1 Lëk 28:20 - JAM DE NHIALIC 2011

²⁰ Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

1 Lëk 28:20 ပူးပေါင်းရင်းမြစ်များ

1 Mel 6:38

Na ɣɔn ë pɛɛi ë Bul (yen cɔl Akɔ̈nydït) në ruöön ye Tholomon run thiëër ku tök ë bääny yic, yen aa thöökë ë yïŋ de Luaŋdït kekë kake ëbɛ̈n në run kadhorouwiic.

1 Lëk 22:13

Të le yïn lööŋ cï Bɛ̈nydït gäm Mothe në baŋ de kɔc ke Yithriɛl lɔ riëëu kedhie, yïn bï tiam ë luɔidu yic. Riit yïpiɔ̈u ku tɔ rɔ ril, ku du riɔ̈c.

1 Lëk 28:10

Abä dhil jɔ ŋic ënɔɔnë, nɔn cïï Bɛ̈nydït yï lɔc bä tëɣeric yïk, loi ënɔɔnë, ku tɔ yïpiɔ̈u ril.”

2 Lëk 19:11

Ku Amaria bɛ̈ny de kake Nhialic yen abï lööŋ de kake Nhialic aa teem kedhie, ku Dhebadia wën de Yicmiɛl, bɛ̈ny de Juda yen abï löŋ de luök ke ciɛɛŋ aa teem kedhie. Ku kɔc ke Lebai abïk lööŋ ke luök aa tïŋ na cï ke thöl ë luɔi kedhie. Riɛtkï wepiɔ̈ɔ̈th ku luɔikï ee luɔiyë, ku Bɛ̈nydït abï tɔ̈u në biäk ë kɔc de nïïm yic!”

Edhr 10:4

Riɛl atɔ̈u në yïciin, lɔ tueŋ në luɔidu, wok bï tɔ̈u në yïcök.”

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:13

Yɛn ee Bɛ̈nydït Nhialicdun, wek bä tɔ ril, ku yɔ̈ɔ̈k week an, ‘Duökï bï riɔ̈ɔ̈c, wek bä ke kony.’”

Ɣagai 1:13

Na wën, ke Ɣagai tuny guïïr kɔc jam ë Bɛ̈nydït, lëk keek an, “Acï Bɛ̈nydït lueel an Yɛn bï tɔ̈u wo week.

Ɣagai 2:4

Aye Bɛ̈nydït de rɛm lueel an, Ku ënɔɔnë, riɛɛtkï röt piny yïn Dherubabel wekë Jocua, bɛ̈nydïït ë kake Nhialic, ku kɔc ke piny kedhie, ku luɔikï luɔi. Yɛn tɔ̈u wokë week,

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

Nyöŋ 31:6

Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 4:31

Ee Nhialic de kokëpiɔ̈u, acïï week bï pɔ̈l, ku acïï week bï riɔ̈ɔ̈r nyïïn, ku acïï nɔm bï määr në män cï looi guöpde kekë kuarkun.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”