1 Lëk 15:28 - JAM DE NHIALIC 2011

²⁸ Go kɔc ke Yithriɛl kedhie lɔ në Athänduŋ de män ë Bɛ̈nydït Jeruthalem, ke ke loi awuɔɔu ë miɛt de piɔ̈u, ku kothkï kɛŋ, ku tuŋ, ku aruöör, ku gutkï thoom.

1 Lëk 15:28 ပူးပေါင်းရင်းမြစ်များ

2 Tham 6:15

Go Debid kekë baai de Yithriɛl ëbɛ̈n athänduŋ de mät lɛɛr Jeruthalem, ke ke loi awuɔɔu de miɛtëpiɔ̈u ku yek kɛŋ kooth.

2 Tham 6:5

Ku Debid ku baai de Yithriɛl ëbɛ̈n aake cɔ̈ŋ ke ke ket diɛt piɔɔny kek Bɛ̈nydït në riɛlden ëbɛ̈n. Aake gut thom, ku aruöör, ku kothkï kɛŋ, löör, ku yek löth gut.

1 Lëk 13:8

ku jɔ Debid ke kɔc kedhie cɔ̈ŋ ë riɛlden ëbɛ̈n ke ke dhuëŋ Nhialic guöp. Gokï ket ku thuëëckï, ke ke gut thoom, ku lɔ̈r, ku kɛŋ.

1 Lëk 15:16

Go Debid bäny ke Lebai yɔ̈ɔ̈k bïk kɔc ke Lebai kuany, kɔc bï diɛt läk ket ë thoom, ku lɔ̈r.

1 Lëk 15:24

Ku Cebania, ku Jocapat, ku Nethaniɛl, ku Amathai, ku Dhekaria, ku Benaya, ku Eliedher, bɛ̈ny de kake Nhialic, ee yen bï kaaŋ aa kooth në athänduŋ de män ë Nhialic nɔm. Ku Obed Edom, ku Jeɣia keek aya abïk aa kɔc ee tïït në kal de Athänduŋ de mät thok.

1 Lëk 15:27

Debid aa ceŋ alulut cï cuëëc në linɔn, ku yen ee tän de kɔc ee ket, ku Kenania bɛ̈nyden, ku kɔc ke Lebai ɣɛ̈ɛ̈c Athänduk. Ku Debid aa ceŋ ajïpɔ de lupɔ piɛth lɔ mot aya.

1 Lëk 15:29

Na wën ja Athänduŋ de mät bɛ̈ɛ̈i ë pänydït de Debid yic, go Mical nyan de Thaulo luïït ë awëërnyin, ago Debid tïŋ ke cɔ̈ŋ, ke ye kɛɛc nhial ë miɛt ë piɔ̈u, go dɔl guöp ë yepiɔ̈u.

1 Lëk 25:1

Go melik Debid ku bäny ke Lebai, gokï Lebaikë kuany, bïk läm aa wat yï Athap, ku Ɣeman, ku Jeduthun. Abïk jam de Nhialic aa wɛ̈ɛ̈t, ke ke kuany diɛt cök në thom ku aruöör. Kakë ayek rin ke kɔc cï kuany bïk läm aa wat, cït man ye kuut luɔide looi.

Neɣe 12:27

Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Diɛt 47:6

Kɛ̈tkï diɛt ke piɔ̈ny Nhialic, kɛ̈të diɛt ke piɔ̈ny melikda!

Diɛt 68:25

Kɔc ee kët anukï tueŋ, ku kɔc gut thom anukï ciëën, ku diäär kor anukï ë ciɛɛlic ke ke koth aruöör.