1 Mel 11:21 - JAM DE NHIALIC 2011

²¹ Na ɣɔn aa jɔ thok ɣëët tëde Ɣadad në Rip, luɔi cïï Debid thou kedhie kekë Jowap bɛ̈nydɛn de rem ë tɔŋ ke lëk melik de Rip, an, “Tɔ ya puk a nɔm ciëën wunda.”

1 Mel 11:21 ပူးပေါင်းရင်းမြစ်များ

Cäk 45:24

Ku tɔ mïthëkɔcken jël. Na wën, aa jëlkï, ke lëk ë Jothep keek an, “Duökï lɔ gɔ̈th kueer.”

2 Tham 3:21

Na wën ke Abener ë yɔ̈ɔ̈k Debid an, “Yïn ë bɛ̈nydï ku ë melikdï, yɛn bï lɔ bä kɔc ke Yithriɛl lɔ yiɛ̈n yïn kedhie. Ku ëtɛ̈ɛ̈n abïk mät jɔ looi në yïn, ago tɔ̈u në kenïïm kedhie, ku këduön kɔɔr abä jɔ yök.” Go Debid Abener pɔ̈l ke jël në mät.

1 Mel 11:20

Go nyankënë Tapen ye dhiëth mɛwä cɔl Genubath, ɣɔn cï Tapen bɛ̈n muk paan ë melik de Rip kekë mïth ke melik.

1 Mel 11:22

Go melik de Rip thiëëc an, “Eeŋö dak yïn eenë? Ë yï riäkku piɔ̈u adï bï yïn jäl ke yï lɔ wundun?’ Go puk nɔm an, “Acïn kë cï rɔt wööc, ku na ciɛk ciën kë cï rɔt wööc, ke yɛn bï dhil lɔ wunda.” Go lɔ ciëën wunden. Ku melik Ɣadad de Edom aaye raan de aterdït kekë Yithriɛl.

1 Mel 2:10

Go Debid jɔ tɔ̈c kekë kuarken, ku tɔ̈ɔ̈u ë Pänydït de Debid yic.

1 Mel 2:34

Go Benaya wën ë Jeɣoyada rɔt pɔ̈k Jowap në paany de Bɛ̈nydït yic, ku nɛ̈k Jowap ëtɛ̈ɛ̈n, ku le tɔ̈ɔ̈u ë jɔ̈ɔ̈ric baaide.

Bɛ̈n 4:19

Ku të ɣɔn ŋoot ë Mothe Midian, aa cïï Bɛ̈nydït lɛ̈k en an, “Dakë yïnɔm Rip, kɔc wään kɔɔr nɔn nɛ̈k kek yïn acïk thou kedhie.”

Math 2:20

Ku yöök an, “Jɔt rɔt, jɔt mɛnhthiinë kekë man, lɔ paan ë Yithriɛl, kɔc wään kɔɔr näŋ nɛ̈k kek mɛnhthiinë acïk guɔ thou.”

Jocua 2:21

Ago gam, ku tɔ ke jël. Na wën, acïk jäl, ke Raɣap ë ruk lupɔ thith awëërnyin.

1 Tham 9:26

Na ɣɔn aa lek pääc ɣɔn amiäk, go Thamwɛl Thaulo cɔɔl ke nu ɣöndɛn nhial, ku lueel an, “Guiir rɔt, ke we bä tɔ jäl.” Na wën aacï Thaulo rɔt guiir gokï lɔ biic kekë Thamwɛl ëtök.