1 Lëk 29:22 - JAM DE NHIALIC 2011

²² Ee köölë acïk piɔ̈ɔ̈th bɛ̈n miɛt, të wën jɔ kek cuet ku dëkkï në Bɛ̈nydït nɔm. Ago Tholomon bɛ caal ke ee melik në këde rou. Në rin ke Bɛ̈nydït acïk tɔc ke ye bɛ̈nyden ku Dhadok ke ye bɛ̈ny de kake Nhialic.

1 Lëk 29:22 ပူးပေါင်းရင်းမြစ်များ

1 Mel 1:31

Go Bathceba guŋ ku lueel an, “Në bɛ̈nydï melik ë bï pïïr anande!”

1 Mel 1:33

go melik lɛ̈k keek an, “Jatkï Tholomon ku bänykiën lɔ në yacök, lɛɛrkï ke në nyin ë Giɣonic ku takï Tholomon cath ë muldiën yan cathë kɔ̈u.

1 Mel 2:35

Ku tɛ̈ɛ̈u melik Benaya ke ye bɛ̈ny ë rem de tɔŋ në nyin ë Jowap yic, ku tɛ̈ɛ̈u Dhadok bɛ̈ny de kake Nhialic në nyin ë Abiathar yic.

1 Lëk 12:40

Go kɔc bɛ̈n ë ɣään mec ke Dhiën nu të lɔ rut de yï Yithakar, ku Dhebulun, ku Naptali. Kɔc acïk bɛ̈n ë mul, ku thɔ̈rɔ̈ɔ̈l, ku miöör cï thiɔ̈ɔ̈ŋ kɔ̈ɔ̈th ë kacaam, ku aɣaar, ku ŋaap, ku rap, ku mäu ku miök de olip. Acïk ɣɔ̈k ku thök bïk bɛ̈n nɔ̈k ku cuetkï keek bɛ̈ɛ̈i. Kënë aaye nyuöth de miɛt de piɔ̈u cï rɔt looi ë baai yic ëbɛ̈n.

1 Lëk 23:1

Na ɣɔn cï melik Debid jɔ dhiɔp, go Tholomon wënde tɔ ee melik de Yithriɛl.

2 Lëk 7:10

na ɣɔn ë kööl de rou, në kööl de thiërrou ku diäk ë pɛɛi de dhorou, go Tholomon kɔc jɔ tɔ lɔ ë bɛ̈iken yiic. Aake mit piɔ̈ɔ̈th në biäk de athiɛɛi cïï Bɛ̈nydït gäm kɔckɛn ke Yithriɛl ëbɛ̈n, ku Debid, ku Tholomon.

Neɣe 8:12

Go raan ëbɛ̈n jɔ lɔ baai ku ciëm, ku dëk në miɛtëpiɔ̈u ku jɔkï këriëëc ëbɛ̈n rɔm ë kɔc kɔ̈k, në biäk cïï kek en yökic yen kën ë kuënë keek.

Bɛ̈n 18:12

Na wën, ke Jethro bïï miɔ̈c bï bɛ̈n nyop ëbɛ̈n. Ku bïï miɔ̈c däŋ bï bɛ̈n gäm Nhialic! Go Aron lɔ ke yen ku lɔ röördït ke Yithriɛl, lek këcam cam në Nhialic nɔm.

Bɛ̈n 24:11

Ku Nhialic acïn kërɛɛc ë cï luöi bäny ke Yithriɛl. Aake cï Nhialic tïŋ, gokï jɔ cam ku dëkkï.

Wɛ̈ɛ̈t 2:24

Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Wɛ̈ɛ̈t 8:15

Ka kë duɛ̈ɛ̈r piɔɔny ee pinyë nɔm ee piɔ̈n mit de raan, në biäk cïn en kë cï yök: kë cï yök yetök ee luɔɔi bï yen cam ku dëk ku jɔ piɔ̈u miɛt, yen ee kënë aduëër läk ke yen në luɔide yic, në ee pïïr cïï Nhialic gäm en ë piny nɔm.

Wɛ̈ɛ̈t 9:7

Lɔ tueŋ, cam kuïndu ke yï mit piɔ̈u, ku dek mɔ̈ndu në piɔ̈n mit, Nhialic amit piɔ̈u në kakuön cï looi.

Edhekiɛl 46:10

Të le kek thïn wën bɛ̈ny abï dhil lɔ thïn keek, ku të le kek biic abï lɔ biic.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.