1 Mel 11:15 - JAM DE NHIALIC 2011

^15-16 Ɣɔn bïï Debid Edom dɔm, go Jowap bɛ̈ny ë rem de tɔŋ lɔ, bïï kɔc ke Yithriɛl cï nɔ̈k tɔŋ lɔ thiɔ̈k, gokï pɛ̈i kadhetem thöl, në ee kaamë yic acïk röör nɔ̈k ëbɛ̈n në Edom,

1 Mel 11:15 ပူးပေါင်းရင်းမြစ်များ

Cäk 25:23

Go Bɛ̈nydït lɛ̈k en an, “Juöör kaarou anukï në yïyäc. Ku acuekuön bä dhiëëth abïk keyiic tek, Ku acueek tök abï riɛl awär acueek däŋë. Mɛnh tueŋ abï mɛnh ciëën aa luööi.”

Cäk 27:40

Yïn bï ya pïïr në abätäudu thok, ku yïn bï ya lïm de wänmuuth. Ku të le yïn löŋde dhɔ̈ŋic, Yïn cï bï bɛ tɔ̈u we yen.”

2 Tham 8:13

Ku Debid acï bɛ̈n ŋic aläl, wään lee yen bɛ̈n ciëën, të wään cï yen bot kathiëër ku bɛ̈t (18,000) de kɔc ke Edom lɔ nɔ̈k ë Wak de Amilɔ yic.

2 Tham 8:14

Go pɛɛny ke rem de tɔŋ looi ë Edom yic ëbɛ̈n, ku tɔ kɔc ke Edom ee lïïmke ëbɛ̈n. Go Bɛ̈nydït Debid tɔ tiëm të yen lɔ thïn ëbɛ̈n.

1 Mel 11:14

Go Bɛ̈nydït Ɣadad jat nhial, bïï ater luöi Tholomon, ee raan töŋ ë kɔc ke dhiën ë melik de Edom.

Diɛt 108:10

Nhialic, Eeŋa bï wook lɛɛr pänydïït cï gëlic? Eeŋa bï yɛn wat Edom?

Diɛt 60:1

Nhialic Yïn cï wo rɛɛc, ku tiam wook, Yïn aa cï piɔ̈u diu wekë wook, ku ënɔɔnë jɔ rɔt pɔ̈k wook.

Kuɛ̈n 31:17

Ka ënɔɔnë, näkkï mɛwä ëbɛ̈n, ku tiiŋ cï kɔn yök ke moc ëbɛ̈n,

Kuɛ̈n 31:7

Acïk Midian mak cït man cïï Bɛ̈nydït e lɛ̈k Mothe, ku näkkï röör kedhie,

Nyöŋ 20:13

Ëtɛ̈ɛ̈n, na cï Bɛ̈nydït Nhialic week tɔ pec pänydït näkkï röör tɔ̈u thïn kedhie.