1 Lëk 10:7 - JAM DE NHIALIC 2011

⁷ Na wën, aa lɔ kɔc ke Yithriɛl ɣɔn rɛ̈ɛ̈r në jɔ̈ɔ̈r de Jedhreel ye piŋ, nɔn cï rem de tɔŋ kat, ku cï Thaulo kekë wɛ̈ɛ̈tke thou, gokï wuötken nyääŋ piny ku kɔtkï, go kɔc ke Pilithiin lɔ̈ɔ̈k bɛ̈n ku ɣapkï keek.

1 Lëk 10:7 ပူးပေါင်းရင်းမြစ်များ

1 Lëk 10:6

Go Thaulo kekë wɛ̈ɛ̈tke kadiäk thou ëtök, ku acïn raan töŋ de kuatde cï bääny bɛ̈n muk.

1 Lëk 10:8

Na ɣɔn në kööl däŋ ë tɔŋ cök, go kɔc ke Pilithiin bɛ̈n ku yakkï gup ke kɔc cï thou, gokï gup ke Thaulo kekë wɛ̈ɛ̈tke yök ke ke dal në kuur ë Gilbowa nɔm.

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 26:36

“Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Nyöŋ 28:33

Jur lei abï rɛɛpkun jɔt ëbɛ̈n, rɛɛp cäk keek puur në luɔi ril ke ke bï luɔk, acïn kë bäk yök thïn, ee yaaŋ cuth rɔt kekë luɔi rac.

Nyöŋ 28:43

“Kɔc lei rɛ̈ɛ̈r pinydun, abïk aa lɔ ke ke ril, ku riɛldun abï aa lɔ ke thök ë määth.

Bäny 6:2

Në luɔi ë ril kɔc ke Midian awär Yithriɛl, go kɔc ke Yithriɛl lɔ thiaan në kɔ̈k ke kur yiic ku ɣään kɔ̈k piɛth ë kuriic.

1 Tham 13:6

Na wën ke ke mɛk kɔc ke Yithriɛl, agokï keek tɔ mum nïïm. Go kɔc kɔ̈k ke Yithriɛl lɔ thiaan ë kur thäär, ku pɔ̈l yiic, ku yïth yiic,

1 Tham 31:7

Na ɣɔn aa lɔ kɔc ke Yithriɛl tɔ̈u ë Wak de Jedhreel nɔm lɔɔk ye piŋ nɔn cïï rem de tɔŋ ë Yithriɛl kat ku Thaulo kekë wɛ̈ɛ̈tke acï ke nɔ̈k, acïk wuötken bɛ̈n nyääŋ piny ku kɔtkï. Go kɔc ke Pilithiin bɛ̈n ku ɣapkï wuöt.