1 Lëk 29:1 - JAM DE NHIALIC 2011

¹ Na wën ke jɔ ë melik Debid lɛ̈k amatnɔm an, “Wëndiën Tholomon yen acïï Nhialic lɔc, ku aŋoot ke koor, ku akën kɔn wëët ë luɔi. Ku luɔi bï looi adït, në biäk cïï yen ë ɣön de raan, ee Luaŋdït de Bɛ̈nydït Nhialic.

1 Lëk 29:1 ပူးပေါင်းရင်းမြစ်များ

2 Tham 3:39

Acakaa nɔn ee yɛn melik ë lɔc Nhialic, yɛn ë rɔt yök ke ya kɔ̈c ee köölë. Kek wɛ̈ɛ̈t ke Dheruiakë acïk a yiɛ̈n guöp akuöörkuöör arëët. Abïï Bɛ̈nydït ke luöi këtuuc rɔ̈ŋ ke keek!”

1 Mel 1:20

Ku ënɔɔnë bɛ̈nydiën melik, Yithriɛl ëbɛ̈n atit löŋ bä lɛ̈k keek eeŋa bï lɔ̈ɔ̈k nyuc në thöönydu nɔm në yïcök.

1 Mel 3:7

Bɛ̈nydït Nhialicdï, Yïn cï lïmdu tɔ ye melik, në nyin ë wäär Debid, ku yɛn ee meth tei, mɛnh kuc lɔ biic ku bɛ̈n thïn.

1 Lëk 22:2

Ago melik Debid löŋ tääu piny, bï alɛi tɔ̈u paan de Yithriɛl ke yiic määt kedhie, ago keek gäm luɔi. Go kɔc kɔ̈k kur guaŋ bïï ke ɣön ë Nhialic yïk.

1 Lëk 22:5

Go Debid lueel an, “Luaŋdït bï ë wëndï Tholomon lɔ̈ɔ̈k yïk abï dhil dik ku lec ë pinynɔm ëbɛ̈n. Ku Tholomon akoor ku akuc käŋ, ka yen bï käŋ dhil guiir ë biäkde.” Go Debid kajuëc bɛ̈ɛ̈i ɣɔn kën en kɔn thou.

1 Lëk 28:1

Na ɣɔn ke Debid ë yöök kɔc ke Yithriɛl kedhie bïk kenïïm bɛ̈n mat ë Jeruthalem. Bäny ke dhiëën ke Yithriɛl, ku bäny muk kake luɔi de ciɛɛŋ, ku bäny ke ɣööt thook, ku kɔc ee kake melik tiit, ku ɣɔ̈k, ku thök, ku wɛ̈ɛ̈t ke melik, ku bäny ke kake baai de melik, ku bänydït ke rem de tɔŋ, ku jɔ aa röördït de naamden, acï ke kut kenïïm ë Jeruthalem.

1 Lëk 28:10

Abä dhil jɔ ŋic ënɔɔnë, nɔn cïï Bɛ̈nydït yï lɔc bä tëɣeric yïk, loi ënɔɔnë, ku tɔ yïpiɔ̈u ril.”

1 Lëk 28:8

Ka ënɔɔnë ë kɔc ke Yithriɛl nïïm ëbɛ̈n, ku në amatnɔm de Bɛ̈nydït Nhialic nɔm, wek cä yɔ̈ɔ̈k bäk lööŋ cïï Bɛ̈nydït lueel dhil aa gam ë piɔ̈n adöt, bäk këriëëc cï lɛ̈k week looi, në biäk bä wek ŋoot ke we ceŋ ee piny piɛthë, ke ye pinydun, ku bäk bɛ gäm rɛm bï bɛ lɔ̈ɔ̈k bɛ̈n në wecök, ku bï aa pinyden aɣet athɛɛr.”

1 Lëk 29:19

Gämë wëndiën Tholomon piɔ̈n adöt bïï yen lööŋ cï lueel ëbɛ̈n aa riëëu, ku bïï Luaŋdït cän kake guiirë yïk.”

2 Lëk 1:2

Go melik Tholomon jam kekë kɔc ke Yithriɛl kedhie, ku lɔ bänydït ke rem de tɔŋ wat agum de kɔc, ku bänydït ke rem de tɔŋ wat bot de kɔc, ku bäny ee lööŋ guiir, ku röördït ke baai piny de Yithriɛl, ku kɔc kedhie,

2 Lëk 13:7

Na wën ke mɛ̈ɛ̈t kuut de kɔc ee karɛc looi yiic, ku tɔ keek tɔ reec Reɣobowam wën ë Tholomon, në biäk koor en ku cïï käŋ ŋic në baŋ bï yen thɔ̈ɔ̈r ke keek.

Kɛ̈ŋ 4:3

Të ɣɔn yan mɛnh thiin koor, ku ya wën tök në wää kekë maa nɔm,

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.