1 Mel 10:25 - JAM DE NHIALIC 2011

²⁵ Në ruöön thok ëbɛ̈n, raan ëbɛ̈n në ke yiic aaye miɔ̈cde bɛ̈ɛ̈i, wëu ke adhääp ku ateek, ku lupɔɔ, ku wëu ke tɔŋ, ku mer, ku jöŋgöör, ku mul.

1 Mel 10:25 ပူးပေါင်းရင်းမြစ်များ

Cäk 36:24

Ku mïth ke Dhibion ayek rou, yï Ayia kekë Ana. (Ee yen Ana ɣɔn yök të ye pïïu tuc röt muɔc nhial ë jɔ̈ɔ̈ric guöpde, ɣɔn tiit en mul ke Dhibion wun.)

2 Tham 8:10

Go Tɔi Joram wënde tuöc melik Debid, bï lɔ gäm lɛc, ë biäk cïï yen Ɣadadedher tiaam. Ku Ɣadadedher aa ke cï thɔ̈ɔ̈r kekë Tɔi raan juëc. Ago Joram Debid yiɛ̈n miɔ̈c cï looi në adhääp, ku ateek, ku maläŋ.

2 Tham 8:2

Ku acï kɔc ke Mowap tiaam ayadäŋ. Ku tɔ keek tɔ̈c piny ë tiɔp nɔm, ku jɔ keek them në awiɛɛth. Ku kɔc kaarou nɔ̈k në kɔc kadiäk yiic. Go kɔc ke Mowap bɛ̈n aa lïïm ke Debid ku yek kuöt athölbö.

1 Mel 1:33

go melik lɛ̈k keek an, “Jatkï Tholomon ku bänykiën lɔ në yacök, lɛɛrkï ke në nyin ë Giɣonic ku takï Tholomon cath ë muldiën yan cathë kɔ̈u.

1 Mel 10:10

Go melik Tholomon gäm miɔ̈c cï bɛ̈ɛ̈i: ka wär aguum kaŋuan 4000 ke kilɔɔ gram ke adhääp, ku wal ŋïr juëc aläl, ku kuur läk. Ku acïn wal ŋïr kɔ̈k juëc cït wal ŋïr cï tiiŋ melik de Ceba gäm melik Tholomon.

1 Mel 18:5

Go Aɣap lɛ̈k Obadaya an, “Lok ciɛɛthku pinyic ëbɛ̈n, ku nyïïniic ke pïïu ëbɛ̈n na de të bïï wo wal lɔ yok, wal bï jöŋgöör muk wëi ayï mul, na de të bï läi pïïr kedhie ke cïn kë bï thou.”

1 Mel 5:1

Na ɣɔn ke Ɣiram melik ë Tayer toc kɔckɛn ee ye luööi, tuc ke Tholomon, në luɔi yen e piŋ nɔn cïï ye tɔc bï aa melik në nyin ë wunic. Në luɔi ye Debid mɛ̈thë thɛɛr.

2 Mel 17:4

Na ɣɔn, ke melik Ɣocia ë tuc kɔc Tho melik de Rip ke kɔɔr kuɔɔny tëde yen, ku tɔ athölbö ye kuöt Athiriya kääc. Ku acï melik de Athiriya ŋic luɔi cïï Ɣocia melik de Yithriɛl yäc dɛk aguk ke yen. Na wën cï melik de Athiriya kënë piŋ go Ɣocia tɔ dɔm ku tɔ mac.

2 Lëk 26:8

Go kɔc ke Ammon Melik Yudhia kuöt athölbö, ago nyin jɔ riɛl aläl abï lɛcde ɣet Rip.

2 Lëk 9:24

Në ruöön thok ë bɛ̈n, raan ëbɛ̈n në ke yiic aa ye miɔ̈cde bɛ̈ɛ̈i, ku gëm Tholomon wëu ke ateek ku adhääp, ku lupɔɔ, ku wëu ke tɔŋ, ku mer, ku jöŋgöör.

Ethta 8:10

Acï ke gɔ̈ɔ̈r në rin ke Melik Athuwereth, ku thɛɛny ke yiic në katim de Melik, ku awereekë, aake ye tuɔɔc në kɔc ee cath ë jöŋgöör kɔ̈ɔ̈th, jöŋgöör ke baai de Melik ŋic riŋ aläldïïtë.

Ethta 8:14

Kɔc cï tooc ee riŋ ë jöŋgöör piɔl ke Melik kɔ̈ɔ̈th, acïk lööŋ bɛ̈n dap lɛɛr ë wuötiic, në yöök cïï Melik ke yɔ̈ɔ̈k, ku kuënë raan ëbɛ̈n aya, tëde riɛl de Thutha.

Jop 42:11

Wɛ̈ɛ̈tëkɔcken ku nyïïrëkɔcken ku jɔ ya määthkɛn thɛɛr acïk en bɛ̈n neem, ku ciëmkï në yen ku nyuthkï luɔi kɔ̈ɔ̈c kek në yen, ku dutkï piɔ̈u paande, në riäŋ cï Bɛ̈nydït yiɛ̈n en, ku keek kedhie aa ye raan tök gäm wëu, ku adhääp.

Diɛt 68:29

në baŋ de luaŋduön nu ë Jeruthalem, të ye meliik Yïn yiɛ̈n miɔ̈c.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Diɛt 72:15

Yïn bï pïïr athɛɛr melik! Tɔ gëmë adhäm de Ceba, abï ya gäm lɔ̈ŋ aköölnyïïn ëbɛ̈n, ku athiɛɛi de Nhialic abï ya täu kekë yen aɣet athɛɛr!

Yith 36:16

Duökï jam de Ɣedhekia piŋ! Melik de Athiriya ayöök week bäk bɛ̈n bei, bäk röt bɛ̈n gäm ɛn. Ku week wedhie, ŋɛk abï aa tɔ lɔ le mïth ke enap ku ŋaap cam në duum ke tiimken yiic, ku dɛ̈kkï në pïïu në yïthkun yiic

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Edhekiɛl 27:14

Yïn cï kaku ɣaac në jöŋgöör ke jɔ̈ɔ̈ric, ku jöŋgöör ke tɔŋ, ku mul ë bïïyë në Beth Togama.

Math 2:11

Na wën, acïk bɛ̈n ɣöt, ke ke tïŋ mɛnhthiinë kekë Meri man, agokï röt cuat piny, ku lamkï, ku të cï kek wëuken liep nïïm, ke miɔckï ë käŋ, adhääp ayï wal ŋïr, ayï mer.

Bäny 3:15

Na wën ke Yithriɛl ë be dhiau në Bɛ̈nydït nɔm, go raan tuööc bïï ke luök. Raanë acɔl Eɣud wën ë Gera, Eɣud aye cam, raan dhiën ë Benjamin. Go kɔc ke Yithriɛl Eɣud tooc ke muk athölbö yïnkï Eglon Melik de Mowap.

1 Tham 10:27

Ago kɔc kɔ̈k de gup wël melik rɛɛc ku luelkï an, “Acïn këpiɛth bïï ee raanë luöi wook.” Agokï jaai ke cïkï yïn miɔ̈c.