1 Lëk 18:11 - JAM DE NHIALIC 2011

¹¹ Go melik Debid ke gam ke ke ye kake luɔi tëde läm, ku mɛt keek në atek ku adhɛ̈p wään cï ke peec tëde juöör yï: Edom, ku Mowap, ku Ammon, ku Pilithiin, ku Amalek.

1 Lëk 18:11 ပူးပေါင်းရင်းမြစ်များ

1 Mel 7:51

Na ɣɔn aacï melik Tholomon luɔi de Luaŋdït thöl, ke jɔ miɔ̈c ɣɔn cïï wun Debid ke gäm Bɛ̈nydït nööm, ku tɛ̈ɛ̈u keek ɣön ye käŋ tɔ̈ɔ̈u thïn, ateek ku adhääp ku lɔ wëu kɔ̈k.

2 Mel 12:18

melik Jowac de Juda, acï ajuëër ëbɛ̈n nööm, ku gɛm ke, ka ɣɔn cïï kuarken meliik ɣɔn kɔn bɛ̈n në yenɔm tueŋ gäm Bɛ̈nydït, yï Jeɣocapat, ku Jeɣoram, ku Aɣadhia, ku gɛm këriëëc cï juaar ëbɛ̈n, ku mɛt miɔ̈cde thïn, ku adhäm ë yök ke cï tɔ̈ɔ̈u Luaŋdït, ku ɣön ë melik, ku tooc ke ëbɛ̈n ke ke ye miɔ̈c de miɛtëpiɔ̈u de melik Ɣadhiɛl de Thiriya. Go Ɣadhiɛl Jeruthalem nyääŋ piny ke cïï be mɛk.

1 Lëk 18:10

Go wëndɛn Joram tuöc melik Debid, bï lɔ riit piɔ̈u në biäk cïï yen Ɣadadedher tiaam, raan ɣɔn ee cool ë thäär kekë Tou. Joram acï miɔ̈c yiɛ̈n melik Debid, miɔ̈c de adhääp, ku atek, ku maläŋ.

1 Lëk 18:12

Go Abicai wën de tiiŋ cɔl Dheruia kɔc ke Edom tiaam ë Wak de Amilɔ yic, ku nɛ̈k aguum kathiëër ku bɛ̈t 18,000 ë ke yiic.

1 Lëk 22:14

Ku në biäk de Luaŋdït yɛn cï aguum kadiäk ku bot kaŋuan (3,400) ke tɔn ke adhääp kueet, ku aguum kathiërdiäk ku ŋuan de (34,000) ke tɔn ke atek määt yiic, bï ke Luaŋdït yïk. Ku kake yïk juëc arëët, yï malɔ̈ɔ̈ŋ, ku wëëth, ku tiim, ku kur cï guiir, ayï kɔc bï luɔi looi, ku yïn bï kɔ̈k dhil bɛ̈ɛ̈i.

1 Lëk 26:20

Ku Aɣija raan dhiën de Lebai acï gäm luɔi de wëu ke ɣön ë Nhialic ku luɔi de miɔ̈c cï keek gäm Nhialic, ku ɣööt ye käŋ tɔ̈ɔ̈u thïn.

1 Lëk 29:14

“Yɛn wokë kɔckï acïn kë buk gäm Yïn, në biäk ye këriëëc ëbɛ̈n bɛ̈n tëde Yïn, këduön wään cï kɔn gäm wook yen apukku nɔm yïn.

2 Lëk 5:1

Na wën aacï Tholomon luɔi de ɣön ë Bɛ̈nydït thöl ë yïk, go ka wään cï Debid wun keek tɔ̈ɔ̈u pei në biäk de Luaŋdït bɛ̈ɛ̈i thïn, ago atek, ku adhääp ku lɔ ka kɔ̈k ëbɛ̈n tääu të ye wëu ke ɣön ë Nhialic muk.

Bɛ̈n 35:5

Gämkï Bɛ̈nydït miɔ̈c. Ku raan ëbɛ̈n, raan kɔɔr bï Bɛ̈nydït gäm miɔ̈c, ke bïï miɔ̈c adhääp, ku ateek ku maläŋ.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Jocua 6:19

Këriëëc ëbɛ̈n, kë ë loi në adhääp ku ateek, ku maläŋ ku nɔn yen wëëth ee kake Bɛ̈nydït. Abï ke lɔ tääu të ye wëu ke Bɛ̈nydït tɔ̈ɔ̈u.”

Jocua 6:24

Ku jɔkï pänydït nyuɔp piny ëbɛ̈n, ayï këriëëc nu thïn ale döŋ ke ye kak ë cuëc në adhääp, ku ateek, ku maläŋ, ku wëëth. Acïk keek bɛ̈n jɔt, ku lek keek tääu tëde wëu ke Bɛ̈nydït.

1 Tham 30:13

Go Debid luɔp an, “Eeŋa yen ee bɛ̈nydun, ku ee tënou yen ë bïï yïn thïn?” Go bɛ̈ɛ̈r, an, “Yɛn ee raan ë Rip, ku ya lïm de raan de Amalek, bɛ̈nydï acï ya nyääŋ piny në biäk cï juäi yɛn dɔm, në nïn kadiäk cï tëëkë.

1 Tham 30:20

Go kɔcke këriëëc ëbɛ̈n ɣɔ̈k, ku thök, ku mul, ku thɔ̈rɔ̈ɔ̈l dak ë kenïïm tueŋ, ku luelkï an, “Ee kakë Debid!”