1 Lëk 24:1 - JAM DE NHIALIC 2011

¹ Kakë ee luɔi cï kuat de Aron ye yic tɛ̈ɛ̈k. Aron ade wɛ̈ɛ̈t kaŋuan: Nadap, Abiɣu, Eleyadhar, ku Yithamar.

1 Lëk 24:1 ပူးပေါင်းရင်းမြစ်များ

1 Lëk 23:6

Go Debid Lebai tɛ̈ɛ̈kiic ë kuut kadiäk cït tän de dhiënken, Gercon, ku Koɣath, ku Merari.

1 Lëk 28:13

Debid aya acï Tholomon gäm guiɛɛr duëër yen bäny ke kake Nhialic ku Lebai guiir bïk luɔiden looi, ku bïk luɔi de Luaŋdït looi, ku bïk kake luɔi de ɣön ë Bɛ̈nydït döt.

1 Lëk 6:3

Amiram ade wɛ̈ɛ̈t kaarou, Mothe ku Aron, ku nyan tök Mariam. Aron ade wɛ̈ɛ̈t kaŋuan, Nadap, Abiɣu, Eleyadhar, ku Yithamar.

1 Lëk 6:34

Elekana, Jeroɣam, Eliel, Towa.

2 Lëk 23:8

Go Lebai ku kɔc ke Juda kë cïï Jeɣoyada lɛ̈k keek looi. Röör cï bɛ̈n ë luɔi yic në kööl ë Thabath acïï keek ee päl jäl, go bäny ke rem de tɔŋ kɔc cï thök ë luɔi, ku kɔc bɔ̈ në luɔi yic määt nïïm tëtök.

2 Lëk 31:2

Go melik Ɣedhekia luɔi bɛ tɛ̈k kɔc ke Lebai ku bäny ke kake Nhialic, ago ŋɛk luɔi bï ya looi ŋic. Luɔiyë ade yic miɔ̈c ye nyop ëbɛ̈n, ku miɔ̈c de mät, ku luɔi bïï läm wat ë Luaŋdïtic, ku gɛm de piɔ̈ny ku lɛc në ɣään kɔ̈k ke Luaŋdïtic.

2 Lëk 5:11

Na wën ke bäny ke kake Nhialic ë ke bɔ̈ bei tëɣeric acïk kegup tɔ piɛth, bïk Bɛ̈nydït luööi ke ke cïï lui ë kuutken yiic.

2 Lëk 8:14

Në baŋ kuany en lööŋ cïï Debid wun keek tääu piny, go luɔi de bäny ke kake Nhialic guiir, ku Lebai ee bäny ke kake Nhialic kuɔny në diɛt ke alɛɛc ku luɔi. Ku guïïr kɔc ee kal tiit thok në täu bïï kek luɔi aa looi aköölnyïïn kedhie, në kɛ̈l thook ëbɛ̈n, cït man ë kë cï Debid looi raan de Nhialic.

Edhr 6:18

Keek acïk bäny ke kake Nhialic bɛ̈n tɛ̈ɛ̈kic në biöök ku lɔ Lebai në biöökden në biäk de luɔi de Nhialic në Jeruthalem, cït man cïï ye gɔ̈ɔ̈r në awerek de Mothe yic.

Edhr 7:5

ku Buki ee wën ë Abicua, ku Abicua ee wën ë Pineɣath, ku Pineɣath ee wën ë Eleyadhar, ku Eleyadhar ee wën ë Aron bɛ̈nydïït ë kake Nhialic.

Bɛ̈n 28:1

Na wën, ke lëk ë Bɛ̈nydït Mothe an, “Cɔl Aron kekë wɛ̈ɛ̈tke, yï Nadap kekë Abiɣu, ku Eleyadhar, ku Yithamar. Kuënyë ke bei në Yithriɛlic, ke ke bï Ya luööi ke ke ye bäny ke kake Nhialic.

Bɛ̈n 6:23

Go Aron Eliceba thiaak, nyan de Aminadab, ku ye nyankënë Nacon. Go ye dhiëth Nadap kekë Abiɣu, ku Eleyadhar, ku Yithamar.

Kuɛ̈n 26:60

Go Aron wɛ̈ɛ̈t kaŋuan dhiëëth: Nadap kekë Abiɣu, ku Eleyadhar, ku Yithamar.

Kuɛ̈n 3:2

Aron ade nɔm wɛ̈ɛ̈t kaŋuan: Nadap yen aye kɛ̈ɛ̈i, ku Abiɣu, ku Eleyadhar, ku Yithamar.

Kuɛ̈n 3:4

Ku Nadap kekë Abiɣu acïk bɛ̈n thou në Bɛ̈nydït nɔm në jɔ̈ɔ̈r ë Thinai të ɣɔn gɛm kek miɔ̈c në many kënë gäm keek. Aake thou ke ke cïn nïïm mïth. Ka Eleyadhar kekë Yithamar kek aa löök luui ke ke ye bäny ke kakë Nhialic në akööl ke Aron.