1 Lëk 18:12 - JAM DE NHIALIC 2011

¹² Go Abicai wën de tiiŋ cɔl Dheruia kɔc ke Edom tiaam ë Wak de Amilɔ yic, ku nɛ̈k aguum kathiëër ku bɛ̈t 18,000 ë ke yiic.

1 Lëk 18:12 ပူးပေါင်းရင်းမြစ်များ

2 Tham 10:10

Ku tɛ̈ɛ̈u Jowap rem de tɔŋ në mänhë Abicai cin bï keek wat, go jɔ keek wɛ̈l nïïm kɔc ke Ammon.

2 Tham 10:14

Na wën aa tïŋ kɔc ke Ammon luɔi cï Thiriya kat, gokï kat në Abicai ku dɔkkï kenïïm wunden. Go Jowap rɔt dak Jeruthalem të wään cïï yen lɔ thɔ̈ɔ̈r ke kɔc ke Ammon.

2 Tham 20:6

Ago melik Debid lɛ̈k Abicai an, “Ceba wën ë Bikiri abï wook luöi nuan wär Abthalom. Nöm kɔckï ku lɔɔr në yecök, ke cïï wuöt dït cï gël bï lɔ peec, ku acuku be yök.”

2 Tham 21:17

Go Abicai wën ë Dheruia Debid kony ku nɛ̈k raan de Pilithiin. Na wën ke kɔc ke Debid ë ke kuëëŋ ë yenɔm nɔn cïï yen bï bɛ lɔ tɔŋ ke keek ë kööl däŋ, luelkï an, “Yïn ee aŋäth de Yithriɛl, ku wok cïn piɔ̈ɔ̈th luɔi bïï ë yïn nɔ̈k.”

2 Tham 23:18

Abicai, mänhë Jowap (manden acɔl Dheruia) ee bɛ̈ny de thiërdiäŋ cï leec. Acï piɔ̈t ke bot kadiäk de kɔc ke muk tɔŋ ku nɛ̈k keek kedhie, ago jɔ ŋic arëët në thiërdiäk yiic.

2 Tham 3:30

Jowap kekë mänhë Abicai, acïk Abener nɔ̈k në biäk cï yen mänhëden Athaɣel nɔ̈k ë tɔŋ de Gibiɔn yic.

2 Tham 7:13

Yen abï Yɛn yiëk ɣöt, ku thööny de ciɛɛŋde yen abï tɔ̈u athɛɛr.

1 Mel 11:15

Ɣɔn bïï Debid Edom dɔm, go Jowap bɛ̈ny ë rem de tɔŋ lɔ, bïï kɔc ke Yithriɛl cï nɔ̈k tɔŋ lɔ thiɔ̈k, gokï pɛ̈i kadhetem thöl, në ee kaamë yic acïk röör nɔ̈k ëbɛ̈n në Edom,

2 Mel 14:7

Amadhia acï aguum kathiëër ke rem de tɔŋ de Edom nɔ̈k në Wak de Amilɔ yic, ku dɔm wun cɔl Thela në tɔŋic, ku ciëk an Joktheel aɣet cï ee köölë.

1 Lëk 11:20

Ku Abicai mänhë Jowap ee yen bɛ̈ny de wɛ̈ɛ̈t “Cï Leec Kathiërdiäk.” Acï thɔ̈ɔ̈r ke bot kadiäk de kɔc në tɔŋde go keek nɔ̈k, ago jɔ leec në ke yiic “Kathiërdiäk.”

1 Lëk 18:11

Go melik Debid ke gam ke ke ye kake luɔi tëde läm, ku mɛt keek në atek ku adhɛ̈p wään cï ke peec tëde juöör yï: Edom, ku Mowap, ku Ammon, ku Pilithiin, ku Amalek.

1 Lëk 18:13

Ku piɛ̈ɛ̈t pɛɛny ke rem de tɔŋ piny de Edom ëbɛ̈n, go Debid kɔc nu ëtɛ̈ɛ̈n cieŋ. Go Bɛ̈nydït Debid tɔ tiëm ë ɣään yiic kedhie.

1 Lëk 19:11

Ku jɔ biäk de rem tɔŋ gäm mänhë Abicai, go keek nyuööc ë tuŋ thok, ke ke wël kenïïm rem de tɔŋ de Ammon.

1 Lëk 2:16

Ku yen aya aa de nɔm duet kaarou Dheruia, ku Abigail. Dheruia ade wɛ̈ɛ̈tke kadiäk, Abicai, ku Jowap, ku Athaɣel.

2 Lëk 25:11

Na wën ke Amadhia ë jɔ ŋeeny ku wɛt remdɛn de tɔŋ të lɔ Wak de Amilɔ. Agokï piɔ̈t ëtɛ̈ɛ̈n, ku näkkï aguum kathiëër 10,000 ë rem de tɔŋ de Edom.

Diɛt 60:1

Nhialic Yïn cï wo rɛɛc, ku tiam wook, Yïn aa cï piɔ̈u diu wekë wook, ku ënɔɔnë jɔ rɔt pɔ̈k wook.

Diɛt 60:2

Yïn cï piny tɔ lɛthë ku tɔ retë yic, ënɔɔnë nuat ɣään cï dhuɔɔŋ, në baŋ kɔɔr en kuɛɛm.

1 Tham 26:6

Na wën ke Debid ë thiëc Aɣimelek raan de Ɣit, ku Abicai mänhë Jowap, (manden acɔl Dheruia), an, “Eeŋa në weyiic waarou raan bï lɔ ke yɛn wun ë Thaulo?” Go Abicai bɛ̈ɛ̈r, an, “Yɛn bï lɔ.”

1 Tham 26:8

Go Abicai lɛ̈k Debid an, “Nhialic acï kɔc ke aterdu tääu në yïcin ee köölë, ka ënɔɔnë tɔ thäär piny në tɔŋ tök, ku acä duëër thɔ̈ɔ̈r raanrou!”