1 Mel 1:34 - JAM DE NHIALIC 2011

³⁴ Ëtɛ̈ɛ̈n abï Dhadok bɛ̈ny de kake Nhialic, ku tiët ë Nhialic Nathan en lɔ tɔc ke ye melik bï nu në Yithriɛl nɔm. Ku kuɔthkï kɛŋ ku mɔckï kiɛɛu an, “Yïn bï pïïr anandu melik Tholomon.”

1 Mel 1:34 ပူးပေါင်းရင်းမြစ်များ

2 Tham 15:10

Ku aacï kɔc tuöc dhiëën ke Yithriɛl ëbɛ̈n bïk lɔ lueel an, “Të cä wek röl de kɛŋ piŋiic, ke we cöt an, ‘Abthalom acï aa meliŋ de Ɣebron!”’

2 Tham 2:4

Go kɔc ke Juda bɛ̈n Ɣebron ku jɔkï Debid tɔc ke ye melik de Juda ëbɛ̈n. Wën cïï Debid ye piŋ nɔn cïï kɔc ke Jabec Giliyad Thaulo tɔ̈ɔ̈u,

2 Tham 5:3

Go bäny ke Yithriɛl kedhie lɔ tëde Debid në Ɣebron. Ago mät looi ke keek në Ɣebron në yïïŋ de Bɛ̈nydït lɔ̈ɔ̈m. Na wën ke ke jɔ Debid wäl nɔm miök ku tɔkï ee melik de Yithriɛl.

1 Mel 1:25

Ee köölë acï miöör juëc nɔ̈k, ku daau cuɛi, ku amɛ̈l, ku ë wɛ̈ɛ̈tku caal ë dhuëëŋic bïk nu thïn. Ku yen aya acï Jowap cɔɔl bɛ̈ny ë rem de tɔŋ, ku Abiathar bɛ̈ny de kake Nhialic. Keek aciëmkï ku dëkkï në yen ku mockï kiɛɛu an, ‘Yïn bï pïïr anandu melik Adonija.’

1 Mel 1:35

Të la wek e pɔ̈k nɔm ee tënë abï bɛ̈n nyuc në thöönydï nɔm. Ee yen abï lɔ në yacök ke ye melik, në biäk cän e lɔc bïï aa melik nu në Yithriɛl kekë Juda nɔm.”

1 Mel 1:39

Go Dhadok bɛ̈ny de kake Nhialic aguun ë miök nööm në paany de Bɛ̈nydïtic ku tɔckï Tholomon nɔm. Ku kothkï kaaŋ, ku moc kɔc kiɛɛu an, “Yïn bï pïïr anandu melik Tholomon!”

1 Mel 19:16

ku Jeɣu wën ë Nimci abä tɔc ke ye melik de Yithriɛl, ku Elica wën ë Capat de Abel Meɣola abä tɔc bï ya tiët ë Nhialic ë nyinduyic.

2 Mel 11:12

Ëtɛ̈ɛ̈n go Jeɣoyada wën ë melik lɛɛr biic, ku tɛ̈ɛ̈u göl në yenɔm, ku gëm awerek de lööŋ këde muŋ de ciɛɛŋ, ku jɔ Jowac tɔc, ku cɛɛlë ke ye Melik. Go kac kecin pam, ku cötkï në röldït an, “Abï pïïr anande yen melik!”

2 Mel 11:14

Ku ëtɛ̈ɛ̈n ke tïŋ melik cï piac lɔc ke kääc të thöny wën ye bɛ̈ny rëër ë Luaŋdït yic, cït man ye ye looi në ciɛɛŋdenic, yen acï gɛɛu cil në bäny ke rem de tɔŋ, ku lɔ kɔc koth kɛŋ, ku raan ëbɛ̈n awou në miɛtë piɔ̈u. Go Athalia lupɔɔ ke rɛtiic në jiɛthëpiɔ̈u, ku moc kiɛɛu an, “Ee nyiin! Ee nyiin!”

2 Mel 9:13

Go raan ëbɛ̈n ë ke yiic lupɔde bɛ̈ɛ̈i bei, ku thiethkï ke piny bï Jeɣu kɔ̈ɔ̈c ë kekɔ̈ɔ̈th, ku jɔ kaaŋ kooth, ku ciɛɛlkï an, “Jeɣu ee melik!”

2 Mel 9:3

ku jɔ wäl nɔm miök de oilpë, ku luel an, “Acï Bɛ̈nydït lueel an, ‘Yïn tac ke yï ye melik de Yithriɛl.’ Ku ëtɛ̈ɛ̈n liep ɣöt thok, ku dap kat.”

2 Mel 9:6

Gokï lɔ ɣöt kaarou, go dhuŋ de tiët miök de olip wäl ë Jeɣu nɔm, ku lëk en an, “Acï Bɛ̈nydït Nhialic de Yithriɛl lueel an, ‘Bä yï tɔc ke yï ye melik de kɔckiën ke Yithriɛl.

2 Lëk 23:11

Na wën ke Jeɣoyada bɛ̈ny de kake Nhialic ë leer Jowac biic, ku tɛ̈ɛ̈u göl ë yenɔm, ku gëm awereŋ töŋ de yic lööŋ ke luɔi de meliik. Ku jɔ bɛ̈n caal ke ee melik, go Jeɣoyada bɛ̈ny de kake Nhialic kekë wɛ̈ɛ̈tke Jowac tɔc ë miök, ago kɔc kedhie cööt ë röldït an, “Melik yïn bï pïïr athɛɛr!”

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Diɛt 89:20

Yɛn cï awundiën Debid yök, acä tɔc nɔm në miökdiën ɣeric.

Diɛt 89:36

Yen abï nɔm dɛ kuatde ë bääny yic, yɛn bï ciɛɛŋde aa woi në run nyïïn kedhie.

Yith 45:1

Bɛ̈nydït acï Thairuth kuany ke ye melik! Aa kuɛny ke bï juöör peec, aa tooc bïï riɛl de meliik lɔ nyaai, Bɛ̈nydït abï thook ke kɛ̈l ke pänydït liëp thook en. Ku aye Bɛ̈nydït lɛ̈k Thairuth an,

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

1 Tham 10:1

Go Thamwɛl gul ë miök de olip nööm ku wɛ̈l ë Thaulo nɔm, ku ciim thok lëk en an, “Yïn cïï Bɛ̈nydït lɔc bä ya melik de Yithriɛl kɔcke. Yïn bï kɔc tiit ku gël ke në kɔc de ater në keek. Ku kë bï yïn e ŋic kï nɔn cïï Bɛ̈nydït yï lɔc bä ya melik de kɔcke:

1 Tham 10:24

Ago Thamwɛl lɛ̈k kɔc an, “Yen raan cïï Bɛ̈nydït lɔc kï! Acïn raan töŋ cït en në woyiic wodhie.” Ago kɔc cööt lueelkï an, “Melik yïn bï tɔ̈u athɛɛr!”

1 Tham 16:3

Caalë Jethe në miaac yic, ku yïn bä lɔ lɛ̈k kë bä looi. Yïn bï raan lɔ tɔc nɔm ke ye melik, raan bä lɔ nyuöth yïn.”