1 Lëk 17:16 - JAM DE NHIALIC 2011

¹⁶ Na wën ke Debid ë lɔ në paany de Bɛ̈nydïtic, ku nyuuc ku lɛ̈ŋ lueel an, “Yɛn cïï rɔ̈ŋ we kë cï luöi yɛn, Bɛ̈nydït Nhialic, ayï baaida aya acïï rɔ̈ŋ ke kë cï looi.

1 Lëk 17:16 ပူးပေါင်းရင်းမြစ်များ

Cäk 32:10

Nhiëërduön agɔk acïï rɔ̈ŋ ke yɛn. Ayï dönduön piɛthë cï yïn lïmdu döt, acïkï rɔ̈ŋ në yɛn kedhie. Yɛn aa tem wɛ̈ɛ̈r de Jordan ke ye thieec tei yetök yen muɔ̈k në yaciin. Ku ënɔɔnë, yɛn ë bɛ̈n ciëën wokë luuny kaarou.

2 Tham 7:18

Na wën ke melik Debid ë lɔ në paany de Bɛ̈nydïtic, go nyuc ku lɛ̈ŋ an, “Bɛ̈nydït Nhialic, Yɛn ya ŋa! Ku dhiëndï eeŋa? Eeŋö bïï yïn yɛn ee tënë?

2 Mel 19:14

Go melik Ɣedhekia ë awerekë nööm tëde tuuc ku jɔ kueen yic. Go Ɣedhekia lɔ ë Luaŋdïtic ku thieth awerek në Bɛ̈nydït nɔm.

1 Lëk 17:15

Go Nathan ee wëlkë lɔ lɛ̈k Debid ëbɛ̈n, wël cïï Bɛ̈nydït ke lɛ̈k en.

1 Lëk 17:17

Ayï ee nɔɔnë yïn ŋoot ke yï loi kajuëc, yïn cï gutguut looi në biäk de kuatdï ë run bï lɔ̈ɔ̈k bɛ̈n, ku yïn Bɛ̈nydït Nhialic yïn luui yɛn ë luɔi de raan dït.

1 Lëk 29:14

“Yɛn wokë kɔckï acïn kë buk gäm Yïn, në biäk ye këriëëc ëbɛ̈n bɛ̈n tëde Yïn, këduön wään cï kɔn gäm wook yen apukku nɔm yïn.

2 Lëk 1:8

Go Tholomon pɔ̈k nɔm Nhialic an, “Yïn cï nhiëërduön agɔk nyuöth wäär Debid, ku Yïn cï yɛn tɔ ee melik në nyinde yic.

Diɛt 144:3

Bɛ̈nydït, raan eeŋö, kë yïn diɛɛr ë këde? Mɛnh ë raan tei, yen duëër yïn këde tak?

Luɔi 26:22

Nhialic yen aa kony a tei, aguɔ tɔ̈u aɣët cï ee köölë, ke ya ye cool ë guïïr kɔc, kɔc kor ayï röördït, ku acïn kɔ̈k aa lɛ̈k keek, ee kak ë lueel tït tei, ayï Mothe an, bïk tïc:

2 Kor 1:10

Raan ë wo luök në thon dïït yïnya, ku ŋoot ke ye wo luök: ku yen aŋäthku luɔi bï en ŋoot ke luäk wook aya,

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Bäny 6:15

Go Gidiɔn bɛ̈ɛ̈r an, “Bɛ̈nydït yɛn bä kɔc ke Yithriɛl lɔ luök adï? Tïŋ, kɔc ke dhiëndï kek akɔ̈c në dhiën de Manatha yic, ku yɛn ee raan töŋ thiin cïn naamde arëët në dhiën ë wääric.”

1 Tham 7:12

Na wën ke Thamwɛl ë nöm kuur, ku wec piny në kaam de Midhpa kekë Cen, lueel an, “Bɛ̈nydït acï wo kony ee kakë yiic kedhie.” Ku jɔ ëtɛ̈ɛ̈n cäk an, “Kuur ë kuɔɔny.”

1 Tham 9:21

Ago Thaulo bɛ̈ɛ̈r an, “Yɛn ee raan de Benjamin, dhiën koor ë dhiëën ke Yithriɛl yiic, ku ɣönda yen ee ɣön koor aläl në dhiën ke Benjamin yiic, ka eeŋö duëër yïn ya lɛ̈k kë cït ee kënë?”