Mel 11:9

Na cakaa ɣɔn cïï Bɛ̈nydït Nhialic de Yithriɛl rɔt nyuöth Tholomon raanrou, ku ye yɔ̈ɔ̈k në baŋ cïï yen yiëth ke juöör bï lam, Tholomon akën jam de Bɛ̈nydït riëëu acï rɔt bɛ̈n yal wei në Yen. Ago Bɛ̈nydït gɔ̈th ke Tholomon

1 Mel 14:21

Reɣobowam wën ë Tholomon aaye run thiërŋuan ku rou, ɣɔn dɔm en bääny ke ye melik de Juda, ku muk bääny ë run kathiëër ku dhorou ë Jeruthalem, pänydït cï Bɛ̈nydït lɔc në dhiëën ke Yithriɛl yiic ëbɛ̈n, bï aa të bïï ë yen aa lam. Man Reɣobowam acɔl Naama nyan wun ë Ammon.

1 Mel 15:14

Na cakaa nɔn kën ë Atha ɣään ke yiëth riɔ̈ɔ̈k kedhie, aaye ŋoot ke adöt tëde Bɛ̈nydït në pïïrde yic ëbɛ̈n.

1 Mel 15:3

Acï karɛc cït karɛc ɣɔn ye wun kɔn looi ë yenɔm looi, ku acïï Bɛ̈nydït Nhialicde ee riëëu, cï kuɛɛrë Debid.

1 Mel 3:3

Go Tholomon Bɛ̈nydït nhiaar, ku ye cath në wël ke Debid wuniic, ku aaye miɔ̈c näk ku wal ŋïr gam në ɣään ke läm yiic ayadäŋ.

1 Mel 6:1

Ɣɔn cï bot kaŋuan ku thiërbɛ̈t ke run wan, në jäl ë kɔc ke Yithriɛl ë Rip, të wään ye Tholomon run ŋuan ë bäänyic piny de Yithriɛl, në pɛɛi ë rou, pɛɛi de Dhip, ke jɔ Luaŋdït gɔl ë yïk.

1 Mel 8:61

Ku wek kɔcke, yak rëër ke we piɛthpiɔ̈ɔ̈th në Bɛ̈nydït Nhialicda, yak lööŋke, ku wëëtde riëëu ëbɛ̈n, cït man cä wek e looi ee köölë.”

1 Mel 9:10

Tholomon aa thöl run kathiërrou ke yïk Luaŋdït, ku ɣön de bäänyde.

1 Mel 9:4

Ku yïn, të le yïn A kuany cök në piathëpiɔ̈u ku riëëu de Nhialic, cït man ɣɔn ye wuur Debid e looi, ku ye lööŋkï döt aköölnyïïn ku loi ka cä lɛ̈k yïn,

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

1 Lëk 29:19

Gämë wëndiën Tholomon piɔ̈n adöt bïï yen lööŋ cï lueel ëbɛ̈n aa riëëu, ku bïï Luaŋdït cän kake guiirë yïk.”

2 Lëk 17:3

Go Bɛ̈nydït Jeɣocapat thieei në biäk cï yen pïïr piɛth tueŋ de wun kuany yic, ku cïï Baal lam.

2 Lëk 25:2

Acï këpiɛth looi në Bɛ̈nydït nɔm, ku aaye looi ke cɔ̈m piɔ̈u.

2 Lëk 34:2

Acï këpiɛth looi në Bɛ̈nydït nɔm, aa kuɛny kuɛɛr ke Debid wun cök, akën rɔt yal ë biäk cam ayï cuëc.

Bɛ̈n 20:3

“Yïn cïï nɔm bï dɛ yiëth kɔ̈k të cïn Ɛn.

Nyöŋ 17:17

Ku melik acïï nɔm bï dɛ diäär juëc, në biäk bïï diäär ye pɔ̈k piɔ̈u wei në Bɛ̈nydïtic, ku acïï rɔt bï tɔ kueth në ateek ku adhääp.

Nyöŋ 7:4

Në luöi bïï duetken wɛ̈ɛ̈tkun pɔ̈k piɔ̈ɔ̈th wei tëde Bɛ̈nydït ku lamkï yiëth kɔ̈k. Të lee ë kënë rɔt looi Bɛ̈nydït abï gɔ̈th ke week ku riëër wenyïïn raantök.