Bäny ke kake Nhialic ku Lebai acï ke gäm luɔi bïk aa looi ɣön ë Nhialic. Kɔc ke luɔi atëët ke luɔi kithic ëbɛ̈n, abïk yïn kony, ku kɔc kedhie ayï bänyken abïk këdu aa piŋ.”
Go Lebai ku kɔc ke Juda kë cïï Jeɣoyada lɛ̈k keek looi. Röör cï bɛ̈n ë luɔi yic në kööl ë Thabath acïï keek ee päl jäl, go bäny ke rem de tɔŋ kɔc cï thök ë luɔi, ku kɔc bɔ̈ në luɔi yic määt nïïm tëtök.
Go melik Ɣedhekia luɔi bɛ tɛ̈k kɔc ke Lebai ku bäny ke kake Nhialic, ago ŋɛk luɔi bï ya looi ŋic. Luɔiyë ade yic miɔ̈c ye nyop ëbɛ̈n, ku miɔ̈c de mät, ku luɔi bïï läm wat ë Luaŋdïtic, ku gɛm de piɔ̈ny ku lɛc në ɣään kɔ̈k ke Luaŋdïtic.
Keek acïk bäny ke kake Nhialic bɛ̈n tɛ̈ɛ̈kic në biöök ku lɔ Lebai në biöökden në biäk de luɔi de Nhialic në Jeruthalem, cït man cïï ye gɔ̈ɔ̈r në awerek de Mothe yic.
