1 Lëk 28:9 - JAM DE NHIALIC 2011

⁹ Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

1 Lëk 28:9 ပူးပေါင်းရင်းမြစ်များ

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Cäk 6:5

Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ,

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

1 Mel 3:6

Go Tholomon bɛ̈ɛ̈r an, “Yïn cï nhiëër agɔk nyuöth wäär Debid raanduön ee Yï luööi, cït man ee yen cath ë kuɛɛrku yiic në yic, ku në piathëpiɔ̈u. Yïn ŋoot ke Yï döt nhiëërduön agɔk wekë yen, në kë cïï Yïn en yiɛ̈n mɛwä bï nyuc në thöönyde nɔm, cït ee köölë.

1 Mel 8:39

Piŋ lɔ̈ŋden ɣöndu paannhial, pälë keek awɛ̈ɛ̈cken, ku kony ke. Yïn Yïtök, Yïn ŋic kë nu ë mɛnh ë raan piɔ̈u. Ye raan ëbɛ̈n luöi kë rɔ̈ŋ kekë kë cï looi,

1 Mel 8:43

ke Yï jɔ lɔ̈ŋden piŋ. Paannhial të rëër Yïn thïn, ku luöiyë ke kë cïk thiëc tëde Yïn, ago kɔc ke pinynɔm ëbɛ̈n Yïn ŋic, ku rïïukï Yïn cït nɔn ye kɔckuön ke Yithriɛl ye looi, ku ëtɛ̈ɛ̈n abïk ŋic an Luaŋdïït cä looiyë, ee të bï Yïn aa lɔ̈ŋ thïn.

1 Mel 8:61

Ku wek kɔcke, yak rëër ke we piɛthpiɔ̈ɔ̈th në Bɛ̈nydït Nhialicda, yak lööŋke, ku wëëtde riëëu ëbɛ̈n, cït man cä wek e looi ee köölë.”

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

2 Mel 21:22

Yen ë Bɛ̈nydït, rɛɛc Nhialic de kuarken, ku cïï cath në kueerde yic.

2 Mel 22:2

Acï këpiɛth looi në Bɛ̈nydït nɔm, ku ciɛth ë kueer ë Debid yic, akën rɔt yal ë biäk cam ayï cuëc.

1 Lëk 22:19

Ënɔɔnë luööiyë Bɛ̈nydït Nhialinydu në piɔ̈ndu ëbɛ̈n, ku wëiku ëbɛ̈n. Gɔl yïŋ de tëɣeric, ke yï bï Athänduŋ de män de Bɛ̈nydït tääu thïn, ku lɔ ka kɔ̈k ɣer yiic ye kɔc ke läm looi.”

1 Lëk 28:8

Ka ënɔɔnë ë kɔc ke Yithriɛl nïïm ëbɛ̈n, ku në amatnɔm de Bɛ̈nydït Nhialic nɔm, wek cä yɔ̈ɔ̈k bäk lööŋ cïï Bɛ̈nydït lueel dhil aa gam ë piɔ̈n adöt, bäk këriëëc cï lɛ̈k week looi, në biäk bä wek ŋoot ke we ceŋ ee piny piɛthë, ke ye pinydun, ku bäk bɛ gäm rɛm bï bɛ lɔ̈ɔ̈k bɛ̈n në wecök, ku bï aa pinyden aɣet athɛɛr.”

1 Lëk 29:9

Kɔc acïk kaken bɛ̈n gäm Bɛ̈nydït ë piɔ̈n mit ëbɛ̈n, ku mitkï piɔ̈ɔ̈th arëët ë kajuëc cïk keek gam. Melik Debid aya acï piɔ̈u bɛ̈n miɛt arëët.

2 Lëk 12:5

Go tiët Cemaya lɔ tëde Reɣobowam ku wɛ̈ɛ̈t meliik ke Juda cï kenïïm lɔ kut Jeruthalem në biäk de Cicak meliŋ de Rip. Ago lɛ̈k keek an, “Kë lueel Bɛ̈nydït kï an: ‘Wek cï A nyääŋ piny, ku ënɔɔnë wek bä keek nyääŋ në Cicak ciin.’”

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 6:30

piŋ lɔ̈ŋden. Ye këden piŋ paannhial tëduön rëër yïn thïn, ku päl ë keek awɛ̈ɛ̈cken. Ee Yïn Yïtök yïn aŋic kë ye kɔc tak. Ye ŋɛk luööi cït man ë këdɛn rɔ̈ŋ ke yen,

Edhr 8:22

Yɛn aaye guöp riɔ̈ɔ̈c në luɔi bän Melik thiëëc në rem de tɔŋ ku kɔc ke jöŋgöör bï wok tiit kueer në cäthda yic në biäk de kɔc ke ater duëër wook gëk, aa cuk lëk Melik an, Nhialic atɔ̈u ke kɔc ee Ye kɔɔr, ku agönhde ee tɔ̈u kekë kɔc cïï Yen ee piŋ thok.

Diɛt 101:2

Yɛn bï cath ë kueer cïn yic awäc. Ee nɛn yen bï Yïn bɛ̈n tëde yɛn? Yɛn bï rëër ë piɛth paandï

Diɛt 139:2

Yïn ŋic këriëëc ya looi ëbɛ̈n. Yïn ŋic ka ya tak tëmec.

Diɛt 17:3

Yïn ŋic a piɔ̈u. Yïn ee ya neem wakɔ̈u, Yïn cï a them arëët, acïn rɛ̈ɛ̈c cï yök në ya guöp,

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 7:10

Nhialic Yen aye köndï, Ee Yen ee kɔc lɔ piɔ̈ɔ̈th wai luök.

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Diɛt 89:26

Abï ya lëk ɛn an, ‘Yïn ee Wäär, ku Ye Nhialinydï, Yïn ee gëlgëldï ku konydï.’

Diɛt 89:38

Ku yïn gɔ̈th wokë meliŋduön cï lɔc, acï nyääŋ piny, ku acï rɛɛc.

Diɛt 9:10

Bɛ̈nydït kɔc ŋic Yïn, abïk Yïn ŋɔ̈ɔ̈th, Yïn cïï raan cï bɛ̈n tëde Yïn ee rɛɛc,

Bɛ̈n 15:2

Bɛ̈nydït yen aye riɛldï, ee yen ë kony ɛn. Ee yen ee Nhialicdï, ka abä leec. Ee Nhialic de awuur, ka abä piɔ̈ny dhuëëŋde.

Bɛ̈n 3:16

Lɔ mat röördït ke Yithriɛl nïïm kedhie, ku lɛ̈kë keek an, ‘Yɛn Bɛ̈nydït Nhialic de kuarkun, Nhialic de Abraɣam kekë Yithaak, ku Jakop, acï tuöl tëde yɛn. Ku acï lueel an, cï we tïŋ, ku tïŋ kë luiyë week paan ë Rip.

Kɛ̈ŋ 17:3

Bɛ̈nydït ee kɔc them piɔ̈ɔ̈th, cït man ye adhääp kekë ateek them në mac.

Kɛ̈ŋ 3:6

Ye Bɛ̈nydït tak në këriëëc loi yic ëbɛ̈n, ku abï yï nyuöth kueer yic.

Kɛ̈ŋ 4:4

yɛn cïï wää bɛ̈n wɛ̈ɛ̈t lëk ɛn an, “Piŋ kë lɛ̈k yïn ë gɔk, ku du kɔn tɔ mär yïnɔm. Ye lööŋ lɛ̈k yïn döt ke yï bï pïïr.

Yith 1:28

Ku Yen abï raan ëbɛ̈n dhuɔŋ piny, raan lɔ Yen rɛɛc thok ku looi kë rac, abï raan cïï këde ee piŋ ëbɛ̈n nɔ̈k.

Yith 38:3

“Tak Yïnɔm Bɛ̈nydït në luɔi ë yan ye them anandï bä aa raan adöt ku bä aa raan ee këde piɔ̈ndu looi.” Ku jɔ Ɣedhekia dhiau arëët.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Jeremia 11:20

Na wën ke ya läŋ an, “Bɛ̈nydït de rɛm, Yïn ee Raan ee löŋ guiir në yic, Yïn ee täŋ de kɔc them ku them kë yek thɔ̈ɔ̈ŋ. Yɛn cï göönydï tääu ë yïcin, ka Yïn kaar bä Yïn tïŋ ke yï guur yɛn në ee kɔckë.”

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 20:12

Ku Bɛ̈nydït de rɛm, Yïn ee kɔc them ë yic, yïn ŋic kë nu ë kenïïm ku në kepiɔ̈ɔ̈th. Tɔ ya tïŋ yïn ke yï guur këdï në kɔc ke aterdï, në biäk cän göönydï tääu ë yïcin.

Jeremia 22:16

Ee kɔc kuanynyïïn luök kaken, go käŋ piath ë yen kedhie. Yen kën ee ye nyuɔɔth ka nɔn ŋic ë raan Bɛ̈nydït.

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 29:13

Yïn bï ya kɔɔr, ku yïn bï Yɛn yök, në biäk bï yïn Yɛn kɔɔr ë piɔ̈ndu ëbɛ̈n.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Edhekiɛl 11:5

Wëi ke Bɛ̈nydït acïk a lɔ̈ny go ë Bɛ̈nydït lɛ̈k ɛn bä kɔc lɔ gäm ee wëlkë: “Baai de Yithriɛl, yɛn ŋic kë luɛlkï, ku kakuön guiɛɛrkï keek.

Edhekiɛl 38:10

Yen kë cïï Bɛ̈nydït Awärjäŋ lɛ̈k Gok ka: “Të le köölë bɛ̈n yïn bï täŋ de kiɛɛr rac gɔl.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 2:25

ku acïn cäätɔ duëër dhil kɔɔr cäätɔ bï këde raan lueel, yen guöp ee kë nu ë raan piɔ̈u ŋic.

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Jɔn 4:24

Nhialic ee Wëi, ku kɔc lam en abïk e dhil lam në wëi ku në yic.”

Jɔn 8:55

ku akɛ̈nkï ŋic: ku aŋiɛc yɛn, ku na luɛɛl en an, akuöc ke yɛn bï ya alueeth cït week: ku aŋiɛc, ku ya jamde döt.

Luɔi 1:24

Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

Luɔi 17:23

Wään tɛ̈ɛ̈k ɛn kueer, yɛn ë käŋ tïŋ ka lamkï, aguɔ yïïŋ tök yök aya, yïïŋ de läm, acï gäär kɔ̈u wël, an, ‘Këde Nhialic kucku.’ An, Raan yak lam ke kuöckï, yen a guiëër week ënɔɔnë.

Luɔi 17:30

Run ɣɔn kek aye run ke kuny kuc ë kɔc käŋ, ago Nhialic lɔ lik tei, ku ënɔɔnë ë thɔn an, bï kɔc kepiɔ̈ɔ̈th puk kedhie ë piny nɔm ëbɛ̈n.

1 Kor 15:34

Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 31:21

Ku të le karɛc juëc ku nuɛɛn juëc keek yök, yen ee dinë abï ya cäätɔ gɛɛny keek. Në biäk cïï mïth ke mïthken nïïm bï määr në yen. Yɛn ŋic këdɛn bïk looi, ayï wään ŋuɔɔt ɛn ke ke kɛ̈n bɛ̈ɛ̈i piny ɣɔn cän kuëëŋ an bä gäm keek.

Nyöŋ 4:35

Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

1 Tham 12:20

Go Thamwɛl lueel an, “Duökï riɔ̈c, cakaa nɔn cä wek kërac looi, duökï kueer ë Bɛ̈nydït päl, ku luööikï ë piɔ̈ndun ëbɛ̈n

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”