1 Lëk 29:9 - JAM DE NHIALIC 2011

⁹ Kɔc acïk kaken bɛ̈n gäm Bɛ̈nydït ë piɔ̈n mit ëbɛ̈n, ku mitkï piɔ̈ɔ̈th arëët ë kajuëc cïk keek gam. Melik Debid aya acï piɔ̈u bɛ̈n miɛt arëët.

1 Lëk 29:9 ပူးပေါင်းရင်းမြစ်များ

1 Mel 8:61

Ku wek kɔcke, yak rëër ke we piɛthpiɔ̈ɔ̈th në Bɛ̈nydït Nhialicda, yak lööŋke, ku wëëtde riëëu ëbɛ̈n, cït man cä wek e looi ee köölë.”

2 Mel 12:5

Bɛ̈ny de kake Nhialic ëbɛ̈n, acï tääu në ye yeth, yen luɔi bïï yen wëu ke kɔckɛn lui döt, ku wëu bïï ke ɣään kɔɔr luɔi cï tïŋ Luaŋdïtic aa looi.

1 Lëk 29:10

Ëtɛ̈ɛ̈n Debid ë Bɛ̈nydït bɛ̈n leec ke amatnɔm ë tɔ̈u thïn ëbɛ̈n, ku lueel an, “Thieithieei në Yïn Bɛ̈nydït, Nhialic de kuɛɛrëda Jakop, Yïn bï aa leec aɣet athɛɛr!

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

2 Lëk 17:16

ku bɛ̈ny ee kek diäk acɔl Amathia wën de Dhikiri, ku ade cök aguum bot kaarou 200,000 de rem de tɔŋ. (Amathia aa cï rɔt gaam bï Bɛ̈nydït luööi.)

2 Lëk 24:10

Kënë acï kɔc bɛ̈n tɔ mit piɔ̈ɔ̈th ayï bänyken, gokï wëuken juaar ku thiäŋkï Athänduk.

2 Lëk 31:8

Na wën cï ë melik Ɣedhekia kekë bänyke kajuëc cï ke gam tïŋ, gokï Bɛ̈nydït lɛc nɔm ku leec kɔckɛn ke Yithriɛl.

Edhr 1:6

Go kɔc wën rɛ̈ɛ̈r ë keek ke kuɔny në aduuk ë loi atek, ku adhɛ̈p, ku ka kɔ̈k, ku läi ee käŋ ɣääc, ku lɔ miɔ̈c tuc ë ɣööcde, ayï miɔ̈c ëbɛ̈n ye gam në dhuëëŋ.

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Bɛ̈n 35:29

Kɔc ke Yithriɛl de piɔ̈ɔ̈th miɔ̈c kedhie, diäär ku röör acïk miɔ̈c de miɛtëpiɔ̈u bɛ̈n yiɛ̈n Bɛ̈nydït, looiyë ke luɔi cï lɛ̈k Mothe.

Luk 15:6

Ku na cï ɣet bei, ke jɔ määthke cɔɔl ku kɔc rɛ̈ɛ̈r ë yen ëtök, ku lëk keek an, ‘Jakï piɔ̈ɔ̈th miɛt në yɛn ëtök, yɛn ë thɔ̈ɔ̈kdiën wën cï määr yök!’

Jɔn 15:11

Kakë acä ke lɛ̈k wek, ke miɛt ë yɛnpiɔ̈u bï rëër ë weyiic, aguɔkï piɔ̈ɔ̈th miɛt abäk piɔ̈ɔ̈th ayum.

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

2 Kor 8:3

Ku yɛn ee cäätɔ de miɔ̈c cï kek miööc ë kaken, kë röŋ ke wëu cath ke keek, arëk acïk ŋuak nyin ayadäŋ, ku acïk tak ë këde nɔmden kapäc,

Pilipoi 4:1

Yen ka, wek mïthëkɔckuɔn nhiaar, ku cä we tak, wek ee miɛt de yɛnpiɔ̈u, ku yak göl ë yɛnnɔm, yak kɔ̈ɔ̈c aril wäklë ë Bɛ̈nydïtic, wek kɔc nhiaar.

Pilipoi 4:10

Ku yɛn ë piɔ̈u miɛt aläl ë Bɛ̈nydïtic, në täŋ aa wek ɛn tak, nɔn cï en rɔt bɛ piac gɔl ë këciëënë, we cï a tak tei ëcaŋɣɔn, ku acïn kööl piɛth cäk yök.

Bäny 5:9

Piɔ̈ndï atɔ̈u kekë bäny ke tɔŋ de kɔc ke Yithriɛl, kɔc ë röt gam në miɛtëpiɔ̈u, Yak Bɛ̈nydït thieei!