1 Lëk 25:1 - JAM DE NHIALIC 2011

¹ Go melik Debid ku bäny ke Lebai, gokï Lebaikë kuany, bïk läm aa wat yï Athap, ku Ɣeman, ku Jeduthun. Abïk jam de Nhialic aa wɛ̈ɛ̈t, ke ke kuany diɛt cök në thom ku aruöör. Kakë ayek rin ke kɔc cï kuany bïk läm aa wat, cït man ye kuut luɔide looi.

1 Lëk 25:1 ပူးပေါင်းရင်းမြစ်များ

1 Mel 10:12

Ku tɔ melik mëën ke Luaŋdït ku ɣöndïït ë melik loi në tiim ke almuk, ku tɔ thoom ke kiët ë diɛt loi aya në keek. Aake ye tiim piɛth ke almuk, ku acïn tiim cït ee kakë cï kɔn bɛ̈n piny de Yithriɛl, ku akënë ke bɛ tïŋ aɣet cï ee köölë.)

2 Mel 3:15

Ku ënɔɔnë kɔ̈ɔ̈rë yɛn raan ee gut ë thom.” Ku të wën gut ë raan thomde, ke riɛl ë Bɛ̈nydït bɔ̈ në Elica guöp.

1 Lëk 13:8

ku jɔ Debid ke kɔc kedhie cɔ̈ŋ ë riɛlden ëbɛ̈n ke ke dhuëŋ Nhialic guöp. Gokï ket ku thuëëckï, ke ke gut thoom, ku lɔ̈r, ku kɛŋ.

1 Lëk 15:28

Go kɔc ke Yithriɛl kedhie lɔ në Athänduŋ de män ë Bɛ̈nydït Jeruthalem, ke ke loi awuɔɔu ë miɛt de piɔ̈u, ku kothkï kɛŋ, ku tuŋ, ku aruöör, ku gutkï thoom.

1 Lëk 23:2

Ago Debid röördït ke Yithriɛl, ku bäny ke kake Nhialic ku Lebai tɔ kut kenïïm.

1 Lëk 25:2

Wɛ̈ɛ̈t ke Athap kaŋuan: Dhakur, ku Jothep, ku Nethania, ku Acarela. Aake tɔ̈u në Athap cök, raan ee cɔ̈ɔ̈r në kë cï melik lɛ̈k en.

1 Lëk 25:3

Wɛ̈ɛ̈t ke Jeduthun kadhetem: Gedalia, Dheri, Jecaya, Cimei, Ɣacabia ku Matithia. Aake tɔ̈u në wuönden cök ayek cɔ̈ɔ̈r ke ke kët në thom, ku yek Bɛ̈nydït leec ku lëkkï thieithieei në kiët ë diɛt.

1 Lëk 25:9

Go gaak tueŋ lööny kekë Jothep raan dhiën de Athap, ku lööny gaak de rou kekë Gedalia, yen kekë mïthëkɔcken ku wɛ̈ɛ̈tke, ayek thiëër ku rou.

1 Lëk 6:16

Lebi ade wɛ̈ɛ̈t kadiäk, Gercon, Koɣath ku Merari.

1 Lëk 6:33

Kuat de ɣön ɣɔn muk luɔi de Luaŋdït kï: Dhiën de Koɣath, ee Ɣeman, bɛ̈ny de kɔc ee diɛt ket tueŋ, ee wën de Jowɛl. Kuat de ɣönden ee thar ɣet ciëën ë Jakop: Ɣeman, Jowɛl, Thamwɛl,

1 Lëk 6:39

Athap ee bɛ̈ny de kut de rou ee diɛt ket. Kuat de ɣönden ee ɣet ciëën ë Lebi: Athap, Berekia, Cimea

1 Lëk 6:44

Ethan de dhiën de Merari, yen aye bɛ̈ny ë kuut de diäk ee diɛt ket. Kuat de ɣönden ee ɣet ciëën ë Lebi: Ethan, ku Kici, ku Abdi, Maluc

1 Lëk 9:33

Ɣööt kɔ̈k ke kɔc ke Lebai acï ke gäm luɔi de gun ë thoom, ku lɔ̈r, ku kɛŋ ë Luaŋdïtic. Bäny ke ɣööt ke Lebai kë, aake rëër ë ɣööt kɔ̈k ke Luaŋdït yiic, ku akënë keek gäm luɔi däŋ, në biäk ye kek lui aköl ku wäkɔ̈u.

2 Lëk 23:1

Na ɣɔn cï Jeɣoyada bɛ̈ny de kake Nhialic tïït në run kadhetem, go lueel an aŋuän bä kë cä takë looi. Go bäny ke rem de tɔŋ kadhïc cɔɔl ku mɛ̈t ke keek: Adharia wën ë Jeroɣam, ku Yicmiɛl wën ë Jeɣoɣanan, ku Adharia wën ë Obed, ku Maathia wën ë Adaya, ku lɔ Elicapat wën ë Dhikiri.

2 Lëk 23:13

Ku ëtɛ̈ɛ̈n ke jɔ melik ë piacë kuany tïŋ në Luaŋdïtic thïn, ke kääc ë mën cï luöi melik ku acï tuɔɔk cil në bäny ke rem de tɔŋ, ku lɔ kɔc koth kɛŋ. Kɔc wou kedhie ke ke mit piɔ̈ɔ̈th ku kothkï kɛŋ, ku lɔ kɔc ee ket në Luaŋdïtic ke ke gut thom ku lɔ̈r ku loikï dhuëëŋ. Go Athalia lupɔɔke rɛtic ku cööt ë röldït an, “Ee nyiin oou! Ee nyiin oou!”

2 Lëk 23:18

Go Jeɣoyada, bäny ke kake Nhialic ku kɔc ke Lebai tääu ë luɔi de Luaŋdïït ë Bɛ̈nydït nɔm. Abïk luɔi cï melik gäm keek Debid aa looi, ku bïk miɔ̈c ye nyop ëbɛ̈n cï gäm Bɛ̈nydït aa looi cït man ë kë cï lööŋ ke Mothe lueel. Ku abïk luɔi de kɛŋ ku lɔ̈r aa muk, ku akööl ke dhuëëŋ.

2 Lëk 23:9

Go Jeɣoyada bäny ke rem de tɔŋ tɛ̈k cïn tɔɔŋ ku kööt wään ee kake Melik Debid, aake cï tɔ̈ɔ̈u në ɣön ë Nhialicic.

2 Lëk 31:2

Go melik Ɣedhekia luɔi bɛ tɛ̈k kɔc ke Lebai ku bäny ke kake Nhialic, ago ŋɛk luɔi bï ya looi ŋic. Luɔiyë ade yic miɔ̈c ye nyop ëbɛ̈n, ku miɔ̈c de mät, ku luɔi bïï läm wat ë Luaŋdïtic, ku gɛm de piɔ̈ny ku lɛc në ɣään kɔ̈k ke Luaŋdïtic.

2 Lëk 34:12

Go kɔc luɔi looi në piɔ̈n piɛth. Ago kɔc ke Lebai kaŋuan tääu ë kenïïm: Jaɣath ku Obadaya raan dhiën de Merari, ku Dhekaria ku Meculam raan dhiën de Koɣath. (Lebai kedhie aŋickï kuöth ë kɛŋ ku gun ë thom.)

2 Lëk 35:15

Ku rin ke Lebai de dhiën de Athap, kɔc cïï melik Debid gäm luɔi bïk kek kɛŋ aa kooth ku gutkï thom, ee Athap ku Ɣeman, ku Jeduthun monydaai de melik. Ku kɔc ee tïït ë kɛ̈l thook acïk bɛ̈n ŋoot ke ke rɛ̈ɛ̈r tëden, në biäk cïï Lebai kɔ̈k dhuëëŋ de Winythok luöi keek.

2 Lëk 5:12

Kɔc ke Lebai ee ket kedhie, Athap, Ɣeman, ku Jeduthun, ku wɛ̈ɛ̈tken ku kɔcken, aceŋkï lupɔɔ piɛth lɔ mot. Go Lebai ku bäny ke kake Nhialic bot kaarou ku thiërrou kɔ̈ɔ̈c ë biäk të lɔ aköl amiäk de yïk, ke ke gut lɔ̈r, ku thom, ku kothkï aruöör ku kɛŋ ke ke ket.

2 Lëk 8:14

Në baŋ kuany en lööŋ cïï Debid wun keek tääu piny, go luɔi de bäny ke kake Nhialic guiir, ku Lebai ee bäny ke kake Nhialic kuɔny në diɛt ke alɛɛc ku luɔi. Ku guïïr kɔc ee kal tiit thok në täu bïï kek luɔi aa looi aköölnyïïn kedhie, në kɛ̈l thook ëbɛ̈n, cït man ë kë cï Debid looi raan de Nhialic.

Edhr 6:18

Keek acïk bäny ke kake Nhialic bɛ̈n tɛ̈ɛ̈kic në biöök ku lɔ Lebai në biöökden në biäk de luɔi de Nhialic në Jeruthalem, cït man cïï ye gɔ̈ɔ̈r në awerek de Mothe yic.

Neɣe 11:17

Matania wën ë Maika ku ee wën ë wën ë Dhabedi, käu de Athap, yen ee bɛ̈ny de kɔc ee diɛt kiit go lɔ̈ŋ gɔl në thieithieei. Bakbukia, ee yen ee bɛ̈ny lɔ në Matania cök. Abda, wën ë Camua ku ee wën ë wën ë Galal, käu de Jeduthun.

Neɣe 12:24

Rin ke bäny mac ɣööt ke Lebai thook ee yï: Ɣacabia, Cerebia, Jecua, Binui, ku Kadmiel, ku kɔc ke Lebai acïk röt guiir në akuut kaarou: kakë ayek kɔ̈ɔ̈c në ke lɔ̈m ke ke kiit diɛt ke alɛɛc ku piɔ̈ny, ku jɔ kɔ̈kkë ke aa gam rɔ̈t cït kë cï wɛ̈ɛ̈t ë melik Debid, raan de Nhialic.

Neɣe 12:27

Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Diɛt 81:2

Galkï kiët ku guötkï lɔ̈ɔ̈r, kiɛtkï diɛt në thom kekë aruöör.

Diɛt 81:3

Kuɔthkï kaaŋ në biäk de dhuëëŋ, të wil ë pɛɛi ku të kɛ̈ɛ̈c ë pɛɛi cil.

Edhekiɛl 40:44

Na wën ke bïï yɛn ë kal yic biäk thïn. Aade ɣööt kaarou wel kethook ë kalic ëtɛ̈ɛ̈n, tök awel yethok wöuwic tëthiääk ke thoŋ të lɔ rut, ku däŋë awel yethok të lɔ rut tëthiääk ke thoŋ lɔ wöuwic.

1 Tham 10:5

Ku ëtɛ̈ɛ̈n, yïn bï lɔ në kuur ë Nhialic nɔm në Gibia, të tɔ̈u ë wun de Pilithiin lɔ̈ɔ̈m. Yïn bï rɔ̈m wekë tït juëc në wut këc ëtɛ̈ɛ̈n, ke ke bɔ̈ piny në yïk nɔm ke ke gut lɔ̈r, ku thom, ku kothkï arur ku kɛŋ. Ku abï kit ke ke riäŋ.