1 Lëk 19:6 - JAM DE NHIALIC 2011

⁶ Ago melik Ɣanun ku kɔc ke Ammon jɔ ŋic nɔn cï kek Debid tɔ ee raan de aterden, gokï aguum kathiërdiäk ku ŋuan 34,000 de kilɔɔ ke atek gam, riɔp kek abëël ke tɔŋ, ku kɔc ee jöŋgöör kuaath, në Methopotamia, ku tëde piiny ke Athiriya yï: Maaka, ku Dhoba.

1 Lëk 19:6 ပူးပေါင်းရင်းမြစ်များ

Cäk 34:30

Ago Jakop lɛ̈k Thimion kekë Lebi an, “Wek ë ya yiɛ̈n guöp wël. Wek ë rinkï riɔ̈ɔ̈k tëde kɔc de piny, kɔc ke Kanaan ku kɔc ke Peridh. Tiɛ̈ŋkï, wok lik. Na lek keyiic määt, ku yïnkï wo tɔŋ. Cïkï ya bï riɔ̈ɔ̈r nyin wokë baaidï ëbɛ̈n?”

2 Tham 10:6

Go kɔc ke Ammon ŋic nɔn cïï kek Debid tɔ ye raan de aterden, agokï aguum kathiërrou de rem ë tɔŋ ë Thiriya tɔ̈u ë Bethreɣop riɔp, ku aguum kathiëër ku rou në Tɔp, ku lɔ melik de Maaka kekë agum töŋ de kɔc.

2 Tham 8:3

Na wën ke Debid ë tiam Ɣadadedher wën ë melik Reɣop piny de Thiriya cɔl Dhoba, të wään le yen an bïï piny tɔ̈u në wɛ̈ɛ̈r ë Yuparat kɔ̈u lɔ puk nïïm.

1 Lëk 18:5

Na ɣɔn aa lɔ kɔc ke Thiriya tɔ̈u ë Damathko rem de tɔŋ tooc bïk Melik Ɣadadedher lɔ kony, go ë Debid keek mak ku nɛ̈k aguum kathiërrou ku rou 22,000 de kɔc.

1 Lëk 18:9

Na ɣɔn aa lɔ Tou melik de Ɣamath ye piŋ luɔi cï Debid rem de melik Ɣadadedher tiaam ëbɛ̈n.

1 Lëk 19:5

Gokï gup riɔ̈ɔ̈c ë luɔi bï kek röt pɔ̈k ciëën, na wën aa lɔ Debid kë cï lɔ tuöl tëde tuucke piŋ, go thok tuöc keek bïk rëër ë Jeriko, agut të bï nhïm bɛ cil ë kethook.

2 Lëk 18:3

Go Aɣap melik de Yithriɛl Jeɣocapat melik de Juda thiëëc an, “Bä lɔ we yɛn ëtök, buk pänydït de Ramoth lɔ mak?” Go Jeɣocapat pɔ̈k nɔm en an, “Yɛn cï rɔt guiir cï man ë yïn aya, ku yen ee täu de remdiën ë tɔŋ. Wok bï röt mät week.”

2 Lëk 18:5

Na wën ke Aɣap ë cɔl tït ayek bot kaŋuan (400) kedhie, ku thiëëc keek an, “Duɛ̈ɛ̈r lɔ bä Ramoth, lɔ mak ku cä bï lɔ?” Go ë tït bɛ̈ɛ̈r an, “Makë, Nhialic abï yï gäm tiëm.”

2 Lëk 18:9

Ku meliik kaarou aake rɛ̈ɛ̈r në thöcken nïïm ë kal de Thamaria thok biic tëde yiɛɛu de käm, ke ke ceŋ lupɔɔkɛn ke bääny, ku jɔ tït cɔ̈ɔ̈r ë kenïïm tueŋ.

2 Lëk 25:6

Ku acï agum bɔt 100,000 de rem de tɔŋ riɔp, në kɔc ke Yithriɛl yiic në aguum kadiäk ku bot kaŋuan 3,400 de kilɔɔ ke ateek.

2 Lëk 27:5

Go tɔŋ luöi melik de Ammon kekë remdɛn de tɔŋ ku tiɛɛm keek. Ku tɔ kɔc ke Ammon kut en wëu në run yiic kadiäk, ku kuënden kï: Aguum kadiäk ku bot kaŋuan 3,400 de ateek, ku agum töŋ1,000 de tɔn de agamɔ, ku agum töŋ1,000 de tɔn de barli.

Diɛt 14:3

Ku keek acïk wäc kedhie, keek kedhie akïtkï në rac. Acïn raan töŋ ee yic looi në keyiic, acakaa raan töŋ arïr aliu.

Diɛt 46:9

Acï tɔɔŋ dɔ̈m kɔ̈ɔ̈c ë pinynɔm ëbɛ̈n, acï dhɛ̈ŋ dhoŋ kɔ̈ɔ̈th, ku riëëk tɔɔŋ, ku nyop abëël ke tɔŋ në mac.

Bɛ̈n 5:21

Agokï lɛ̈k Mothe kekë Aron an, “Bɛ̈nydït ë kë cäk looi tïŋ, ku abï we luöi këtuc, në luɔi cä wek melik tɔ man wook kekë bänyke. Acäk keek gäm kueer bï kek wo nɔ̈k.”

Luk 10:16

Go Yecu kɔckɛn ë piööcë yɔ̈ɔ̈k an, “Raan piŋ këdun, ka piŋ këdï, ku raan reec week, ka reec ɛn, ku raan reec ɛn, ka reec raan ë toc ɛn.”

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Tham 13:4

Kɔc ke Yithriɛl acï keek yɔ̈ɔ̈k kedhie nɔn cï Thaulo bɛ̈ny ë tɔŋ ë Pilithiin nɔ̈k, ka cïï kɔc ke Pilithiin maan guöp. Go kɔc kedhie cɔ̈t ë Thaulo gam, ku mɛt nɔn bïï kek bɛ̈n rɔ̈m në Gilgal.

1 Tham 14:47

Wään cï Thaulo aa melik de Yithriɛl, go thɔ̈ɔ̈r ke kɔc ke aterde kedhie në ɣään yiic ëbɛ̈n: ë thɔ̈ɔ̈r ke kɔc ke Mowap, ku kɔc ke Ammon, ku kɔc ke Edom ku meliik ke Dhoba, ku Pilithiin. Të yen lɔ thïn ëbɛ̈n, aaye kɔc ke aterde tiaam.

1 Tham 27:12

Ku Acic aa ŋäth Debid aläl ku aa luel ë yepiɔ̈u an, “Acïï kɔckɛn ke Yithriɛl kuöc maan aläl, ka yen abï yɛn jɔ aa luööi në pïïrde yic ëbɛ̈n.”