1 Lëk 23:25 - JAM DE NHIALIC 2011

²⁵ Go Debid lueel an, “Bɛ̈nydït Nhialic de Yithriɛl acï kɔcke gäm mät, ku yen guöp abï rɛ̈ɛ̈r ë Jeruthalem aɣet athɛɛr.

1 Lëk 23:25 ပူးပေါင်းရင်းမြစ်များ

2 Tham 7:1

Melik Debid aa rɛ̈ɛ̈r ɣöndɛn ë bääny, ku acïï Bɛ̈nydït gäm mät kekë kɔc ke aterde thiääk ë yen kedhie.

2 Tham 7:11

Të la Yɛn bäny ee löŋ guiir kuɛ̈ny kɔckiën ke Yithriɛl, yïn bä gäm mät wekë kɔc dɛ wek ater kedhie. Ku acä lɛ̈k yïn aya nɔn bän käudu tɔ ye melik ë yïcök.

1 Mel 8:13

Ënɔɔnë Yïn cä luöi Luaŋdïït dik arëët, të bï Yïn rëër thïn aɣët athɛɛr.

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

1 Lëk 22:18

Ku lëk keek an, “Bɛ̈nydït Nhialinydun aa tɔ̈u ke week, ku acï week gäm mät në ɣään yiic kedhie. Në biäk cï yen yɛn tɔ peec kɔc wään ceŋ ee pinyë kedhie, ku ënɔɔnë ayek kaku ku ayek kake Bɛ̈nydït.

2 Lëk 23:18

Go Jeɣoyada, bäny ke kake Nhialic ku kɔc ke Lebai tääu ë luɔi de Luaŋdïït ë Bɛ̈nydït nɔm. Abïk luɔi cï melik gäm keek Debid aa looi, ku bïk miɔ̈c ye nyop ëbɛ̈n cï gäm Bɛ̈nydït aa looi cït man ë kë cï lööŋ ke Mothe lueel. Ku abïk luɔi de kɛŋ ku lɔ̈r aa muk, ku akööl ke dhuëëŋ.

Diɛt 135:21

Yak Bɛ̈nydït thieei në Dhiɔn, paande në Jeruthalem. Lɛckï Bɛ̈nydït!

Diɛt 68:16

Eeŋö ya wek kuur cïï Nhialic lɔc bïï Yen rɛ̈ɛ̈r thïn woi në abiaan, wek kur dït de nïïm awiɛn? Bɛ̈nydït abï rɛ̈ɛ̈r ëtɛ̈ɛ̈n aɣet athɛɛr!

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Diɛt 9:11

Pianykï Bɛ̈nydït; Raan ceŋ Dhiɔn! Lɛ̈kkï juöör ëbɛ̈n kë cï looi!

Yith 8:18

Yakï wokë mïth cïï Bɛ̈nydït gäm ɛn. Bɛ̈nydït de rɛm tɔ̈u ë thööcde ë kuur ë Dhiɔn nɔm, acï wo tuöc kɔc ke Yithriɛl ke wo ye wël pïïr.

Edhekiɛl 48:35

Bɛ̈ɛ̈r de päny ëbɛ̈n në biäk ke pänydït kedhie kaŋuan, ee agum kathiëër ku thiërbɛ̈t (10,080) de akeem. Ku rin ke pänydït gɔl ënɔɔnë leer wadäŋ abï aa, “Bɛ̈nydït anu ee tënë!”

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Kolothai 2:9

Yen aye raan rëërë kuɛth ë Nhialic ëbɛ̈n ë yeguöp.

Jocua 23:1

Na ɣɔn, acï akööl juëc tëëk, akööl ɣɔn cïï Bɛ̈nydït Yithriɛl gäm löŋ në kɔc de kek ater, Jocua acï jɔ dhiɔp arëët.