1 Lëk 21:16 - JAM DE NHIALIC 2011

¹⁶ Go Debid tunynhial ë Bɛ̈nydït tïŋ ke kääc e kaam de të nhial ku piny, ke muk abätäu ë yeciin, ke cï rɔt coc bï Jeruthalem riɔ̈ɔ̈k. Go Debid ku bänyke ke ke ceŋ lupɔɔ ke cual ë kekɔ̈ɔ̈th, gokï kenïïm guöt piny abïk piny jak ë kenïïm.

1 Lëk 21:16 ပူးပေါင်းရင်းမြစ်များ

Cäk 3:24

Nhialic ë raan bɛ̈n ciɛɛc biic, ku tɛ̈ɛ̈u cerubiim domde thok baŋ të lɔ aköl amiäk, në abätɛ̈ɛ̈u riau. Abätɛ̈ɛ̈u wïïl röt ke ke cï rɛ̈ɛ̈r tëtök, ke ke bï tim de pïïr tiit, ke cïn kë bï bɛ̈n në yelɔ̈ɔ̈m.

1 Mel 21:27

Wën jɔ Elija thök ë jam, go Aɣap lupɔɔ ke yen kɔ̈u rɛtiic në jiɛthëpiɔ̈u, ku bïï ke biic ë yekɔ̈u ku pot rɔt në ŋeth, ku reec cäm ku tɔ̈ɔ̈c ë ŋethic, ku jiël ke cï rɔt tak në kë ë lui yë.

2 Mel 19:1

Na wën aacï melik Ɣedhekia këdɛn cïk lueel piŋ, go lupɔɔke rɛtiic në jiɛthëpiɔ̈u, ku tɛ̈ɛ̈u lupɔɔ ke cuɔl ë yekɔ̈u, ku le Luaŋdït ë Bɛ̈nydït.

2 Mel 6:17

Na wën ke Elica ë läŋ an, “Bɛ̈nydït liep nyïïnke bïk daai!” Go Bɛ̈nydït lïm de Elica liep nyin, go daai ku tïŋ kuur ke cï nɔm thiäŋ, në jöŋgöör, ku abëël ke mac acïk Elica tuɔɔk cil.

Edhekiɛl 30:25

Ɣɛɛ, abä tɔ kɔ̈c ku ta melik de Babilonia ril. Të lan yen gäm abätäudï ku nyooth nɔm Rip, abï ë raan ëbɛ̈n ŋic nɔn ee yɛn Bɛ̈nydït.

Edhekiɛl 9:8

Të wën le ë kɔc ke ke näk, yɛn aa tɔ̈u ëtɛ̈ɛ̈n yatök. Guɔ yanɔm guöt piny, ku cööt në röl dït an, “Bɛ̈nydït Awärjäŋ, cï gɔ̈th arëët we Jeruthalem ka Yïn kɔɔr bä raan cï döŋ ë Yithriɛl ëbɛ̈n nɔ̈k?”

Kuɛ̈n 14:5

Ago Mothe yenɔm guöt piny kekë Aron në akutnɔm de kɔc ke Yithriɛl nïïm kedhie, kɔc cï guëër.

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?

Kuɛ̈n 22:23

Na wën, atïŋ ë muul tunynhial ë Bɛ̈nydït ke kääc kueer ke muk abätäu, ke päl kueer ku le yam roor. Go Balaam muul dui, ku puk nɔm kueer.

Kuɛ̈n 22:31

Go Bɛ̈nydït Balaam jɔ tɔ tïŋ tunynhial ë Bɛ̈nydït akääc ëtɛ̈ɛ̈n ke muk abätäu. Go Balaam rɔt cuat piny në yenɔm, guöt ë nɔm piny.

Bäny 13:20

Të wën jɔ liem de lɔ̈k ë mac lɔ pat nhial ë yïk nɔm, go tunynhial ë Bɛ̈nydït lɔ nhial ë lɔ̈kic. Na wën tïŋkï ee kënë, yen Manowa kekë tiiŋde gokï kenïïm guöt piny.