1 Lëk 21:13 - JAM DE NHIALIC 2011

¹³ Go Debid pɔ̈k nɔm Gad an, “Yɛn tɔ̈u ë nuandït yic! Ku acä kɔɔr bï kɔc ya luöi këtuc. Tɔ ee Bɛ̈nydït yen bï ya luöi këtuc ë yen, në biäk ee yen piɔ̈u kok.”

1 Lëk 21:13 ပူးပေါင်းရင်းမြစ်များ

2 Mel 6:15

Na wën ke lïm de raan de Nhialic ë jɔt rɔt, ku riɛɛl biic adurduur, go rem de tɔŋ cï wut tuɔɔk tïŋ, rem cath ë jöŋgöör kɔ̈ɔ̈th, ku rem cath në abëël, go lueel an, “Wok cï thou bɛ̈nydï! Eeŋö buk looi?”

2 Mel 7:4

Na luelku an lokku në pänydïtic, ke cɔk anu, wok duëër lɔ thou ëtɛ̈ɛ̈n, ku na rëërku, wok bï thou aya. Ka ënɔɔnë bäkï lokku wun de kɔc ke Thiriya, na cïk wo pɔ̈l, ke wo bï pïïr, ku na cïk wo nɔ̈k, ke wo bï thou.”

2 Lëk 28:9

Ku ade tiët de Bɛ̈nydït ëtɛ̈ɛ̈n ë Thamaria cɔl Oded. Go bɛ̈n bei bïï bɛ̈n yök ke rem de tɔŋ de Yithriɛl ke ke muk kɔckɛn ke Juda cïk peec, ku të wën aa jɔkï lɔ Thamaria, go ë tiët lueel an, “Bɛ̈nydït Nhialic de kuarkun aa göth kekë Juda, yeka cä wek keek tiam, ku acï nääkdït cä wek keek nɔ̈k piŋ paannhial.

Ethta 4:11

“Kɔc lui baai de Melik, ayïï raan ëbɛ̈n ë wuötiic, aŋickï, ee löŋ cïn raan pɛ̈l, nɔn yen moc ku nɔn yen tik, të cïï yen lɔ ɣöt thok ke kënë cɔɔl, raanë aye nɔ̈k. Ee të yen raan cïï Melik ɣɔ̈k wai de adhääp nyooth luɔi cï ye gam, yen aye pïïr. Ku ee nɔɔnë, acïï aa pɛɛi tök ë kööl ɣɔn cïï Melik a tɔ cɔl.”

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Diɛt 103:8

Bɛ̈nydït ade kokdepiɔ̈u ku nhiëër, acie dap göth ku athiäŋ ke nhiëër agɔk.

Diɛt 106:7

Kuarkuɔ ɣɔn tɔ̈u kek ë Rip akënkï kagɛ̈iyë cï Nhialic ke looi yök yiic, acïk nïïm määr në ka juëc yen keek nyuöth nhiëërdɛn agɔk, gokï Awärjäŋ rɛɛc thok në Wɛ̈ɛ̈r thith yɔu.

Diɛt 119:156

Ku kokdepiɔ̈ndu, adït Bɛ̈nydït, nyuɔɔthë kokdepiɔ̈ndu ku kony yɛn!

Diɛt 130:4

Ku Yïn ee wook päl awɛ̈ɛ̈ckuɔ, ke wo bï aa riɔ̈ɔ̈c ë Yïn.

Diɛt 130:7

Yithriɛl ŋäthkï Bɛ̈nydït, në biäk de nhiëërdɛn agɔk, ku aye kɔɔr bï kɔc kony ë ceŋ.

Diɛt 5:7

Ku në biäk ë nhiëërduön agɔk, yɛn duëër bɛ̈n ɣöndu, yɛn bï lam Luaŋduön ɣeric ku guöt a nɔm piny në Yïnɔm në riëëu.

Diɛt 69:13

Ku në biäkdï, Bɛ̈nydït, ee Yïn bä ya lɔ̈ŋ, gam lɔ̈ŋdï Nhialic, në köölduön cï lɔc. Bɛ̈ɛ̈rë lɔ̈ŋdï në biäk de nhiëërduön agɔk, në biäk ee Yïn gutguutduön de kuɔɔny döt.

Diɛt 69:16

Bɛ̈ɛ̈rë lɔ̈ŋdï Bɛ̈nydït, në piath de nhiëërduön agɔk, në biäk de dït de kokdepiɔ̈ndu, Pɔ̈kë rɔt ɛn!

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Kɛ̈ŋ 12:10

Raan piɛth piɔ̈u ee ɣɔ̈kke ŋiëc döt, ku luɔi piɛth de raan rac ë akuöörkuöör luöi ɣɔ̈kke.

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Yith 63:7

Yɛn bï jam në biäk de nhiëër agɔk de Bɛ̈nydït, Abä piɔɔny në biäk de kajuëc cï luöi wook ëbɛ̈n. Acï baai de Yithriɛl thieei aläl në biäk de kok de yen piɔ̈u ku nhiëërdɛn agɔk.

Dhiëëu 3:32

Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

Jona 3:9

Na de të bïï Nhialic E piɔ̈u puk, ago löŋ waaric, nɔn de të bïï Yen agönhde pɔ̈l, ke wo cïï bï thou! Go kɔc ke Ninebe jam de Nhialic gam, ku yöökkï röt bïk thek, keek kedhie ayï mïth ayï röördït, ku tɛ̈ɛ̈u kɔc lupɔɔ ke cuɔl ë kekɔ̈ɔ̈th, yen abï ye nyuɔɔth nɔn cïï kek karɛcken pɔ̈l.

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Ɣabakuk 3:2

“Bɛ̈nydït, yɛn cï ka ɣɔn cï kɔn looi piŋ, ka yɛn ee riɔ̈ɔ̈c dɔm. Ku ënɔɔnë nyɔk kadït ɣɔn cï kɔn looi në aköölkuɔnkë yiic. Ayï agönhdun yic we wook, ke Yï pɛ̈l Yï piɔ̈u piny ku nyuöthë wook kokdepiɔ̈ndu.

Jɔn 12:27

“Ku ënɔɔnë yɛn ë piɔ̈u jiɛth, ku bä ŋö lueel? Bä lueel an, Wäär kony ɛn ee köölë? Ku në biäk de ee kënë, en aa bä yɛn, aguɔ tëëk në nuan ee köölë yic.

Pilipoi 1:23

Yɛn ë miɛn ë kaamden kaarou, yɛn cïï ŋɔ̈ɔ̈ŋ de jäl dɔm, jäl jäl ɛn aguɔ tɔ̈u wokë Kërtho ëtök, yen aŋuän arëëtdït.

Ɣeberuu 10:31

Amawoou në raan bï lööny ë Nhialic pïïr cin.