1 Lëk 4:15 - JAM DE NHIALIC 2011

¹⁵ Kalep wënde Jepuna, ade wɛ̈ɛ̈t kadiäk, Yiru, Ela, ku Naam. Ku Ela ee wun Kenadh.

1 Lëk 4:15 ပူးပေါင်းရင်းမြစ်များ

1 Lëk 4:14

Minothai ee yen ee wun Opera. Theraya ee wun Jowap, raan ë gɔl Wak de Atëët, të wään ye kɔc ee ŋiëc yïk ceŋ thïn.

1 Lëk 4:16

Jeɣalelel ade wɛ̈ɛ̈t kaŋuan, Dhip, ku Dhipa, ku Tiria, ku Atharel.

Kuɛ̈n 13:30

Go Kalep kɔc wën cï guëër në Mothe lɔ̈ɔ̈m miɛɛm thook, ku lueel an, “Jëlku ënɔnthiinë, lok rumku piny. Wok ril, abuk rum.

Kuɛ̈n 14:24

Ku në biäk nu Kalep, awundï ke wuöc ke keek, ku ŋoot ke riëëu Ɛn, abä bɛ̈ɛ̈i piny wään cï lɔ caath, ku piny abï lɔ̈ɔ̈k aa piny de mïthke.

Kuɛ̈n 14:30

Ku acïn raan tök në weyiic, bï bɛ̈n piny ɣɔn cän kuëëŋ nɔn gäm Ɛn en week. Ee Kalep wën ë Jepuna, kekë Jocua wën ë Nun kaarou, kek abï lɔ.