1 Lëk 26:32 - JAM DE NHIALIC 2011

³² Go melik Debid aguum kaarou ku bɔt kadhorou 2,700 de kɔc ril, ku yek bäny ke ɣööt thook kuany, bïk aa bäny de kake luɔi, ku kake luɔi de Nhialic ëbɛ̈n, ku kake luɔi de ciɛɛŋ piny de Yithriɛl tɔ̈u të lɔ aköl amiäk de Jordan, piny de dhiën de Ruben, ku dhiën de Gad, ku biäk de dhiën de Manatha nu të lɔ aköl amiäk.

1 Lëk 26:32 ပူးပေါင်းရင်းမြစ်များ

1 Lëk 15:12

Ku lëk kɔc ke Lebai an, “Wek ee bäny ke dhiën de Lebai. Wakï röt në kɔckuön ke Lebai, ke we bï Athänduŋ de män de Bɛ̈nydït, Nhialic de Yithriɛl lɔ bɛ̈ɛ̈i të cä guiir bïï ë yen tääu thïn.

1 Lëk 23:24

Kakë ee kuat de ɣööt ke dhiën de Lebai, ŋɛk ë ke yiic acï gɔ̈ɔ̈r rin. Ŋɛk ke kuatden ëbɛ̈n, raan de run kathiërrou ku nɔn de nɔm run juëc, ade nɔm biäkde në luɔi de Luaŋdït yic.

1 Lëk 24:31

Raandïït de baai, ku raan thiin de dhiënden, aake ye gɛk dɛɛny në biäk de luɔiden, cït man ye ë yen looi në kɔcken, bäny de kake Nhialic kuat de Aron. Ku melik Debid, ku Dhadok, ku Aɣimelek ku bäny ke ɣööt thook, ku bäny de kake Nhialic ku dhiën de Lebai aake nu thïn.

1 Lëk 27:1

Kakë ee rin ke bäny ke ɣööt ke Yithriɛl, ku bäny ke dhiën, ku jɔ aa bäny ke ciɛɛŋ de baai, ayï bäny ke luɔi de kake ciɛɛŋ. Në pɛɛi tökic ë ruöön thok ëbɛ̈n kuut kith yiic de aguum kathiërrou ku ŋuan 24,000 de rem de tɔŋ ayek tɔ̈u ë luɔi yic, në bɛ̈nyden cök, bɛ̈ny lui ee pɛɛiyë yic.

2 Lëk 19:11

Ku Amaria bɛ̈ny de kake Nhialic yen abï lööŋ de kake Nhialic aa teem kedhie, ku Dhebadia wën de Yicmiɛl, bɛ̈ny de Juda yen abï löŋ de luök ke ciɛɛŋ aa teem kedhie. Ku kɔc ke Lebai abïk lööŋ ke luök aa tïŋ na cï ke thöl ë luɔi kedhie. Riɛtkï wepiɔ̈ɔ̈th ku luɔikï ee luɔiyë, ku Bɛ̈nydït abï tɔ̈u në biäk ë kɔc de nïïm yic!”

Jocua 1:12

Na wën, ke lëk ë Jocua dhiën ë Ruben kekë dhiën ë Gad, ku biäk de dhiën ë Manatha an,