1 Mel 11:3 - JAM DE NHIALIC 2011

³ Tholomon acï bot kadhorou 700 ke diëër meliik thiaak, ku ade nɔm bot kadiäk 300 ke diëër määthke, acïk en bɛ̈n nyaai piɔ̈u në Nhialicic,

1 Mel 11:3 ပူးပေါင်းရင်းမြစ်များ

2 Lëk 11:21

Kuën de diäär ke Reɣobowam kedhie ayek thiëër ku bɛ̈t, ku ade nɔm diëër määthke kathiërdhetem, ku aaye wun wɛ̈ɛ̈t kathiërrou ku bɛ̈t, ku duet kathiërdhetem. Ku aa nhiaar tiiŋ cɔl Maaka aläl në diäärke yiic ku diëër määthke yiic,

Ethta 1:18

Të le diäär ke bäny ke Perthia ku Media nu ë Melik cök e piŋ, yen tän tɔ̈u ë tiiŋ melik, abïk lät röörken aŋoot akɔ̈l ke kën thok bɛ̈n. Diäär kedhie ë ɣäänkɛn rëër kek thïn, acïkï röörken bï bɛ riëëu, ku röör abïk aa gɔ̈th ë diäärken.

Wɛ̈ɛ̈t 2:8

Ku ayadäŋ, yɛn cï rɔt kuöt adhɛ̈p kekë ateek, ku kajuëc ke meliik ke wuötdït cä peec. Yɛn de nɔm kɔc ee ket röör ku diäär, ku diëër mäthkiën juëc, kake miɛtëpiɔ̈u de moc.

Wɛ̈ɛ̈t 7:28

Wään ŋuɔɔt ɛn ke ya kɔɔr a nɔm, acïn kë cä yök. Ee mony tök tei yen piɛth piɔ̈u në agum de rööriic, ku acïn tiiŋ töŋ cä yök ë diääriic.

Diɛt ke 6:8

Tɔ melik de nɔm diëër meliik kathiërdhetem (60), ku diëër määthke kathiërbɛ̈t (80), ku diëër cïï bïï lëu në kuɛ̈n.

Diɛt ke 6:9

Ku ee tök tei yen nhiaar, töŋdiën cï dikëdik cï guuk. Ee yen ee nyan tök ë man nɔm, nyan piɛth mit ë man piɔ̈u. Aye diäär tïŋ ëbɛ̈n ku piɔnykï, diëër meliik ku diëër määth ayek en piɔɔny ë diɛt.

Nyöŋ 17:17

Ku melik acïï nɔm bï dɛ diäär juëc, në biäk bïï diäär ye pɔ̈k piɔ̈u wei në Bɛ̈nydïtic, ku acïï rɔt bï tɔ kueth në ateek ku adhääp.

Bäny 3:6

Ku thiakkï duetken, ku thiëk wɛ̈ɛ̈tken në duet ke Yithriɛliic, ku jɔkï yiëthken aa lam.

Bäny 9:5

Go lɔ wun ë yï wun në Opera, ku nɛ̈k mïthëkɔcken kathiërdhorou ëtɛ̈ɛ̈n ë kuur tök nɔm, na wën ke Jotham wën ë Gidiɔn thiinë thiaan go kën nɔ̈k.