1 Lëk 26:26 - JAM DE NHIALIC 2011

²⁶ Celomoth kekë wɛ̈ɛ̈t ke ɣönden thok, kek aye kɔc cï kuɛ̈ny luɔi de miɔ̈c de Nhialic ee bɛ̈n tëde melik Debid, kekë bäny ke ɣööt thook, ku bäny ke dhiën thook, ku bäny ke rem de tɔŋ.

1 Lëk 26:26 ပူးပေါင်းရင်းမြစ်များ

2 Tham 8:11

Go melik Debid keek gam, ke ee kake läm, mɛtke ëtök në ateek, ku adhääp wään nööm tëde juöör cï keek peec.

1 Lëk 18:11

Go melik Debid ke gam ke ke ye kake luɔi tëde läm, ku mɛt keek në atek ku adhɛ̈p wään cï ke peec tëde juöör yï: Edom, ku Mowap, ku Ammon, ku Pilithiin, ku Amalek.

1 Lëk 22:14

Ku në biäk de Luaŋdït yɛn cï aguum kadiäk ku bot kaŋuan (3,400) ke tɔn ke adhääp kueet, ku aguum kathiërdiäk ku ŋuan de (34,000) ke tɔn ke atek määt yiic, bï ke Luaŋdït yïk. Ku kake yïk juëc arëët, yï malɔ̈ɔ̈ŋ, ku wëëth, ku tiim, ku kur cï guiir, ayï kɔc bï luɔi looi, ku yïn bï kɔ̈k dhil bɛ̈ɛ̈i.

1 Lëk 26:25

Ë biäk de Mänhë Gercom mänhë Eliedher, yen aa raan ke Celomoth. Eliedher aye wun Reɣabia, ku ye Reɣabia wun Jecaya, ɣɔn cï bɛ̈n dɛ wëndɛn Joram, Joram wun Dhikiri, ku ye Dhikiri wun Celomoth.

1 Lëk 26:27

Acïk ka kɔ̈k cï rum tɔŋ lɔ bɛ̈ɛ̈i, ku bïk keek bɛ̈n gam ë biäk de luɔi në Luaŋdïtic.

1 Lëk 28:21

Bäny ke kake Nhialic ku Lebai acï ke gäm luɔi bïk aa looi ɣön ë Nhialic. Kɔc ke luɔi atëët ke luɔi kithic ëbɛ̈n, abïk yïn kony, ku kɔc kedhie ayï bänyken abïk këdu aa piŋ.”

1 Lëk 9:14

Kɔc ke Lebai ɣɔn rɛ̈ɛ̈r ë Jeruthalem Cemaya wën de Ɣacup, wën de Adhirkam, wën de Ɣacabia, wën de dhiën de Merari. Ku Bakbakar, ku Ɣerec, ku Galal, Matania wën de Maika, wën de Dhikiri, wën de Athap Obadaya wën de Cemaya, wën de Galal, wën de Jeduthun, Berekia wën de Atha, wën de Elekana, raan ɣɔn rɛ̈ɛ̈r ë bɛ̈i ke kɔc ke Netopa.

2 Lëk 23:8

Go Lebai ku kɔc ke Juda kë cïï Jeɣoyada lɛ̈k keek looi. Röör cï bɛ̈n ë luɔi yic në kööl ë Thabath acïï keek ee päl jäl, go bäny ke rem de tɔŋ kɔc cï thök ë luɔi, ku kɔc bɔ̈ në luɔi yic määt nïïm tëtök.

2 Lëk 31:2

Go melik Ɣedhekia luɔi bɛ tɛ̈k kɔc ke Lebai ku bäny ke kake Nhialic, ago ŋɛk luɔi bï ya looi ŋic. Luɔiyë ade yic miɔ̈c ye nyop ëbɛ̈n, ku miɔ̈c de mät, ku luɔi bïï läm wat ë Luaŋdïtic, ku gɛm de piɔ̈ny ku lɛc në ɣään kɔ̈k ke Luaŋdïtic.

Neɣe 12:45

në biäk cïï kek guiɛɛk ye kɔc tɔ piɛth gup looi ku lɔ guiɛɛk kɔ̈k cïï Nhialic kɔc yɔ̈ɔ̈k bï ke looi. Ku kɔc ee diɛt ket Luaŋdït, ku kɔc ee Luaŋdït tiit thok ayek luɔiden looi cït kë cïï Debid kɔc wɛ̈ɛ̈t kekë wëndɛn Tholomon.