1 Lëk 26:17 - JAM DE NHIALIC 2011

¹⁷ Në biäk të lɔ aköl amiäk kɔc kadhetem ayek luui ë kööl tök, ku në biäk të lɔ rut kɔc kaŋuan, ku në biäk të lɔ wöuwic kɔc kaŋuan. Ku kɔc kaŋuan acï ke tääu të ye käŋ tɔ̈ɔ̈u thïn aköölnyïïn ëbɛ̈n, kɔc kaarou ë ɣönë thok ku kɔc kaarou në ɣönë thok.

1 Lëk 26:17 ပူးပေါင်းရင်းမြစ်များ

1 Lëk 26:16

Cupim ku Ɣotha acï ke gäm kal thoŋ të lɔ aköl athɛ̈i, ku gëmë Caleketh kal thoŋ tueŋ nu ë kueer thok. Luɔi de tiët acï ke tek në kaam, ŋɛk ee lɔ në ŋɛk cök.

1 Lëk 26:18

Të thiääk kekë ɣön ye käŋ tɔ̈ɔ̈u thïn, ade kɔc ee tïït kaŋuan të lɔ kueer thok baŋ lɔ aköl athɛ̈i, ku kɔc ee tïït kaarou ë ɣön ye käŋ tɔ̈ɔ̈u thïn.

1 Lëk 9:24

Ku kɔc ee tïït anukï në thook kaŋuan, të lɔ aköl amiäk, ku të lɔ aköl athɛ̈i, ku të lɔ rut, ku të lɔ wöuwic.

2 Lëk 31:14

Ku raan de Lebai cɔl Kore wën de Yimena bɛ̈ny de kɔc ee kal Thoŋ de Luaŋdït të lɔ aköl amiäk tiit, ee yen ee bɛ̈ny de miɔ̈c ɣeric aläl ye gäm Bɛ̈nydït dɔm, ku tek keek.

2 Lëk 8:14

Në baŋ kuany en lööŋ cïï Debid wun keek tääu piny, go luɔi de bäny ke kake Nhialic guiir, ku Lebai ee bäny ke kake Nhialic kuɔny në diɛt ke alɛɛc ku luɔi. Ku guïïr kɔc ee kal tiit thok në täu bïï kek luɔi aa looi aköölnyïïn kedhie, në kɛ̈l thook ëbɛ̈n, cït man ë kë cï Debid looi raan de Nhialic.

Neɣe 12:25

Rinkë ee rin ke kɔc ee Luaŋdït tiit thok ku ayek ɣööt ye käŋ tɔ̈ɔ̈u thïn tiit ɣööt nu në thöŋ lɔ Luaŋdït. Matania, ku Bakbukia, ku Obadaya, ku Meculam, ku Talmon ku Akub.