1 Lëk 16:25 - JAM DE NHIALIC 2011

²⁵ Nhialic adït ku yen abï ya piɔny, yen abï aa dhuëëŋ guöp awär yiëth kedhie.

1 Lëk 16:25 ပူးပေါင်းရင်းမြစ်များ

1 Lëk 16:24

Luɛlkï dhuëëŋde në juöör yiic ëbɛ̈n, ku lɛ̈kkï kɔc göök cï looi kedhie.

2 Lëk 2:5

Acä tak bä Luaŋdït yïk ke dït, në luɔi dïït ë Nhialicda awär yiëth kɔ̈k.

Diɛt 145:3

Bɛ̈nydït adït, ku abï dhil aa piɔɔny aläl, ku dïtde acïï duëërë yök yic.

Diɛt 48:1

Bɛ̈nydït adït, ku abï ya piɔɔny aläl, në Pänydït ë Nhialicda yic, ku në kuurdɛn ɣeric nɔm.

Diɛt 76:7

Ku Yïn Nhialic, Yïn ye kɔc riɔ̈ɔ̈c kedhie. Acïn raan duëër kɔ̈ɔ̈c në Yïlɔ̈ɔ̈m të cïï Yïn gɔ̈th.

Diɛt 76:8

Guëërduön ë luk acï tɔ ŋic paannhial, go pinynɔm riɔ̈ɔ̈c ku miim thok,

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.