1 Lëk 6:32 - JAM DE NHIALIC 2011

³² Keek aa ke ye aköölkɛn ke luɔi wɛ̈ɛ̈r në paany de mätic, të ɣɔn kën ë melik Tholomon Luaŋdït yïk.

1 Lëk 6:32 ပူးပေါင်းရင်းမြစ်များ

1 Lëk 6:10

Adharia (ee yen ë ye luui ke ye bɛ̈ny de kake Nhialic ë Luaŋdïït wään bï ë melik Tholomon yïk ë Jeruthalem).

1 Lëk 6:31

Kɔckë acïï melik Debid ke kuany bïk lɔ̈r, ku thoom ku kɛŋ aa gut ë Luaŋdïtic të lɛ̈m ë kɔc ë Jeruthalem, wään cï Athänduŋ de mät lɛɛr ëtɛ̈ɛ̈n.

1 Lëk 6:33

Kuat de ɣön ɣɔn muk luɔi de Luaŋdït kï: Dhiën de Koɣath, ee Ɣeman, bɛ̈ny de kɔc ee diɛt ket tueŋ, ee wën de Jowɛl. Kuat de ɣönden ee thar ɣet ciëën ë Jakop: Ɣeman, Jowɛl, Thamwɛl,

1 Lëk 9:33

Ɣööt kɔ̈k ke kɔc ke Lebai acï ke gäm luɔi de gun ë thoom, ku lɔ̈r, ku kɛŋ ë Luaŋdïtic. Bäny ke ɣööt ke Lebai kë, aake rëër ë ɣööt kɔ̈k ke Luaŋdït yiic, ku akënë keek gäm luɔi däŋ, në biäk ye kek lui aköl ku wäkɔ̈u.

2 Lëk 31:2

Go melik Ɣedhekia luɔi bɛ tɛ̈k kɔc ke Lebai ku bäny ke kake Nhialic, ago ŋɛk luɔi bï ya looi ŋic. Luɔiyë ade yic miɔ̈c ye nyop ëbɛ̈n, ku miɔ̈c de mät, ku luɔi bïï läm wat ë Luaŋdïtic, ku gɛm de piɔ̈ny ku lɛc në ɣään kɔ̈k ke Luaŋdïtic.

2 Lëk 35:15

Ku rin ke Lebai de dhiën de Athap, kɔc cïï melik Debid gäm luɔi bïk kek kɛŋ aa kooth ku gutkï thom, ee Athap ku Ɣeman, ku Jeduthun monydaai de melik. Ku kɔc ee tïït ë kɛ̈l thook acïk bɛ̈n ŋoot ke ke rɛ̈ɛ̈r tëden, në biäk cïï Lebai kɔ̈k dhuëëŋ de Winythok luöi keek.

Edhr 6:18

Keek acïk bäny ke kake Nhialic bɛ̈n tɛ̈ɛ̈kic në biöök ku lɔ Lebai në biöökden në biäk de luɔi de Nhialic në Jeruthalem, cït man cïï ye gɔ̈ɔ̈r në awerek de Mothe yic.

Edhekiɛl 40:44

Na wën ke bïï yɛn ë kal yic biäk thïn. Aade ɣööt kaarou wel kethook ë kalic ëtɛ̈ɛ̈n, tök awel yethok wöuwic tëthiääk ke thoŋ të lɔ rut, ku däŋë awel yethok të lɔ rut tëthiääk ke thoŋ lɔ wöuwic.