1 Lëk 11:9 - JAM DE NHIALIC 2011

⁹ Go Debid jɔ lɔ ke ril, në biäk tɔ̈u ë Bɛ̈nydït de rɛm ke yen.

1 Lëk 11:9 ပူးပေါင်းရင်းမြစ်များ

2 Tham 3:1

Ku tɔɔŋ dït acïk röt bɛ̈n looi në kaam de kɔc kony dhiën ë Thaulo ku kɔc kony Debid. Ku wään jɔ Debid lɔ ke ŋuak riɛlde nyin, yen aa le ë dhiën de Thaulo lɔ ke jɔ kɔ̈c aläl.

2 Tham 5:10

Go riɛlde lɔ ke ŋuak yenyin, në biäk tɔ̈u ë Bɛ̈nydït Nhialic Awärjäŋ kekë yen.

1 Lëk 11:8

Go Debid pänydït nyɔk ë yïk, gɔl të ɣɔn cï yïk ë biäk të lɔ aköl amiäk de kur, ku jɔ Jowap biäk de pänydït looi.

1 Lëk 9:20

Pineɣath wën de Eleyadhar, yen aaye bɛ̈ny de kɔc tit kal thok, ku Bɛ̈nydït aa tɔ̈u kekë yen.

Ethta 9:4

në biäk ye Modekayo raan dït ɣöndïït ë Melik, ku luɔi yen raan ril, ë tïc ë wuötiic kedhie, ku riɛlde alɔ ke ŋuak rɔt.

Jop 17:9

Ku abïk ŋoot ke ke rɛ̈ɛ̈r në piathëpiɔ̈ndenic, ku abïk lɔ ke ke ŋuak riɛlden nyin.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?