1 Lëk 16:36 - JAM DE NHIALIC 2011

³⁶ Pianykï Bɛ̈nydït, Nhialic de Yithriɛl! Lɛckï nɔm ënɔɔnë ku aɣet thɛɛr! Ku abïï kɔc kedhie lueel an, “Amiin”, ku piɔnykï Bɛ̈nydït.

1 Lëk 16:36 ပူးပေါင်းရင်းမြစ်များ

1 Mel 8:15

Go lueel an, “Thieithieei Bɛ̈nydït Nhialic de Yithriɛl! Acï thöndɛn wään cï lɛ̈k wää Debid döt, ɣɔn lueel En en an,

1 Mel 8:56

“Thieithieei Bɛ̈nydït Yïn raan cï mät yiɛ̈n kɔckuön ke Yithriɛl, cït nɔn ɣɔn cïï Yen e than piny. Acïn thön töŋ kën rɔt lëu në thöön piɛth ɣɔn cï than në kueer ë Mothe raanduön ee Yïn luööi.

Neɣe 8:6

Go Edhera lueel an, “Lɛckï Bɛ̈nydït, Nhialic dït!” Go kɔc kecin jat nhial kedhie, gamkï an, “Amiin! Amiin!” Ku guŋkï ke ke läŋ abïk piny jak në kenïïm.

Neɣe 9:5

Kɔc ke Lebaikë: Jecua, ku Kadmiel, ku Bani, ku Ɣacabania, ku Cerebia, ku Ɣodia, ku Cebania ku Pethaya. Acïk lueel an: “Jatkï röt ku lɛ̈kkï Bɛ̈nydït Nhialicdun thieithieei. Lɛckï ënɔɔnë aɣet athɛɛr! Takï raan ëbɛ̈n thieei dhuëëŋ de rinke, takï leec mɛnh ë raan ku lëk thieithieei!”

Diɛt 106:47

Kony wook, Bɛ̈nydït Nhialinyda, ku bɛ̈ɛ̈iyë wook ciëën ë juöör yiic. Agoku piɔ̈ɔ̈th miɛt, ku buk rinkuön ɣeriic leec.

Diɛt 106:48

Pianykï Bɛ̈nydït, Nhialiny de Yithriɛl, pianykï ënɔɔnë ku aɣet athɛɛr! Në lueel ë raan ëbɛ̈n, “Amiin!” Lɛckï Bɛ̈nydït!

Jeremia 28:6

Ago ë tiët Jeremia lɛ̈k en an, “Ee këdïït ë gäi! Amiin! Anhiaar duëër Bɛ̈nydït ee kënë looi! Anhiaar nɔn duëër en cäärdu tɔ ee yic, ku tɔ wëu bïïyë ciëën, wëu wään ke Luaŋdït cï lɛɛr Babilonia ku tɔ kɔc wään cï jɔt ke ke mac bɔ̈ ciëën.

1 Kor 14:16

Be an, cie looi wuya, ku jɔ Nhialic thieei wekë wëiku kapäc, ke raan rɛ̈ɛ̈r ëtɛ̈ɛ̈n ke ye raan kënë wɛ̈ɛ̈t, bï “Amiin” lueel adï, nɔn kën en kë luel piŋ?

Epethiei 1:3

Thieithieei ë Nhialic, Wun Bɛ̈nydan Yecu Kërtho, Raan cï wo thieei ë athiɛɛi de wëi ëbɛ̈n, athiɛɛi de ka ke paannhial, në Kërtho yic.

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,