1 Lëk 22:2 - JAM DE NHIALIC 2011

² Ago melik Debid löŋ tääu piny, bï alɛi tɔ̈u paan de Yithriɛl ke yiic määt kedhie, ago keek gäm luɔi. Go kɔc kɔ̈k kur guaŋ bïï ke ɣön ë Nhialic yïk.

1 Lëk 22:2 ပူးပေါင်းရင်းမြစ်များ

2 Tham 5:11

Go melik Ɣiram në päny de Tayer kɔc tuɔɔc tëde Debid, ke ke muk mën dït ke tiim ke thidar, ku kɔc ë tiim guaŋ, ku kɔc ee kur pak yiic, ke ke bï ɣönë bääny ë Debid yïk.

1 Mel 6:7

Ku kur ë yïk ke Luaŋdït acï ke ŋiëc kiëët apiɛth tëdɛn ë lölë ke bei thïn, ka yïŋ de luaŋdït aa loi rɔt të cïn awuɔɔu de kake tuëŋ ye piŋ, ku ka ke thäth ë loi ë wëëth cït yiëp ke thɔn ë dëi.

2 Mel 12:12

ku kɔc yïk päny, ku kɔc guaŋ kur, ku ɣɔɔcë ke tiim, ku kur täc pätiic bïï ë Luaŋdït piir, ku këriëëc bï ë luɔide nööm ëbɛ̈n.

2 Mel 22:6

Bïï wëu gäm kɔc ee tiim guaŋ, ku kɔc ee yïk, ku atëët ŋic käŋ giit, ku guaŋkï ke, ku ɣɔɔcë ke tiim, ku kur cï ŋiëc guaŋ bïï ke Luaŋdït piir.

1 Lëk 14:1

Na ɣɔn ke melik Ɣiram de Tayer ë tuc Debid kɔc ë käŋ ɣaac, aɣɛ̈ɛ̈ckï tiim ke thidar, ku kur, ku atëët ee guaŋ bïk ɣönde lɔ yïk.

1 Lëk 29:1

Na wën ke jɔ ë melik Debid lɛ̈k amatnɔm an, “Wëndiën Tholomon yen acïï Nhialic lɔc, ku aŋoot ke koor, ku akën kɔn wëët ë luɔi. Ku luɔi bï looi adït, në biäk cïï yen ë ɣön de raan, ee Luaŋdït de Bɛ̈nydït Nhialic.

2 Lëk 2:16

Ku wok bï tiim ke thidar kɔɔr ëbɛ̈n yep ë kur ke Lebanɔn nïïm, ku dut keek ë thiekic, ku abï kuëër ë wɛ̈ɛ̈r ke kuaath Jopa. Ku ëtɛ̈ɛ̈n abä keek jɔ lɛɛr Jeruthalem.

2 Lëk 2:17

Na wën ke melik Tholomon tɔ kɔc gäär ago kuën de alɛi nu ë Yithriɛl ŋic, ke cït ke kuɛ̈n wään cï Debid wun kɔn looi. Go bɔt ku thiërdhïc ku diäk de agum ku bot kadhetem 153,600 de alɛi yök.

Edhr 3:7

Na wën ke kɔc ë ke gëm wëu kɔc ee kur guaŋ kekë kɔc ee tiim guaŋ, ku gëmkï kɔc ke wun cɔl Thidon ku Tayer kacaam ku kadek ayï miök, agokï tiim ke thidar bɛ̈ɛ̈i në Lebanɔn në kueer wïïr agut cï Jopa, cït man cïï ye päl keek në Thairuth Melik de Perthia.

Epethiei 2:12

Wek ë cïï thiääk ë Kërtho ɣɔn, wek ë nu pei, ku cäkï ë dïïl ke Yithriɛl, ku wek ë ye kɔc lei, aa cïn këdun thïn ë löŋ cï macic, löŋ de kë cï kɔc lueel an, bï gäm kɔc, wek aa cïn kë ŋäthkï, ku liu Nhialic tëde week ë piny nɔm.