1 Mel 11:24 - JAM DE NHIALIC 2011

²⁴ ku acï bɛ̈n aa bɛ̈ny de kɔc reec miric. Na ɣɔn aacï Debid Ɣadadedher tiaam, ke Redhon kekë kɔcke ë ke kɔt lekkï Damathko, go kɔcke ye tɔ ee melik de Thiriya.

1 Mel 11:24 ပူးပေါင်းရင်းမြစ်များ

Cäk 14:15

Ku ëtɛ̈ɛ̈n, ë kɔcke bɛ̈n lɔ tɛ̈ɛ̈kiic, ku geeukï kɔc piny, ku mookkï ke piny wakɔ̈u, agokï ke tiaam. Ku copkï ke agut cï Koba nu të lɔ rut në Damathko.

2 Tham 10:18

go kɔc ke Yithriɛl rem de tɔŋ ë Thiriya cuɔp ciëën. Ago Debid kekë kɔcke bot kadhorou de kɔc ke abëël ë Thiriya kuath nɔ̈k, ku nɛ̈kkï bot kathiërŋuan 40,000 ke rem de tɔŋ ë Thiriya. Acïk Cobak nɔ̈k aya, bɛ̈ny ë rem de tɔŋ de Thiriya.

2 Tham 10:6

Go kɔc ke Ammon ŋic nɔn cïï kek Debid tɔ ye raan de aterden, agokï aguum kathiërrou de rem ë tɔŋ ë Thiriya tɔ̈u ë Bethreɣop riɔp, ku aguum kathiëër ku rou në Tɔp, ku lɔ melik de Maaka kekë agum töŋ de kɔc.

2 Tham 10:8

Go kɔc ke Ammon bɛ̈n biic ku guiirkï tɔŋ në Raba thok, ku jɔ kɔc ke Thiriya kekë kɔc ke Tɔp ku Maaka röt lɔ guiir ë wut këc biic.

2 Tham 8:3

Na wën ke Debid ë tiam Ɣadadedher wën ë melik Reɣop piny de Thiriya cɔl Dhoba, të wään le yen an bïï piny tɔ̈u në wɛ̈ɛ̈r ë Yuparat kɔ̈u lɔ puk nïïm.

1 Mel 11:25

Redhon aaye raan dek ater kekë Yithriɛl, në akööl ɣɔn pïïr ë Tholomon ëbɛ̈n.

1 Mel 15:18

Na wën ke Atha nöm atek ku adhɛ̈p ɣɔn cï döŋ ëbɛ̈n Luaŋdït, ku ɣön ë bääny, ku gëm ke bänyke bïk ke lɛɛr Damathko tëde Benɣadad melik de Thiriya wën ë Tabirimon, ku ee wën ë wën ë Ɣedhion ku lëk ee jamë an,

1 Mel 19:15

Go Bɛ̈nydït lɛ̈k en, an, “Pɔ̈kë yïnɔm ë kueerdu yic lɔ në jɔ̈ɔ̈r ë Damathko yic, ku na cï jɔ lɔ, ke yï tɔc Ɣadhiɛl bï ya melik de Thiriya,

1 Mel 20:34

Go Benɣadad lɛ̈k en an, “Yïn bä pɔ̈k nɔm pɛ̈ɛ̈nydït ɣɔn cï wäär ke nööm tëde wuur, ku yïn bï ɣäändït ke ɣööc yïk ke ke ye kake guöpdu në Damathko, cït ka ɣɔn cï wäär ke kɔn looi në Thamaria.” Go Aɣap bɛ̈ɛ̈r an, “Yïn bä pɔ̈l alɔ në baŋ de ee kakë. Go löŋ jɔ mac kekë yen ku pɔ̈l alɔ.”

2 Mel 14:28

Këriëëc ëbɛ̈n cï melik Jerobowam de Rou looi, ku kakɛn ke jööt tɔŋ, ku riɛldɛn cï yen Damathko ku Ɣamath pɔ̈k nɔm Yithriɛl, acï ke gɔ̈ɔ̈r në awerek de kathɛɛr ke meliik ke Yithriɛl yiic.

2 Mel 8:7

Na wën, ke Elica ë lɔ Damathko, në akööl ɣɔn cïï melik Benɣadad de Thiriya guöp dɛ juäi. Na wën cï melik yɔ̈ɔ̈k nɔn tɔ̈u ë raan de Nhialic ëtɛ̈ɛ̈n,

Luɔi 9:2

le ku kɔɔr awereek tëde yen awereek bï gäär kɔc ke ɣööt ke Nhialic ë Damathko an, të de yen kɔc cï yök kɔc cath ee Kueerë, nɔn ee kek röör, ku nɔn ee kek diäär an, bï ke bɛ̈ɛ̈i Jeruthalem, ke ke mac.