1 Mel 1:39 - JAM DE NHIALIC 2011

³⁹ Go Dhadok bɛ̈ny de kake Nhialic aguun ë miök nööm në paany de Bɛ̈nydïtic ku tɔckï Tholomon nɔm. Ku kothkï kaaŋ, ku moc kɔc kiɛɛu an, “Yïn bï pïïr anandu melik Tholomon!”

1 Mel 1:39 ပူးပေါင်းရင်းမြစ်များ

1 Mel 1:25

Ee köölë acï miöör juëc nɔ̈k, ku daau cuɛi, ku amɛ̈l, ku ë wɛ̈ɛ̈tku caal ë dhuëëŋic bïk nu thïn. Ku yen aya acï Jowap cɔɔl bɛ̈ny ë rem de tɔŋ, ku Abiathar bɛ̈ny de kake Nhialic. Keek aciëmkï ku dëkkï në yen ku mockï kiɛɛu an, ‘Yïn bï pïïr anandu melik Adonija.’

1 Mel 1:34

Ëtɛ̈ɛ̈n abï Dhadok bɛ̈ny de kake Nhialic, ku tiët ë Nhialic Nathan en lɔ tɔc ke ye melik bï nu në Yithriɛl nɔm. Ku kuɔthkï kɛŋ ku mɔckï kiɛɛu an, “Yïn bï pïïr anandu melik Tholomon.”

1 Mel 1:40

Na wën ke kuanykï cök ëbɛ̈n ke ke puk kenïïm, ku yek kiɛɛu de miɛtëpiɔ̈u moc, ku kaaŋ de aruöör, ke ke loi awuɔɔudït lɛth piny.

1 Mel 2:15

Go bɛ̈ɛ̈r an, “Aŋic luɔi adï cän bɛ̈n ke ya ye melik ku ee yɛn ë tiit raan ëbɛ̈n ë Yithriɛl, ku yen ë rɔt wuööc, wänmääth yen acï aa melik, në luɔi yen këde piɔ̈n ë Bɛ̈nydït.

2 Mel 11:12

Ëtɛ̈ɛ̈n go Jeɣoyada wën ë melik lɛɛr biic, ku tɛ̈ɛ̈u göl në yenɔm, ku gëm awerek de lööŋ këde muŋ de ciɛɛŋ, ku jɔ Jowac tɔc, ku cɛɛlë ke ye Melik. Go kac kecin pam, ku cötkï në röldït an, “Abï pïïr anande yen melik!”

2 Mel 11:14

Ku ëtɛ̈ɛ̈n ke tïŋ melik cï piac lɔc ke kääc të thöny wën ye bɛ̈ny rëër ë Luaŋdït yic, cït man ye ye looi në ciɛɛŋdenic, yen acï gɛɛu cil në bäny ke rem de tɔŋ, ku lɔ kɔc koth kɛŋ, ku raan ëbɛ̈n awou në miɛtë piɔ̈u. Go Athalia lupɔɔ ke rɛtiic në jiɛthëpiɔ̈u, ku moc kiɛɛu an, “Ee nyiin! Ee nyiin!”

2 Mel 9:1

Na wën, ke tiët Elica ë toc raan töŋ dhuök ke tït ku lëk en an, “Nöm aguun de miök de olip ku lɔ Ramoth në Giliyad,

2 Mel 9:13

Go raan ëbɛ̈n ë ke yiic lupɔde bɛ̈ɛ̈i bei, ku thiethkï ke piny bï Jeɣu kɔ̈ɔ̈c ë kekɔ̈ɔ̈th, ku jɔ kaaŋ kooth, ku ciɛɛlkï an, “Jeɣu ee melik!”

1 Lëk 29:22

Ee köölë acïk piɔ̈ɔ̈th bɛ̈n miɛt, të wën jɔ kek cuet ku dëkkï në Bɛ̈nydït nɔm. Ago Tholomon bɛ caal ke ee melik në këde rou. Në rin ke Bɛ̈nydït acïk tɔc ke ye bɛ̈nyden ku Dhadok ke ye bɛ̈ny de kake Nhialic.

2 Lëk 23:11

Na wën ke Jeɣoyada bɛ̈ny de kake Nhialic ë leer Jowac biic, ku tɛ̈ɛ̈u göl ë yenɔm, ku gëm awereŋ töŋ de yic lööŋ ke luɔi de meliik. Ku jɔ bɛ̈n caal ke ee melik, go Jeɣoyada bɛ̈ny de kake Nhialic kekë wɛ̈ɛ̈tke Jowac tɔc ë miök, ago kɔc kedhie cööt ë röldït an, “Melik yïn bï pïïr athɛɛr!”

2 Lëk 23:13

Ku ëtɛ̈ɛ̈n ke jɔ melik ë piacë kuany tïŋ në Luaŋdïtic thïn, ke kääc ë mën cï luöi melik ku acï tuɔɔk cil në bäny ke rem de tɔŋ, ku lɔ kɔc koth kɛŋ. Kɔc wou kedhie ke ke mit piɔ̈ɔ̈th ku kothkï kɛŋ, ku lɔ kɔc ee ket në Luaŋdïtic ke ke gut thom ku lɔ̈r ku loikï dhuëëŋ. Go Athalia lupɔɔke rɛtic ku cööt ë röldït an, “Ee nyiin oou! Ee nyiin oou!”

Diɛt 89:20

Yɛn cï awundiën Debid yök, acä tɔc nɔm në miökdiën ɣeric.

Bɛ̈n 30:35

Ku looi yïn wal ku wɛ̈ɛ̈l ŋïr. Ku yiëkë yic amilɔ thiinakäŋ ke bï ye döt ke lɔ wai ku ɣeeric.

1 Tham 10:24

Ago Thamwɛl lɛ̈k kɔc an, “Yen raan cïï Bɛ̈nydït lɔc kï! Acïn raan töŋ cït en në woyiic wodhie.” Ago kɔc cööt lueelkï an, “Melik yïn bï tɔ̈u athɛɛr!”

1 Tham 16:13

Go Thamwɛl miök de olip nööm ku wɛ̈l ë Debid nɔm në wɛ̈ɛ̈tëkɔcken nïïm. Gɔl ëtɛ̈ɛ̈n, ku le tueŋ, Wëi ke Bɛ̈nydït acïk bɛ̈n tɔ̈u në Debid guöp. Ku jɔ Thamwɛl rɔt bɛ̈n puɔ̈k Rama.