1 Lëk 10:4 - JAM DE NHIALIC 2011

⁴ Go dhuŋ ee kakɛn ë tɔŋ muk yɔ̈ɔ̈k an, “Bɛ̈ɛ̈iyë abätäudu bei, ku näk ɛn, ke ya cïï Pilithiin bï nɔ̈k ke ke leeŋ ɛn. Go dhuŋ ee kakɛn ë tɔŋ riɔ̈ɔ̈c bï nɔ̈k. Go Thaulo abätäude nööm ku deeny rɔt ë yethok.

1 Lëk 10:4 ပူးပေါင်းရင်းမြစ်များ

2 Tham 1:20

Duökï cɛɛl ë Gath, ku du tɔ cɛɛlë në kuɛɛr ke Acekelon yiic. Duökï diäär ke Pilithiin tɔ mit piɔ̈ɔ̈th, ku duökï duet ke kɔc kuc Nhialic tɔ dɔl.

2 Tham 1:6

Go raan pɔ̈k nɔm en an, “Yɛn aa nu ë kuur ë Gilbowa nɔm, aguɔ Thaulo tïŋ acï wïïk ke kɛn rɔt ë tɔŋde kɔ̈u. Ku kɔc ke Pilithiin ke abëël ke tɔŋ acïk thiɔ̈k ë Thaulo lɔ̈ɔ̈m.

2 Tham 17:23

Na wën aacï Aɣithopel ye tïŋ nɔn cïï Yithriɛl jamde rɛɛc, go mulde duöt kɔ̈u ku jël lee paanden. Na wën cï kake guiir kedhie, ke jɔ rɔt lɔ nöök. Go thou ku tɔ̈ɔ̈u në raŋ de yïï wun yic.

1 Mel 16:18

Na lɔ Dhimri ye tïŋ nɔn cïï pänydït dɔm, ke lɔ ɣöndït cï gël, ku jɔ ɣöndït ɣaak ku thou në macic.

1 Lëk 10:3

Ku tɔŋ aa dït ë melik Thaulo lɔ̈ɔ̈m, go melik moc ë dhaŋ cï yiëk bɔ̈t dït.

1 Lëk 10:5

Na wën aacï dhuŋ ee kakɛn ë tɔŋ muk e tïŋ nɔn cï Thaulo thou, go rɔt dɛɛny në tɔŋde thok aya ku thou.

Luɔi 1:18

(Ku raanë ë dom ɣɔɔc në ariöp de kërɛɛcde, na wën, ke wiëëk, go yäc rɛɛt ë ciɛɛlic, abï cïïn wët bei kedhie.

Luɔi 16:27

Na wën, ke raan ë alooc tiit pääc, ku tïŋ thook ke alooc aɣɔ̈ɔ̈rkï, go abätäude miëët bei an, nɛ̈k rɔt, alueel an, cï kɔc mac kat.

Bäny 15:18

Ago Thamthon yal aläl, go Bɛ̈nydït lɔ̈ŋ an, “Yïn cï lïmdu tɔ tiëm arëët ku ënɔɔnë yɛn bï thou ë reu, ku kɔc ee yiëth lam bïk a dɔm?”

Bäny 16:21

Go kɔc ke Pilithiin dɔm, ku tukkï nyin bei. Ku leerkï Gadha, ke rɛk në kuɛɛt ke maläŋ, ku yek tɔ guär ɣön ye kɔc mac thïn.

Bäny 9:54

Go dhuŋ ee kakɛn ë tɔŋ muk cɔɔl an, “Bɛ̈ɛ̈iyë abätäudu bei ku näk ɛn, ke cïï bï aa lueel, an, ee tik yen ë näk ɛn.” Go dhuŋ ee könde muk ye rɛɛtic piny ku jɔ thou.

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”

1 Tham 17:26

Go Debid rɔt cuöt kɔc thiääk në yen, ku lop keek an, “Eeŋö bï gäm raan lɔ ee raan ë Pilithiinë nɔ̈k, ku dɛ̈k kɔc ke Yithriɛl yiëth në ayärdïïtë? Ku në yic, eeŋa yen ee Pilithiin kuc Nhialicë, ka duëër rem de tɔŋ de Nhialic pïïr jɔ riääc?”

1 Tham 17:36

Yɛn ë kɔ̈ɔ̈r nɔ̈k ku näk köör ayuääl, ka yɛn bï ee Pilithiin cïn nɔm Nhialicë nɔ̈k ayadäŋ, Pilithiin ee rem de tɔŋ de Nhialic pïïr läät.”

1 Tham 31:4

Go Thaulo dhuŋ muk kakɛn ë tɔŋ yɔ̈ɔ̈k an, “Bɛ̈ɛ̈iyë abätäudu bei ku näk ɛn, ke ya cïï kɔc kuc Nhialic bï bɛ̈n leeŋ ku näkkï yɛn.” Ku dhuŋ ee kakɛn ë tɔŋ muk aacï riɔ̈ɔ̈c arëët në luɔi bïï yen kë cït ee kënë looi.” Go Thaulo abätäude nööm ku cuɛt rɔt në ye thok.