1 Lëk 11:22 - JAM DE NHIALIC 2011

²² Benaya wën de Jeɣoyada, raan wun ë Kabedhiil aaye raan cï wɛ̈ɛ̈t ë tɔŋ aläl, acï kake riɛl juëc looi, acï kɔc ril ke tɔŋ de kɔc ke Mowap nɔ̈k, go lɔ ɣön ë köör në kööl tueny ë deŋ kɔi ku teem köör röl.

1 Lëk 11:22 ပူးပေါင်းရင်းမြစ်များ

2 Tham 1:23

“Wok nhiaar Thaulo kekë Jɔnathan, ɣɔn pïïr kek, ku në thonden yic, aŋickï riŋ cï cuɔɔr, ku arilkï cï köör.

2 Tham 20:23

Jowap yen aye bɛ̈ny ë rem de tɔŋ de Yithriɛl ëbɛ̈n. Ku Benaya wën ë Jeɣoyada yen aye bɛ̈ny de Kereth ku Peleth rem de tɔŋ ee melik tiit.

2 Tham 8:18

Benaya wën de Jeɣoyada yen atɔ̈u në Kereth ku Peleth nïïm rem de tɔŋ ë kɔc ee melik tiit, ku wɛ̈ɛ̈t ke Debid aake ye bäny ke kake Nhialic.

1 Mel 1:38

Na wën ke Dhadok ku tiët Nathan ku Benaya wën de Jeɣoyada, ku Kereth ku Peleth rem de tɔŋ ë kɔc ee melik tiit, gokï Tholomon tääu në mul ë melik Debid kɔ̈u, ku leerkï në nyin ë Giɣonic

1 Mel 1:8

Ku Dhadok bɛ̈ny de kake Nhialic, ku Benaya wën ë Jeɣoyada, ku Nathan tiët ë Nhialic, ku Cimei, ku Rei, ku jɔ aa röördït ee Debid tiit aake kën mat në Adonija.

1 Mel 2:30

Go Benaya lɔ ë paany de Bɛ̈nydït yic ku yöök Jowap an, “Acïï melik lueel an, bä bei!” Go Jowap bɛ̈ɛ̈r an, “Ei, yɛn bï thou eenë.” Go Benaya rɔt pɔ̈k melik ku lëk kë cïï Jowap lueel.

1 Lëk 11:21

Ee yen cï leec aläl në ke yiic kathiërdiäk. Ago bɛ̈n aa bɛ̈nyden, ku aa kënë leec aläl cït man de “Diäk.”

1 Lëk 12:8

Rin ke rem de tɔŋ de dhiën de Gad cï ŋiëc wɛ̈ɛ̈t, kɔc ɣɔn cï röt mät rem de tɔŋ ë Debid, ɣɔn nu en ë jɔ̈ɔ̈ric, ee kɔc cï wɛ̈ɛ̈t ë muŋ de kööt ku tɔɔŋ, acïtkï nyïïn kɔ̈ɔ̈r, ku aŋickï riŋ cï ŋeer ë kuriic.

Jocua 15:21

Pɛ̈ɛ̈nydïtkɛn nu në piny thok ya, të lɔ wöuwic në aken Edom lɔ̈ɔ̈m ee Kabedhiil kekë Eder, ku Jagur,