1 Mel 10:21 - JAM DE NHIALIC 2011

²¹ Ku aduuk ye melik Tholomon ke dek kedhie ayek adhɛ̈p, ku aduuk ke ɣöndɛn nu roor ë Lebanɔn ayek adhäm awai. Acïnic kë cï looi në ateek, në baŋ cïn en naamde në akööl ke Tholomon.

1 Mel 10:21 ပူးပေါင်းရင်းမြစ်များ

1 Mel 10:17

Ku looi bot kadiäk ke kööt kor aya, në adhäm cï deŋ, ku aaye kön tök dɛ̈ŋ kɔ̈u kilɔɔ kaarou ke adhääp. Acï Tholomon ke tääu ɣöndɛn nu roor ë Lebanɔnic.

1 Mel 10:20

Ku kääc kɔ̈ɔ̈r kathiëër ku rou në biäkë ku biäkë në kak ke lɔ nhial nïïm kadhetem, ku acïn kë cït ee kënë cï kɔn looi paan däŋ.

1 Mel 10:22

Ku melik ade nɔm abëël wïïr ke Tarcic në wɛ̈ɛ̈ric ee käŋ lɔ ɣaac raan tök të cï run kadiäk tëëk në abëël wïïr ke Ɣiram ëtök, ku të bï kek ciëën në abëël wïïr ke Tarcic ayek adhääp ku ateek, ku tuŋ ke akɔ̈ɔ̈n, ku agaŋ jak, ku agɔk lok bɛ̈ɛ̈i.

1 Mel 7:2

Ɣön töŋ de Tholomon aa cɔl ɣöndïït ë roor ë Lebanɔn, bɛ̈ɛ̈r de yen kɔ̈u ee mitïïr kathiërŋuan ku ŋuan, ku dït yen yic ee mitïïr kathiërrou ku rou, ku bɛ̈ɛ̈rde ke lɔ nhial ee mitïïr kathiëër ku diäk ku biäk.

Ethta 1:7

Kɔc acï ke miɔɔc ë mɔ̈u ë cuöp cï ke thɔ̈ɔ̈th adhɛ̈p, kek koth ke dëkë kedhie acïkï thöŋ. Mɔ̈n paan ë Melik acï looi ke ee mɔ̈ndïït cï gaam në dhuëëŋde.

Jop 28:1

Ee yic ade ɣään nu ë tiɔpic ya ye atek wec, ku të ye adhɛ̈p lëëŋ.

Dhek 9:3

Tayer acï rɔt yiëk ɣään ril, ku acï adhɛ̈p thɔɔc nïïm ayï ateek, ka acïk ciët abuui.

Nyöŋ 17:17

Ku melik acïï nɔm bï dɛ diäär juëc, në biäk bïï diäär ye pɔ̈k piɔ̈u wei në Bɛ̈nydïtic, ku acïï rɔt bï tɔ kueth në ateek ku adhääp.