1 Lëk 12:40 - JAM DE NHIALIC 2011

⁴⁰ Go kɔc bɛ̈n ë ɣään mec ke Dhiën nu të lɔ rut de yï Yithakar, ku Dhebulun, ku Naptali. Kɔc acïk bɛ̈n ë mul, ku thɔ̈rɔ̈ɔ̈l, ku miöör cï thiɔ̈ɔ̈ŋ kɔ̈ɔ̈th ë kacaam, ku aɣaar, ku ŋaap, ku rap, ku mäu ku miök de olip. Acïk ɣɔ̈k ku thök bïk bɛ̈n nɔ̈k ku cuetkï keek bɛ̈ɛ̈i. Kënë aaye nyuöth de miɛt de piɔ̈u cï rɔt looi ë baai yic ëbɛ̈n.

1 Lëk 12:40 ပူးပေါင်းရင်းမြစ်များ

2 Tham 16:1

Na wën aacï Debid kuur de Olip duɛ̈ɛ̈r waan nɔm, go yök kekë Dhiba lïm de Mepiboceth, ku Dhiba aa cath ke mul juëc ɣɛ̈ɛ̈c bot kaarou de kuïn cï pam, ku bɔt de enap cï riɛl, ku bɔt de mïth ke tiim amäi ë piac luɔk, ku athep thiäŋ ke mɔ̈u.

1 Mel 1:40

Na wën ke kuanykï cök ëbɛ̈n ke ke puk kenïïm, ku yek kiɛɛu de miɛtëpiɔ̈u moc, ku kaaŋ de aruöör, ke ke loi awuɔɔudït lɛth piny.

2 Mel 11:20

Raan ëbɛ̈n wutic aa mit piɔ̈u, ku jɔ wutic lɔ lik ɣɔn cïï Athalia nɔ̈k në abätäu baai de melik.

1 Lëk 12:39

Gokï nïn kadiäk thöl ëtɛ̈ɛ̈n ë Debid ke ke loi dhuëëŋ ë kacaam ku mäu, ka cïï kɔc ke Yithriɛl kɔ̈kkë luöi keek.

1 Lëk 13:1

Na ɣɔn ke melik Debid ë jam ke bäny ke rem de agum ku bäny ke rem de bɔt.

1 Lëk 29:22

Ee köölë acïk piɔ̈ɔ̈th bɛ̈n miɛt, të wën jɔ kek cuet ku dëkkï në Bɛ̈nydït nɔm. Ago Tholomon bɛ caal ke ee melik në këde rou. Në rin ke Bɛ̈nydït acïk tɔc ke ye bɛ̈nyden ku Dhadok ke ye bɛ̈ny de kake Nhialic.

Kɛ̈ŋ 11:10

Wut ee yic dɛ miɛt ë piɔ̈u të cïï kɔc piɛthpiɔ̈ɔ̈th dɛ kajuëc, ku të cïï kɔc ee karɛc looi thou kiɛɛu de miɛtëpiɔ̈u aye moc.

Kɛ̈ŋ 29:2

Bɛ̈ny piɛth piɔ̈u ee ya miɛtëpiɔ̈u, ku bɛ̈ny rac ee kɔc tɔ ŋun në keyäc.

Ɣodh 3:1

Go ë Bɛ̈nydït lɛ̈k ɛn an, “Ɣodhiya, be tiiŋdu nhiaar na cakaa nɔn yen röör kɔɔrë. Nhiaar cït man nhiɛɛr ë Bɛ̈nydït Yithriɛl, na cakaa nɔn cï kek A puɔ̈l ku gamkï yiëth, ku nhiaarkï cäm de këcam de mïth ke enap cï riɛl ye kek Baal lam.

1 Tham 25:18

Ago Abigail rɔt dap jɔt, ku looi kuïn dït agök, ku töny ke mäu kaarou, ku amɛ̈l cï nyop kadhïc, ku apeet kaarou de rɛɛp cï guöör, ku kuïïn de anyuɔl, ku mɔ̈n de enap cï dhiim, ku tɛ̈ɛ̈u keek ë mul kɔ̈ɔ̈th.