1 Lëk 15:3 - JAM DE NHIALIC 2011

³ Go Debid kɔc ke Yithriɛl cɔɔl kedhie bïk lɔ Jeruthalem, në biäk bï kek Athänduŋ de mät lɔ bɛ̈ɛ̈i të ɣɔn cï guiir bïï ë yen tääu thïn.

1 Lëk 15:3 ပူးပေါင်းရင်းမြစ်များ

2 Tham 6:12

Na wën ke lëk ë kɔc Debid an Bɛ̈nydït acï paan de Obed Edom thieei kekë kajuëc tɔ̈u në yen, në biäk tɔ̈u ë athänduŋ de Nhialic ëtɛ̈ɛ̈n, ago Debid athänduŋ de Nhialic lɔ diëc paan de Obed Edom ku leer pänydït de Debid në dhuëëŋdït arëët.

2 Tham 6:17

Na wën ke ke bïï athänduŋ de mät, ku tɛ̈ɛ̈ukï tëde në paany yic të wään bïï Debid luöi yen. Go Bɛ̈nydït gäm miɔ̈c ye nyop ëbɛ̈n, ku miɔ̈c de mät.

1 Mel 8:1

Na wën ke melik Tholomon ë cɔl bäny ke ke dhiëën ë ku bɛ̈i ke Yithriɛl kedhie, bïk bɛ̈n tëde yen ë Jeruthalem, në baŋ bïï kek athänduŋ de mät lɔ jɔt ë Dhiɔn Pänydït de Debid, ku leerkï ë Luaŋdïtic.

1 Lëk 13:2

Na wën cï jɔ thök ë mät ke keek ku jɔ lɛ̈k amatnɔm de Yithriɛl ëbɛ̈n an, “Na cäk gam, ku na ye këde Bɛ̈nydït Nhialicda piɔ̈u, ke wo duëër tuuc tooc, bïk kɔckuɔn kɔ̈k lɔ lɛ̈k, ku bäny ke kake Nhialic, ku kɔc ke Lebai ë wuötken yiic, ku bïk keek yɔ̈ɔ̈k bïk bɛ̈n mat ë wook ee tënë.

1 Lëk 13:5

Go Debid kɔc ke Yithriɛl mat nïïm në baai yic ëbɛ̈n, gɔl në akenden ë Rip të lɔ wöuwic leer Ɣamath thok ë biäk të lɔ rut, në biäk bïï kek Athänduŋ de mät lɔ bɛ̈ɛ̈i Jeruthalem në Kiriath Jiriim.

1 Lëk 15:1

Na biäk de luɔide, go Debid ɣööt yïk ë pänydït de Debid yic. Ku jɔ piny guiir bï yen Athänduŋ de män ë Nhialic tääu thïn, ku jɔ luöi paany.

1 Lëk 15:12

Ku lëk kɔc ke Lebai an, “Wek ee bäny ke dhiën de Lebai. Wakï röt në kɔckuön ke Lebai, ke we bï Athänduŋ de män de Bɛ̈nydït, Nhialic de Yithriɛl lɔ bɛ̈ɛ̈i të cä guiir bïï ë yen tääu thïn.

1 Lëk 16:1

Gokï Athänduŋ de Nhialic bɛ̈ɛ̈i, ku tɛ̈ɛ̈ukï në paany yic, paany ɣɔn cïï Debid luöi yen, agokï miɔ̈c ye nyop ëbɛ̈n gam ku gɛmkï miɔ̈c de mät ë Nhialic nɔm.

2 Lëk 1:2

Go melik Tholomon jam kekë kɔc ke Yithriɛl kedhie, ku lɔ bänydït ke rem de tɔŋ wat agum de kɔc, ku bänydït ke rem de tɔŋ wat bot de kɔc, ku bäny ee lööŋ guiir, ku röördït ke baai piny de Yithriɛl, ku kɔc kedhie,

2 Lëk 1:4

(Athänduŋ de mät, aa nu ë Jeruthalem, në paany wään cï melik Debid looi, ɣɔn bïï en athänduk në Kiriath Jiriim).

2 Lëk 5:2

Go Tholomon bäny ke dhiëën ke Yithriɛl cɔɔl kedhie, ku bäny ke ɣööt thook bïk lɔ tëde yen ë Jeruthalem, agokï Athänduŋ de män ë Bɛ̈nydït lɔ bɛ̈ɛ̈i pänydït de Debid yen aye Dhiɔn.

Bɛ̈n 40:20

Ku jɔ kur cï gɔ̈ɔ̈r kɔ̈ɔ̈th kaarou tääu në athänduŋ de mätic. Ku rïïu akum në athänduk nɔm.

Lebai 9:5

Ago kɔc bɛ̈n kedhie në Paany de mät thok, ku bïïkï ka cï Mothe keek yɔ̈ɔ̈k an bïk keek bɛ̈ɛ̈i, ago akutnɔm ëbɛ̈n kɔ̈ɔ̈c në Bɛ̈nydït nɔm.