1 Lëk 29:17 - JAM DE NHIALIC 2011

¹⁷ Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

1 Lëk 29:17 ပူးပေါင်းရင်းမြစ်များ

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Kɛ̈ŋ 11:20

Liëëp de käŋ ee gök de kërɛɛc mɛɛn Bɛ̈nydït, ku anhiaar kɔc adööt.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

Pile 1:7

Wok mit piɔ̈ɔ̈th aläl ku cï wo riit piɔ̈ɔ̈th në nhiëërduön ee yïn kɔc nhiaar, luɔi cï kɔc ɣerpiɔ̈ɔ̈th tɔ lɔ piɔ̈ɔ̈th guïk piny në yïn, mɛwäär.

1 Theth 2:10

Wek aye cäätɔɔ, ayï Nhialic aya, në täu ee wok tɔ̈u ë weyiic wek kɔc cï gam, täudan ɣeric ku piɛthic ku cïnic gääk duëërë wo gɔ̈k:

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

Diɛt 51:6

Tïŋ, Yïn ee yic kɔɔr në raan yäc thïn, ku ënɔɔnë wɛ̈ɛ̈të yɛn në pɛlënɔm ë ya piɔ̈u thïn.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”

Pile 1:20

Yeka, mɛwäär, tɔ ya mit piɔ̈u wo yïn ë Bɛ̈nydïtic: tɔ ya lɔ piɔ̈u guïk piny ë Kërthoyic.

Luɔi 24:16

Ku yɛn ee rɔt them e cöökë an, bä ya cath në piɔ̈n agɔk anandï, ku cïn kë ya wööc ë Nhialic nɔm ku kɔc nïïm ayadäŋ.

Kɛ̈ŋ 16:2

Raan ee rɔt tïŋ ke pïïr ë kueer awai, ku Bɛ̈nydït, Yen aŋic kë tɔ̈u në yepiɔ̈u.

Diɛt 15:2

Ee kɔc ee Nhialic riëëu ë këriëëc yic ëbɛ̈n ku yek yic looi ëceŋ, kɔc ee yic lueel në piɔ̈nden ëbɛ̈n,

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

1 Lëk 29:9

Kɔc acïk kaken bɛ̈n gäm Bɛ̈nydït ë piɔ̈n mit ëbɛ̈n, ku mitkï piɔ̈ɔ̈th arëët ë kajuëc cïk keek gam. Melik Debid aya acï piɔ̈u bɛ̈n miɛt arëët.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

Kɛ̈ŋ 21:2

Raan aduëër rɔt tïŋ cït kë cïn kë ye wööc, ku Bɛ̈nydït, Yen aŋic kë tɔ̈u në yepiɔ̈u.

Kɛ̈ŋ 17:3

Bɛ̈nydït ee kɔc them piɔ̈ɔ̈th, cït man ye adhääp kekë ateek them në mac.

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.

1 Lëk 29:16

Bɛ̈nydït Nhialicda, wok cï ee kakë määt yiic ëbɛ̈n, bï wok ke Luaŋdït yïk, bïï rinkuön ɣeriic aa dhuëëŋ guöp, ku käŋ kedhie aake bɔ̈ tëde Yïn, ku ayek kaku kedhie.

1 Lëk 29:18

Bɛ̈nydït Nhialic de kuarkuɔ Abraɣam, ku Yithaak, ku Jakop, muk luɔiduön piɛth aɣet athɛɛr, në täŋ de kɔcku yiic, ku në kɔcku piɔ̈ɔ̈th, ku ye ke wël piɔ̈ɔ̈th Yïn.

2 Lëk 6:30

piŋ lɔ̈ŋden. Ye këden piŋ paannhial tëduön rëër yïn thïn, ku päl ë keek awɛ̈ɛ̈cken. Ee Yïn Yïtök yïn aŋic kë ye kɔc tak. Ye ŋɛk luööi cït man ë këdɛn rɔ̈ŋ ke yen,

Diɛt 17:3

Yïn ŋic a piɔ̈u. Yïn ee ya neem wakɔ̈u, Yïn cï a them arëët, acïn rɛ̈ɛ̈c cï yök në ya guöp,

Diɛt 51:8

Tɔ ya piŋ röl ë miɛtëpiɔ̈u kekë dɔl, tɔ yom cï dhuööŋë be piɔ̈ɔ̈th miɛt.