1 Lëk 23:5 - JAM DE NHIALIC 2011

⁵ Ku aguum kaŋuan ë kɔc ee tïït, ku aguum kaŋuan ë kɔc ke diɛt bïk Bɛ̈nydït aa leec në thom.

1 Lëk 23:5 ပူးပေါင်းရင်းမြစ်များ

1 Mel 10:12

Ku tɔ melik mëën ke Luaŋdït ku ɣöndïït ë melik loi në tiim ke almuk, ku tɔ thoom ke kiët ë diɛt loi aya në keek. Aake ye tiim piɛth ke almuk, ku acïn tiim cït ee kakë cï kɔn bɛ̈n piny de Yithriɛl, ku akënë ke bɛ tïŋ aɣet cï ee köölë.)

2 Mel 7:10

Gokï paany de Thiriya nyääŋ piny, ku lekkï ciëën Thamaria, ku cɔlkï raan ee kal tiit thok, ku lëkkï keek an, “Wok aake lɔ bɛ̈n wun ë Thiriya ku acïn raan töŋ cuk tïŋ, ayï raan piŋ cök aliu, ee jöŋgöör ku mul kek amac, ku pɛɛny atɔ̈ukï cït ë mandɛɛnë acï kɔc ke Thiriya ke nyääŋ piny.”

1 Lëk 16:38

Obed Edom wën de Jeduthun kekë wɛ̈ɛ̈t dhiënden kathiërdhetem ku bɛ̈t, abïk keek kuɔny. Ku Ɣotha ku Obed Edom ee kek ee bäny ee kɛ̈l tiit thook.

1 Lëk 16:4

Go Debid kɔc ke Lebai kuany bïk Bɛ̈nydït, Nhialic de Yithriɛl aa luööi në athänduŋ de mät nɔm, ku bïk aa lam, ku yek leec, ku bïk Bɛ̈nydït, Nhialic de Yithriɛl aa piɔɔny.

1 Lëk 23:30

Ku abïk Bɛ̈nydït aa piɔɔny ku leckï nɔm ë diɛt ke dhuëëŋ, miäk ku thëën aköölnyïïn kedhie,

1 Lëk 9:33

Ɣööt kɔ̈k ke kɔc ke Lebai acï ke gäm luɔi de gun ë thoom, ku lɔ̈r, ku kɛŋ ë Luaŋdïtic. Bäny ke ɣööt ke Lebai kë, aake rëër ë ɣööt kɔ̈k ke Luaŋdït yiic, ku akënë keek gäm luɔi däŋ, në biäk ye kek lui aköl ku wäkɔ̈u.

2 Lëk 20:28

Na wën cïk cop ë pänydïtic, gokï baar yic Luaŋdït ku ketkï diɛt ë thom ku kothkï kɛŋ.

2 Lëk 34:13

Ku kɔc kɔ̈k ke Lebai aa ke tɔ dhëth käŋ, ku tɔ kɔc kɔ̈k looi luɔi däŋ, ku lɔ kɔc kɔ̈k ke ke gär, ku kɔ̈k ayek bäny ku ye kɔ̈k kal tiit thok.

2 Lëk 35:15

Ku rin ke Lebai de dhiën de Athap, kɔc cïï melik Debid gäm luɔi bïk kek kɛŋ aa kooth ku gutkï thom, ee Athap ku Ɣeman, ku Jeduthun monydaai de melik. Ku kɔc ee tïït ë kɛ̈l thook acïk bɛ̈n ŋoot ke ke rɛ̈ɛ̈r tëden, në biäk cïï Lebai kɔ̈k dhuëëŋ de Winythok luöi keek.

2 Lëk 8:14

Në baŋ kuany en lööŋ cïï Debid wun keek tääu piny, go luɔi de bäny ke kake Nhialic guiir, ku Lebai ee bäny ke kake Nhialic kuɔny në diɛt ke alɛɛc ku luɔi. Ku guïïr kɔc ee kal tiit thok në täu bïï kek luɔi aa looi aköölnyïïn kedhie, në kɛ̈l thook ëbɛ̈n, cït man ë kë cï Debid looi raan de Nhialic.

Edhr 7:7

Kɔc kɔ̈k ke Yithriɛl ë cï bɛ̈n në yen aya Jeruthalem ɣɔn ee Melik Ateradath run dhorou në bäänyic, ee bäny ke kake Nhialic, ku Lebai, ku kɔc ee Nhialic pal në diɛt, ku kɔc ee kal de Luaŋdït tiit thok ayï kɔc ee luui në Luaŋdïtic.

Neɣe 7:73

Bäny ke kake Nhialic ku Lebai, ku kɔc ee Luaŋdït tiit, ku kɔc ke diɛt ku lɔ kɔc juëc kɔ̈k, ku kɔc ke luɔi de Luaŋdït, mïth ke Yithriɛl kedhie aake cï piɔ̈ɔ̈t në bɛ̈i yiic ku wuöt ke Juda yiic.

Diɛt 87:7

Abïk aa cɔ̈ŋ ku kitkï an, “Dhiɔn ee tën ë gɔl athiɛɛida rɔt thïn ëbɛ̈n.”

Yith 64:10

Pɛ̈ɛ̈nydïtkuön ɣer yiic acïtkï jɔ̈ɔ̈r, Jeruthalem acï nyääŋ piny ke cï riääk,

Amoth 6:5

Wek nhiaar diɛt ke thoom cït man ë Debid, thoom ya wek diɛt ɣäär yiic gut.