1 Mel 10:9 - JAM DE NHIALIC 2011

⁹ Thieithieei ë Bɛ̈nydït Nhialicdu! Bɛ̈nydït amit piɔ̈u ke yïn, abï yï nyuööc ë thööny de Yithriɛl nɔm. Në luɔi nhiɛɛr ë Bɛ̈nydït Yithriɛl aɣet athɛɛr, yen a tɔ En yïn ee melik, ago löŋ aa guiir në piathëpiɔ̈u ku yic.”

1 Mel 10:9 ပူးပေါင်းရင်းမြစ်များ

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

2 Tham 5:12

Na wën ke jɔ ë Debid ŋic nɔn cïï ë Bɛ̈nydït yen tɔ ee melik de Yithriɛl ku tɔ bäänyde tɔ kueth në biäk de kɔckɛn ke Yithriɛl.

2 Tham 8:15

Debid aaye melik paan ë Yithriɛl ëbɛ̈n, ku aa ye këpiɛth yic looi në kɔc piɔ̈ɔ̈th kedhie.

1 Mel 3:28

Go Yithriɛl ëbɛ̈n guiëër cïï melik Tholomon löŋ ŋiëc guiir piŋ, gokï melik jɔ riëëu, në tïŋ cïï kek e tïŋ nɔn ciɛthë pɛlënɔm ë Nhialic ke yen, ku bï löŋ aa guiir ë yic.

1 Mel 5:7

Na ɣɔn aacï Ɣiram wël ke Tholomon piŋ, ke jɔ piɔ̈u miɛt arëët, ku lueel an, “Thieithieei Bɛ̈nydït ë köölë, Raan cï Debid yiɛ̈n wën pelnɔm adöt në ë jurdïïtë nɔm!”

1 Lëk 17:22

Yïn cï kɔc ke Yithriɛl looi ke ke ye kɔcku aɣet athɛɛr, ku Yïn Bɛ̈nydït Yïn cï aa Nhialicden.

2 Lëk 2:11

Go Ɣiram melik de Tayer Tholomon gäär awerek an, “Në biäk nhiɛɛr ë Bɛ̈nydït kɔcke, yen acï yen yïn tɔ ye melikden.

Diɛt 18:19

Aa luɛ̈k a bei në këtuc thok, aa kony ɛn në luɔi mit en piɔ̈u ke yɛn.

Diɛt 22:8

Ayek lɛ̈k ɛn an, “Puɔ̈kë rɔt Bɛ̈nydït, na de të bï en ye kony. Na nhiaar Bɛ̈nydït yïn eeŋö cï Yen yï luök?”

Diɛt 72:2

Ago kɔcku muk në piathëpiɔ̈u ku muk kɔc yɔŋ keek në yic.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 62:4

Yïn cïï bï bɛ aa cɔɔl an, “Raan cï pɔ̈l,” ku nɔn cɔl pinydu an, “Tiiŋ cï pɔ̈l.” Rinkuön cï piac cak abï aa cɔɔl an, “Nhialic amit piɔ̈u ke yen.” Pinydun abï aa cɔɔl an, “Thiëŋ de Miɛtëpiɔ̈u,” në biäk mit ë Bɛ̈nydït piɔ̈u ke yïn, ku abïï ciët mony de tik ke pinydun.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Malakai 1:2

Aye Bɛ̈nydït lueel an, “Wek nhiaar. Ku wek ee bɛ lop an, ‘Nhiaar wook adï?’ Ethau ë cie mänhë Jakop? Aguɔ Jakop nhiaar ku lac,

Nyöŋ 7:8

Bɛ̈nydït anhiaar week, ku akɔɔr bï gutguut cï yen kuëëŋ ke kuarkun aa döt. Yeka, cï yen week kony, në riɛldɛndït ku wëër week bei në lïïmic, lïïm de melik ë Rip.