1 Lëk 15:16 - JAM DE NHIALIC 2011

¹⁶ Go Debid bäny ke Lebai yɔ̈ɔ̈k bïk kɔc ke Lebai kuany, kɔc bï diɛt läk ket ë thoom, ku lɔ̈r.

1 Lëk 15:16 ပူးပေါင်းရင်းမြစ်များ

1 Lëk 13:8

ku jɔ Debid ke kɔc kedhie cɔ̈ŋ ë riɛlden ëbɛ̈n ke ke dhuëŋ Nhialic guöp. Gokï ket ku thuëëckï, ke ke gut thoom, ku lɔ̈r, ku kɛŋ.

1 Lëk 15:12

Ku lëk kɔc ke Lebai an, “Wek ee bäny ke dhiën de Lebai. Wakï röt në kɔckuön ke Lebai, ke we bï Athänduŋ de män de Bɛ̈nydït, Nhialic de Yithriɛl lɔ bɛ̈ɛ̈i të cä guiir bïï ë yen tääu thïn.

1 Lëk 16:42

Ɣeman ku Jeduthun aake ye bäny ee kɛŋ ku thoom muk, ku lɔ ka kɔ̈k ke kët, ka ye diɛt ke piɔ̈ny kiit. Ku kɔc ke dhiën de Jeduthun acï ke tɔ ee kɔc ee kal tiit thok.

1 Lëk 16:5

Go Athap kuany ke ee bɛ̈ny ku lɔ Dhekaria ë yecök. Ku Jeyel, ku Cemiramoth, ku Jeɣel, ku Matithia, ku Eliap, ku Benaya, ku Obed Edom, ku Jeyel yen ee raan ee thom gut ku aruöör, ku koth Athap tuŋ.

1 Lëk 23:5

Ku aguum kaŋuan ë kɔc ee tïït, ku aguum kaŋuan ë kɔc ke diɛt bïk Bɛ̈nydït aa leec në thom.

1 Lëk 6:16

Lebi ade wɛ̈ɛ̈t kadiäk, Gercon, Koɣath ku Merari.

2 Lëk 20:19

Go kɔc ke Lebai de dhiën de Koɣath ku Kɔra lɔ kɔ̈ɔ̈c nhial ku jɔkï ket ë röldït, ke ke leec Bɛ̈nydït, Nhialic de Yithriɛl.

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

2 Lëk 5:12

Kɔc ke Lebai ee ket kedhie, Athap, Ɣeman, ku Jeduthun, ku wɛ̈ɛ̈tken ku kɔcken, aceŋkï lupɔɔ piɛth lɔ mot. Go Lebai ku bäny ke kake Nhialic bot kaarou ku thiërrou kɔ̈ɔ̈c ë biäk të lɔ aköl amiäk de yïk, ke ke gut lɔ̈r, ku thom, ku kothkï aruöör ku kɛŋ ke ke ket.

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

2 Lëk 7:6

Go bäny ke kake Nhialic kɔ̈ɔ̈c tëdɛn cï nyuöth keek, ku jɔ kɔc ke Lebai kenïïm wɛ̈l keek, ke ke lec Bɛ̈nydït nɔm në kake kiët ka wään bï melik Debid ke bɛ̈ɛ̈i ku ket diɛt an, “Nhiëërdɛn agɔk atɔ̈u athɛɛr!” Go bäny ke kake Nhialic kɛŋ kooth ke ke rek röt piny në Lebai, go kɔc ke Yithriɛl kɔ̈ɔ̈c kedhie.

Neɣe 12:27

Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Neɣe 12:36

Ku kuany cök ë kɔc kɔ̈k ke dhiënden yï: Cemaya, ku Adharel, ku Milalai, ku Gilalai, ku Maai, ku Nethaniɛl, ku Juda, ku Ɣanani, ku lɔ kɔc kedhie ë cath ë thoom gutkï cït ka ɣɔn ee Melik Debid gut, raan de Nhialic. Ku wat keek në Edhera raan ee löŋ wɛ̈ɛ̈t.

Neɣe 12:43

Në ee köölë miɔ̈c juëc acï ke bɛ̈n gam, ku kɔc acïk piɔ̈ɔ̈th bɛ̈n miɛt aläl në biäk cïï Nhialic keek tɔ mit piɔ̈ɔ̈th. Diäär ku mïth aake cï röt mat thïn në dhuëëŋic ku awuɔɔuden aaye piŋ të mec ku të dïït lääuwic.

Neɣe 12:46

Në thaar ɣɔn tɔ̈u ë Debid kekë Athap, kɔc ke diɛt aake ye lɔ̈ŋ wat në diɛt ke thieithieei leec kek Nhialic kiit.

Diɛt 100:1

Kɛ̈tkï Bɛ̈nydït diɛt, wek pinynɔm ëbɛ̈n!

Diɛt 149:3

Lɛckï rinke në cɔ̈ŋ, guötkï lɔ̈r, ku thom lɛɛc wek En.

Diɛt 150:5

Lɛckï ke we koth aruöör. Lɛckï ke we koth aruöör ë röldït.

Diɛt 81:1

Yak Nhialic Raan ee wook gël kiët diɛt në miɛtëpiɔ̈u, yak diɛt ke piɔ̈ny kiët Nhialic de Jakop!

Diɛt 81:3

Kuɔthkï kaaŋ në biäk de dhuëëŋ, të wil ë pɛɛi ku të kɛ̈ɛ̈c ë pɛɛi cil.

Diɛt 87:7

Abïk aa cɔ̈ŋ ku kitkï an, “Dhiɔn ee tën ë gɔl athiɛɛida rɔt thïn ëbɛ̈n.”

Diɛt 95:1

Bäkkï, piɔnyku Bɛ̈nydït! Këtku diɛt ke miɛtëpiɔ̈u Nhialic, raan ee wo kony!

Bɛ̈n 15:20

Go tiët Mariam, nyankënë Aron lɔ̈ɔ̈rdɛn de kɔ̈u joth nööm, ku nöm diäär lɔ̈rkɛn de kɔ̈ɔ̈th joth kedhie, ku kuanykï Mariam cök ke ke cɔ̈ŋ.

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Amoth 6:5

Wek nhiaar diɛt ke thoom cït man ë Debid, thoom ya wek diɛt ɣäär yiic gut.

Luɔi 14:23

Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

2Tim 2:2

Ku ka cï piŋ tëde yɛn ë cäätɔɔ juëc nïïm, jɔ ke yiɛ̈n kɔc adööt, kɔc bï kɔc kɔ̈k lëu në wëët aya.

Tito 1:5

En aa nyääŋ ɛn yïn piny ë Kerete wään, luɔi bï yïn käŋ kiɛm piny ka ŋoot ke ke de të dak, ku jɔ röördït ke ɣön ë Nhialic dɔm kɔc bï tɔ̈u ë kɔc nïïm ë pɛ̈ɛ̈nydït yiic ëbɛ̈n, acït man cän e kɔn lɛ̈k yïn.