1 Lëk 14:15 - JAM DE NHIALIC 2011

¹⁵ Na lɔ awuööu de cök piŋ ke cath ë tiim ke baltham nïïm, ke jɔ keek mak, yɛn bï cath ë yïnɔm tueŋ ke ya bï rem de tɔŋ de Pilithiin lɔ tiaam.”

1 Lëk 14:15 ပူးပေါင်းရင်းမြစ်များ

2 Tham 5:23

Na wën ke Debid ë be Bɛ̈nydït luɔp, go ë Bɛ̈nydït bɛ̈ɛ̈r an, “Du Pilithiin mɛk në biäk tueŋ, lɔɔ tɛ̈ɛ̈k në kekɔ̈ɔ̈th ciëën, ku jɔ keek lɔ mak në baŋ tui tëde tiim ke baltham.

2 Mel 19:7

Bɛ̈nydït abï melik de Athiriya tɔ piŋ thoŋ lɔ riäuriäu bï yen tɔ puk enɔm wunden, ku abïï Bɛ̈nydït tɔ lɔ näk ëtɛ̈ɛ̈n.”

2 Mel 7:6

Bɛ̈nydït ë kɔc ke Thiriya tɔ piŋ awuɔɔu de abëël ku jöŋgöör ke rem de tɔŋdït, go kɔc ke Thiriya cät an, cï melik de Yithriɛl meliik ke Ɣit ku Rip riɔp bïk ke bɛ̈n mak.

1 Lëk 14:14

Go Debid Nhialic nyɔk ë thiëc, go lɛ̈k en an, “Du keek be mak eetënë, yïn bï lɔ tëëkë kekɔ̈ɔ̈th ë biäk tui, të thiääk ke tiim ke baltham.

1 Lëk 14:16

Go Debid kë cïï Nhialic lɛ̈k en looi, go rem de Pilithiin pɔ̈k nɔm ciëën ëtɛ̈ɛ̈n, gɔl ë Gibiɔn abï ke ɣɛɛt ë kueer de Gedheric.

Yith 13:4

Piɛŋkï awuɔɔu në kur nïïm, ee röl de kɔc juëc aläl, ee röl ë juöör ku ciɛɛŋ ke piny nɔm mɛ̈ɛ̈t kenïïm. Bɛ̈nydït de rɛm de tɔŋ akïït remdɛn ë tɔŋ ke bï lɔ thɔ̈ɔ̈r.

Lebai 26:36

“Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Luɔi 2:2

Ago awuööu dap bɛ̈n ëthiäu paannhial, acït awuööu de yom dïït put, ku thiëëŋ ɣöt ëbɛ̈n ɣön rëër kek thïn.

Nyöŋ 20:4

Bɛ̈nydït Nhialicdun alɔ ke week, ku abï week tɔ tiëm.’

Bäny 4:14

Go Debora lëk Barak an, “Lɔɔr, Bɛ̈nydït awat yïn, ee köölë acï yïn tɔ tiam Thithera. Go Barak jɔ lɔ piny në kuur de Tabor kekë aguum kathiëër ke remdɛn de tɔŋ.

Bäny 7:15

Na wën, acï Gidiɔn nyuöth de raan piŋ ku kë lueel nyuöth, go yemiɔl tuk ku lɛm Nhialic, ku puk rɔt kɔc ke Yithriɛl tɔ̈u wutic ku lëk keek an, “Jatkï röt Nhialic acï rem de Midian tääu në wecin bäk ke tiaam!”

Bäny 7:9

Na ɣɔn ë wɛ̈ɛ̈ric wakɔ̈u, ke Bɛ̈nydït yöök Gidiɔn, an, “Jɔt rɔt lɔ mak ë ke, acä ke tääu ë yïcin bä ke tiaam.