1 Lëk 29:14 - JAM DE NHIALIC 2011

¹⁴ “Yɛn wokë kɔckï acïn kë buk gäm Yïn, në biäk ye këriëëc ëbɛ̈n bɛ̈n tëde Yïn, këduön wään cï kɔn gäm wook yen apukku nɔm yïn.

1 Lëk 29:14 ပူးပေါင်းရင်းမြစ်များ

Cäk 28:22

Ku kuur cä tɔ ye mënë, abï ya ɣön ë Nhialic. Ku në ka cï Bɛ̈nydït gäm ɛn yiic kedhie, abä puɔ̈k nɔm töŋ thiëër ë käŋ.”

Cäk 32:10

Nhiëërduön agɔk acïï rɔ̈ŋ ke yɛn. Ayï dönduön piɛthë cï yïn lïmdu döt, acïkï rɔ̈ŋ në yɛn kedhie. Yɛn aa tem wɛ̈ɛ̈r de Jordan ke ye thieec tei yetök yen muɔ̈k në yaciin. Ku ënɔɔnë, yɛn ë bɛ̈n ciëën wokë luuny kaarou.

2 Tham 7:18

Na wën ke melik Debid ë lɔ në paany de Bɛ̈nydïtic, go nyuc ku lɛ̈ŋ an, “Bɛ̈nydït Nhialic, Yɛn ya ŋa! Ku dhiëndï eeŋa? Eeŋö bïï yïn yɛn ee tënë?

1 Lëk 17:16

Na wën ke Debid ë lɔ në paany de Bɛ̈nydïtic, ku nyuuc ku lɛ̈ŋ lueel an, “Yɛn cïï rɔ̈ŋ we kë cï luöi yɛn, Bɛ̈nydït Nhialic, ayï baaida aya acïï rɔ̈ŋ ke kë cï looi.

1 Lëk 29:13

Ënɔɔnë Nhialicda, Yïn cuk leec, ku wok cï rinkuön ke dhuëëŋ piɔɔny.

1 Lëk 29:15

Aŋic, Yïn Bɛ̈nydït, nɔn ee wok tëëk ë pïïric cï alɛi ku kamaan, cït man ɣɔn cïï kuarkuɔ ke looi. Nïnkuɔ acïtkï atïm ee cath, ku wok cïï duëër kat ë thuɔɔu.

1 Lëk 29:16

Bɛ̈nydït Nhialicda, wok cï ee kakë määt yiic ëbɛ̈n, bï wok ke Luaŋdït yïk, bïï rinkuön ɣeriic aa dhuëëŋ guöp, ku käŋ kedhie aake bɔ̈ tëde Yïn, ku ayek kaku kedhie.

1 Lëk 29:9

Kɔc acïk kaken bɛ̈n gäm Bɛ̈nydït ë piɔ̈n mit ëbɛ̈n, ku mitkï piɔ̈ɔ̈th arëët ë kajuëc cïk keek gam. Melik Debid aya acï piɔ̈u bɛ̈n miɛt arëët.

2 Lëk 2:5

Acä tak bä Luaŋdït yïk ke dït, në luɔi dïït ë Nhialicda awär yiëth kɔ̈k.

Diɛt 115:1

Ee Yïn Yïtök, Yïn Bɛ̈nydït, ee Yïn tök, ku acie wook, bï gäm dhuëëŋ, në biäk de nhiëërduön agɔk kekë piɔ̈nduön adöt.

Bɛ̈n 3:11

Go Mothe lɛ̈k Nhialic an, “Ee yɛn ŋa, ka yɛn duëër jɔ lɔ tëde melik, ku la kɔc ke Yithriɛl bɛ̈ɛ̈i bei ë Rip?”

Danyel 4:30

ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Ɣagai 2:8

Ku lueel Bɛ̈nydït de rɛm an, Atek ke pinynɔm kedhie, ayï adhɛ̈p ayek kakï.

Romai 11:36

Këriëëc ëbɛ̈n ee kake, ku aake bɔ̈ në yen, ku lek tëde yen. Ë dhuëëŋ tɔ̈u kekë yen aɣet athɛɛr! Amiin.

1 Kor 16:2

Ëkööl tueŋ ee kek dhorou ëbɛ̈n, week wedhie, ë ŋɛk ë ye käŋ tɔ̈ɔ̈u abï ke kueet, acït man cï Nhialic e tɔ yök käŋ, ku miäk të cän bɛ̈n, ka cïn juɛ̈ɛ̈rëkäŋ bï nu.

2 Kor 3:5

Ku wo wapäc acïn kë duëërku lueel ë ye an, ë bɔ̈ në wook, lëu ee wok käŋ lëu abɔ̈ tëde Nhialic,

Nyöŋ 16:10

ku ëtɛ̈ɛ̈n, jakï dhuëëŋ de tëm bɛ̈n looi, bä wek Bɛ̈nydït Nhialicdun riëëu, ku wek bï miɔ̈c de miɛtëpiɔ̈u bɛ̈ɛ̈i cït man de athiɛɛi cï gäm week.

Nyöŋ 16:17

miɔ̈cdɛn duëër lëu, cït man de athiɛɛi cï Bɛ̈nydït Nhialicdun gäm en.

Pilipoi 2:13

ee Nhialic yen ee Raan ee luui ë weyiic bäk käŋ aa kɔɔr ku yak ke looi ayadäŋ, ka cït ka nu ë yepiɔ̈u.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

Nyuuth 4:10

ke röördït kathiërrou ku ŋuan ke ke ye röt jɔ cuat piny ë Bɛ̈nydït nɔm Bɛ̈ny rɛ̈ɛ̈r ë thöönydït nɔm, ku yek Bɛ̈nydït lam Bɛ̈ny ë pïïr aɣet athɛɛr ya, ku yek göölkɛn ë dhuëëŋ cuat ë thöönydït nɔm tueŋ, ku yek lueel an,