1 Lëk 12:18 - JAM DE NHIALIC 2011

¹⁸ Go Wëidït ke Nhialic bɛ̈n në raan töŋden guöp, go Amathai ɣɔn cï bɛ̈n aa bɛ̈ny de thiërdiäk lueel an, “Debid wën de Jethe, wok ee kɔcku! Yïn bï tiam wekë kɔc kony yïn! Nhialic atɔ̈u ë biäkdu.” Go Debid ke cɔɔl, ku tɔ keek ee bäny ke remdɛn de tɔŋ.

1 Lëk 12:18 ပူးပေါင်းရင်းမြစ်များ

2 Tham 15:21

Go Yitai lɛ̈k melik an, “Bɛ̈ny, yɛn cï kuëëŋ në rin ke Bɛ̈nydït an yɛn bï lɔ wokë yïn, të le yen thïn ëbɛ̈n, acakaa yɛn ë thou.”

2 Tham 17:25

(Ku Abthalom acï Amatha tääu në rem ë tɔŋ nɔm në nyin ë Jowap yic. Ku Amatha aaye wën ë Jether raan dhiën de Yicmiɛl, ku man Amatha acɔl Abigail nyan de Naɣac ku ye nyan ë nyankënë Dheruia man Jowap.)

2 Tham 19:13

Ku acï ë Debid ke yɔ̈ɔ̈k bïk lɛ̈k Amatha an, “Yïn raan we yɛn. Ee köölë yïn bä tɔ ye bɛ̈ny de rem ë tɔŋdï në nyin de Jowap yic. Yɛn cï kuëëŋ ë Nhialic, na cä lɔ looi abï ya luöi këtuc!”

2 Tham 5:2

Ayï ɣɔn ye Thaulo melik, ee yïn ë wɛt kɔc ke Yithriɛl tɔŋ. Ku acïï Bɛ̈nydït lɛ̈k yïn nɔn bï yïn aa tïn ë kɔc ke Yithriɛl ku yïn bï aa bɛ̈nyden.”

1 Mel 9:22

Tholomon akën kɔc ke Yithriɛl tɔ ee lïïm, aake ye rem de tɔŋ, ku yek bäny ke rem de tɔŋ, ku yek bäny ke akuut ke rem de tɔŋ, ku bäny ke rem de tɔŋ ee cath ë jöŋgöör kɔ̈ɔ̈th, ku rem de tɔŋ ee jöŋgöör kuaath.

2 Mel 10:15

Go Jeɣu bɛ jäl ëtɛ̈ɛ̈n, go rɔ̈m kekë Jonadap wën ë Rekap kueer, ke bï ye bɛ̈n loor nɔm, go Jeɣu ye thiëëc ku lueel an, “Yïn wekë yɛn täŋda akït? Kë nu në yapiɔ̈u, ee yen nu ë yïpiɔ̈u?’ Go Jonadap bɛ̈ɛ̈r an, “Ee yen.” Go Jeɣu lueel an, “Na ee yeka ke yï bïï yïciin.” Go Jonadap yeciin gam Jeɣu, go Jeɣu ye dɔm ciin, ku miit nhial në abël de tɔŋde yic,

2 Mel 10:5

Go bɛ̈ny de rem tɔ̈u në ɣön ë melik nɔm, ku bäny mac baai, ku kɔc ke wut, ku kɔc ee mïth ke melik tiit, acïk awerekë bɛ̈n tuöc Jeɣu, luelkï an: “Wok ee lïïmku, ku wok gam këriëëc bä lɛ̈k wook ëbɛ̈n, ku acïn raan buk looi ke ye melik, loi kë ye tiŋ ke piɛth ë yïnyin.”

2 Mel 9:32

Go Jeɣu yenyin jat nhial të lɔ awëërnyin, ku lueel an, “Ee eeŋa tɔ̈u në biäkdï? Eeŋa?” Go rooc kaarou ku nɔn ee diäk ye tïŋ awëërnyin ke nu piny.

1 Lëk 11:11

Raan tueŋ ee Jacobiim de dhiën de Ɣakimon, bɛ̈ny de diäk. Acï piɔ̈t ke bɔt kadiäk (300) ë kɔc ke muk tɔŋ, ku nɛ̈k keek kedhie ë tɔŋ tökic.

1 Lëk 12:17

Go Debid yök ke keek, ku lëk keek an, “Të bä wek ke we ye määthkï, bäk ya bɛ̈n kony ke we bäkï mätkï röt wook! Ku na bäkï, bäk a bɛ̈n nyiɛɛn tëde kɔc ke aterdï, cakaa nɔn cïn en kërɛɛc cä luöi week, ke Nhialic de kuarkuɔ, abï kë luɔikï ŋic ku abï week luöi këtuc.”

1 Lëk 2:17

Ku Abigail acï bɛ̈n thiaak ë Jether raan de kuat de Yicmiɛl, gokï wëndɛn tök dhiëëth ku ciëkkï an Amatha.

Yith 59:17

Yen abï piathëpiɔ̈u cieŋ cï lupɔ de yɔu, ku cieŋ akup de kunydewëi në yenɔm. Abï rɔt kuöm piny në luɔi bï yen käŋ cök piny, ku lui kɔc këtuc, ku guur guöm wään cïï kɔc kɔn kum.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Math 12:30

Raan reec mät ke yɛn, ka de ater ke yɛn, ku raan reec kuëny kekë yɛn ëtök, ka thiëi käŋ wei.

Galatai 6:16

Ku kɔc kedhie, kɔc ee mat ë cöökë, ë mät ë ye tɔ̈u ke keek ayï kokdepiɔ̈u, ku ë ke tɔ̈u në Yithriɛl de Nhialic!

Bäny 13:25

Ku jɔ Wëi ke Bɛ̈nydït meth tɔ ril në akööl ɣɔn rëër en ë kaam de Dhora ku Ecetawol wun ë Dan.

Bäny 3:10

Othaniɛl aaye bɛ̈ny ë lööŋ guiir ë Yithriɛl, na wën ke Wëi ke Bɛ̈nydït ë ke bɔ̈ ë yeguöp, go Othaniɛl lɔ tɔŋ, ago Bɛ̈nydït yen tɔ tiam Kucan Ricathiam melik de Methopotamia.

Bäny 6:34

Na wën ke Wëi ke Bɛ̈nydït ë ke bɔ̈ ë Gidiɔn guöp, go kaaŋ kooth, ku cɔɔl dhiën de Abiedher bïk ye kuany cök.

Ruuth 1:16

Go Ruuth lɛ̈k Nawomi an, “Du ɛn ŋɛ̈k puŋ ë nɔm ë në, yɛn lɔ wo yïn alɔ të leer yïn thïn. Të bï yïn aa rëër, yen abän lɔ rëër. Kɔcku kek abï ya kɔckï, ku Nhialicdu yen abï ya Nhialicdï.

1 Tham 16:4

Ago Thamwɛl kë cïï Bɛ̈nydït lɛ̈k en looi, go jäl ke lɔ Bethleɣem. Na wën aa tïŋ ë röördït ke wut, ke ke lɛth ë riɔ̈ɔ̈c keek. Gokï loor nɔm lek luɔp, an, “Ee këpiɛth yen ciɛɛth yïn bɛ̈ny?”

1 Tham 16:5

Go bɛ̈ɛ̈r an, “Ɣɛɛ, ee këpiɛth. Yɛn aa bɔ̈ bä Bɛ̈nydït bɛ̈n miɔɔc. Ka week, waakkï, ku bäk lokku ëtök.” Ku yöök Jethe an, wɛɛk kekë wɛ̈ɛ̈tke ëtök, ke ke bï lɔ në yen ayadäŋ.

1 Tham 22:7

ago Thaulo lɛ̈k bänyke an, “Piɛŋkï kënë wek kɔc ke Benjamin, bï Debid wën ë Jethe we gäm duum ayï tiim ke enap wedhie, ku bïï week tɔ ye bänydït ke remdɛn ë tɔŋ wedhie?

1 Tham 24:12

Bɛ̈nydït abï raan de guöp awäc tïŋ në kaamda wokë yïn! Ku Bɛ̈nydït abï kërɛɛcduön ye luöi ɛn cool nɔm, ku yɛn guöpdï, yɛn cïï yaciin bï tääu në yïguöp.

1 Tham 24:13

Cït man cï kääŋ ɣɔn thɛɛr ye lueel an, ‘Kɔc rac piɔ̈ɔ̈th, ee kek ee karɛc looi.’ Ka yɛn cïï yaciin bï tääu në yïguöp.

1 Tham 24:16

Na wën aacï Debid kakë thöl në luɛɛl, go Thaulo dhiau ë röl dït, ku lop an, “Kënë ee röldu! Debid wëndï?”

1 Tham 8:12

ku kɔc kɔ̈k abï keek tɔ lui ke ke ye bäny ke kɔc juëc, ku kɔ̈k abïk aa bäny ke kɔc lik, ku kɔ̈k abïk domde aa puur ku temkï domde, ku kɔ̈k abïk ŋoot ke ke loi tɔɔŋke ku cök ke abëëlkɛn ke tɔŋ.