1 Mel 10:22 - JAM DE NHIALIC 2011

²² Ku melik ade nɔm abëël wïïr ke Tarcic në wɛ̈ɛ̈ric ee käŋ lɔ ɣaac raan tök të cï run kadiäk tëëk në abëël wïïr ke Ɣiram ëtök, ku të bï kek ciëën në abëël wïïr ke Tarcic ayek adhääp ku ateek, ku tuŋ ke akɔ̈ɔ̈n, ku agaŋ jak, ku agɔk lok bɛ̈ɛ̈i.

1 Mel 10:22 ပူးပေါင်းရင်းမြစ်များ

Cäk 10:4

Ku käu de Yaban ee kek aye kɔc ke Eliica, ku Tarcic, ku Kitim ku Dodanim.

1 Mel 10:18

Ku be melik thöönydɛndïït ë tuuŋ akɔ̈ɔ̈n looi, ku kum kɔ̈u në adhääp lɔ wai.

1 Mel 10:21

Ku aduuk ye melik Tholomon ke dek kedhie ayek adhɛ̈p, ku aduuk ke ɣöndɛn nu roor ë Lebanɔn ayek adhäm awai. Acïnic kë cï looi në ateek, në baŋ cïn en naamde në akööl ke Tholomon.

1 Mel 22:48

Jeɣocapat acï abëël wïïr dït ee lɔ Tarcic looi, abëël wïïr bï aa ɣet piny de Opir bïk adhääp aa lɔ bɛ̈ɛ̈i, ku abëël wïïr dït akënkï bɛ̈n ɣet, acïk bɛ̈n guɔ dhuɔɔŋ të cɔl Edhiongeber.

1 Mel 22:49

Na wën, ke lëkkï Aɣadhia wën Aɣap Jeɣocapat an, “Tɔ lïïmkï lɔ në kɔcku në abëël wïïr yiic. Ku akën ë Jeɣocapat bɛ̈n gam.

1 Mel 9:26

Go Tholomon abëël wïïr dït piäät në Edhiongeber, të thiääk ke Elath në Wɛ̈ɛ̈r Thith yɔu, piny de Edom.

2 Lëk 9:21

Melik Tholomon aa de nɔm abëël wïïr juëc ee lɔ Tarcic, ayek cath në abëël wïïr ke melik Ɣiram. Na cï run kadiäk wan abëël wïïr ayek kenïïm pɔ̈k ciëën në Tarcic, ke ke bïï adhääp, ku atek, ku tuŋ ke akɔ̈ɔ̈n, ku agaŋ jak, ku agaŋ lok.

Jop 39:13

Pialë wuök ke wut aduëër en ke kat, ku acie päär cït man ë jak.

Diɛt 48:7

cït man ye abëël wïïr ke Tarcic miɔɔkic në yom ee bɛ̈n të lɔ aköl amiäk.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Yith 2:16

Ayï abëël wïïr dït läk ke Tarcic abï ke mou.

Yith 23:1

Kënë ee jam në biäk de Tayer. Dhuöörkï në dhiën ë piɔ̈u, wek abëël wïïr ëbɔ̈ ë Tarcic! Në luɔi cïï Tayer riɔ̈ɔ̈k taitai, abï ciën ɣööt ayï të ye abëël wïïr mac. Wään bïï abëëlkun ciëën ë Thaiperuth, yen aa piɛŋ wek thok.

Yith 23:10

Lak cuɔmkï piny, wek kɔc nu ë Tarcic! Acïn raan bï we bɛ kony.

Yith 23:6

Dhuöörkï në dhiëëu, wek kɔc ke Ponicia! Themkï bäk kat ke we lɔ Tarcic!

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Yith 66:19

ku abïk ŋic nɔn ee Yɛn ee kɔc luöi këtuc. “Ku yɛn bï kɔ̈k pɔ̈l në keyiic ku tuɔɔc keek në juöör yiic ëbɛ̈n, ë piiny mec yiic, kɔc kën kɛkdï kɔn piŋ, ku kënkï dïtdï ku riɛldï tïŋ: të lɔ Tarcic, ku Put, ku Ludia, kekë kɔckɛn ŋic muny de dhaŋ, ku lee Tubal ku Girikii. Në ye juöörkë yiic abïk dïtdï lɔ luɛɛl.

Edhekiɛl 27:12

“Yïn cï käŋ ɣaac në Tarcic ku nöm ateek, ku wëëth, ku ayöm, ku kuɛ̈l ke ye kë ɣɔɔcë kakuön juëc.

Edhekiɛl 27:15

Kɔc ke Rodeth ayek ɣööc tëde week, kɔc tɔ̈u në wɛ̈ɛ̈r yɔu ëbɛ̈n ayek we gäm tuŋ ke akön ku agɔk wɛɛrë ke kakun.

Amoth 3:15

Yɛn bï ɣöötkɛn ë aruöt, ku ɣöötkɛn amäi dhuɔŋ piny. Ɣööt cïk jäm në tuŋ ke akɔ̈ɔ̈n, abä keek jäp piny. Ku ɣöötdïtken abïï keek riɔ̈ɔ̈k. Yen kë cïï Bɛ̈nydït lueel ka.

Jona 1:3

Go Jona yenɔm cɔ̈k Tarcic, an kɔt në Bɛ̈nydït. Ago lɔ Jopa ku yök abël wïïr ëtɛ̈ɛ̈n, ke kɔɔr lɔ wun mec cɔl Tarcic. Ago wëu ke ariöpde yen kɔ̈u cuat piny, ku jɔkï ger ke ke lɔ Tarcic, të cïï yen Bɛ̈nydït bï bɛ tïŋ nyin.