1 Mel 10:12 - JAM DE NHIALIC 2011

¹² Ku tɔ melik mëën ke Luaŋdït ku ɣöndïït ë melik loi në tiim ke almuk, ku tɔ thoom ke kiët ë diɛt loi aya në keek. Aake ye tiim piɛth ke almuk, ku acïn tiim cït ee kakë cï kɔn bɛ̈n piny de Yithriɛl, ku akënë ke bɛ tïŋ aɣet cï ee köölë.)

1 Mel 10:12 ပူးပေါင်းရင်းမြစ်များ

2 Tham 6:5

Ku Debid ku baai de Yithriɛl ëbɛ̈n aake cɔ̈ŋ ke ke ket diɛt piɔɔny kek Bɛ̈nydït në riɛlden ëbɛ̈n. Aake gut thom, ku aruöör, ku kothkï kɛŋ, löör, ku yek löth gut.

1 Mel 10:11

(Ku abëël wïïr ke Ɣiram ɣɔn bïï adhääp në Opir, acïk tiim juëc ke almuk bɛ̈ɛ̈i ku kuur läk.

1 Mel 10:13

Go melik Tholomon tiiŋ melik de Ceba gäm këriëëc cï thiëëc ëbɛ̈n, mɛt ke në ka cï Tholomon gäm en në dhuëëŋde pei. Na wën ke puk e nɔm piny de Ceba kekë kɔckɛn ee ye luööi.

1 Lëk 23:5

Ku aguum kaŋuan ë kɔc ee tïït, ku aguum kaŋuan ë kɔc ke diɛt bïk Bɛ̈nydït aa leec në thom.

2 Lëk 9:11

Go Tholomon tiim looi ke ke ye kueer ye kɔc lɔ nhial Luaŋdït kekë ɣöndɛn ë bääny, ku looi thom ku aruöör ye ë ket në tiim. Acïn kë cït ee kënë cï kɔn tïŋ piny de Juda.)