1 Lëk 24:5 - JAM DE NHIALIC 2011

⁵ Ku në biäk de yen bäny juëc ke luɔi de tëɣeric tɔ̈u në mïth ke Eleyadhar ku mïth ke Yithamar yiic, kɔc acïk keek bɛ̈n gäm luɔi, në deeny de gɛk.

1 Lëk 24:5 ပူးပေါင်းရင်းမြစ်များ

1 Lëk 24:31

Raandïït de baai, ku raan thiin de dhiënden, aake ye gɛk dɛɛny në biäk de luɔiden, cït man ye ë yen looi në kɔcken, bäny de kake Nhialic kuat de Aron. Ku melik Debid, ku Dhadok, ku Aɣimelek ku bäny ke ɣööt thook, ku bäny de kake Nhialic ku dhiën de Lebai aake nu thïn.

1 Lëk 24:4

Ku në biäk cïï ë röör juëc yök në wɛ̈ɛ̈t ke Eleyadhar yiic, wɛ̈ɛ̈t ke Eleyadhar acï ke bɛ̈n guiir në kuut kathiëër ku dhetem, ku guiir wɛ̈ɛ̈t ke Yithamar në kuut kabɛ̈t.

1 Lëk 25:8

Në biäk bïï kek luɔiden ŋic, aake ye luɔi tek në deeny de gɛk, na yek röördït, ku na yek dhuök, na yek kɔcpiööcë ku na yek atëët, raan ëbɛ̈n.

1 Lëk 26:13

Ɣön tök na cakaa kek ë lik, ku nɔn juëc kek, ayek gɛk dɛɛny, ago keek gäm kal thoŋ töŋ, bïk aa tiit.

2 Lëk 35:8

Ku bänyke aya acïk kɔc miɔc ë piɔ̈n mit, ku miɔckï bäny ke kake Nhialic, ku kɔc ke Lebai, agokï ke juëër ka bï kek röt kony. Go bäny ke ɣön ë Nhialic Ɣilikia, bɛ̈nydïït ë kake Nhialic, ku Dhekaria, ku Jeɣel, gokï bäny ke kake Nhialic gäm aguum kaarou ku bot kadhetem ke amɛ̈l ku bɔɔth kor, ku bot kadiäk ke miöör ke ye miɔ̈c de dhuëëŋ ë winythok.

Neɣe 11:11

Theraya wën ë Ɣilikia wën ë Meculam. Kuarken ee yï Dhadok, Merayoth, ku Aɣitup, ɣɔn ee bɛ̈ny de ɣön ë Nhialic.

Kɛ̈ŋ 16:33

Kɔc ayek gɛk dɛɛny, ku kë bï rɔt lëu acath ke Bɛ̈nydït.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Jona 1:7

Go kɔc lui abël wïïric luel an, “Week wäthii bäk deenyku gɛk, ke wo bï raan de göc cï wo lɔ̈nyë yök. Na wën aa cïk gɛk dɛɛny, ke gaak ë nyoth Jona.

Math 26:3

Go bänydït ke ka ke Nhialic ku kɔc ë löŋ gɔ̈ɔ̈r ku röördït ë kɔc yiic, agokï guëër ë kalic kal ë bɛ̈nydïït ë kake Nhialic bɛ̈ny cɔl Kayapath,

Math 27:1

Na ɣɔn amiäk aruu piny, ke bänydït ke kake Nhialic kedhie ku röördït ë kɔc yiic ke ke mɛ̈t kethook Yecu kapäc an, bïk tɔ näk.

Luɔi 1:26

Na wën, ke ke deeny gɛk në këden kaarou, go gɛk lööny ë Mathiath nɔm, ago mɛt ë tuuc yiic tuuc kathiëër ku tök.

Luɔi 4:1

Na wën, aŋootkï ke ke jam në kɔc, go bäny ke ka ke Nhialic ku bɛ̈ny ë rem de Luaŋdït ku Thadokai, bɛ̈n ë keyiic.

Luɔi 4:6

Ku nu Anath thïn, yen aye bɛ̈nydïït ë kake Nhialic, ku Kayapath, ku Jɔn, ku Alekandaro, ku kɔc ke dhiën ë bɛ̈nydït tueŋ kedhie.

Luɔi 5:24

Na wën, ke bɛ̈nydïït ë kake Nhialic, kekë bɛ̈ny ë Luaŋdït, ku bänydït kɔ̈k ë ka ke Nhialic, të cï kek kake piŋ, ke ke jɔ nïïm a cɔ̈ɔ̈t cɔ̈ɔ̈t në këden, në të bï jam nɔm pëk thïn.

Jocua 18:10

Ago Jocua gɛk dɛɛny ë Cilo në Bɛ̈nydït nɔm, tëk en keek piny, ku jɔ dhiën aa gäm pinydɛn cï löny ke yen, në dhiëën ke Yithriɛl ɣɔn kënë kɔn gäm piny.