1 Lëk 10:14 - JAM DE NHIALIC 2011

¹⁴ ku cïï jam ke Bɛ̈nydït. Go Bɛ̈nydït nɔ̈k ku gëm bääny de ciɛɛŋ Debid wën de Jethe.

1 Lëk 10:14 ပူးပေါင်းရင်းမြစ်များ

2 Tham 5:3

Go bäny ke Yithriɛl kedhie lɔ tëde Debid në Ɣebron. Ago mät looi ke keek në Ɣebron në yïïŋ de Bɛ̈nydït lɔ̈ɔ̈m. Na wën ke ke jɔ Debid wäl nɔm miök ku tɔkï ee melik de Yithriɛl.

1 Lëk 12:23

Ɣɔn tɔ̈u ë Debid në Ɣebron, remdïït ë tɔŋ cï piɔ̈ɔ̈c acï rɔt bɛ̈n mat ë rem de tɔŋde yic, bïk lɔ kuɔny bïï aa melik ë nyin de melik Thaulo yic, cït jam ɣɔn cïï Bɛ̈nydït lueel. Kɔc ke Juda muk kööt ku tɔɔŋ ayek aguum kadhetem ku bot kabɛ̈t. Kɔc ke Thimion, röör jööt cï ŋiëc wɛ̈ɛ̈t lëu tɔŋ, ayek aguum kadhorou ku bɔt tök Kɔc ke Lebai ayek aguum kaŋuan ku bot kadhetem. Kɔc ke wën melik Jeɣoyada, raan dhiën de Aron ayek aguum kadiäk ku bot kadhorou. Kɔc ke Dhadok, jön thiin cï ŋiëc wɛ̈ɛ̈t lëu tɔŋ, ku wɛ̈ɛ̈t paan de wun, ayek thiërrou ku rou. Kɔc ke Benjamin, kɔc raan në Thaulo ayek aguum kadiäk. Ku kɔc juëc ke Benjamin acïk bɛ̈n döŋ ke ke tɔ̈u ë Thaulo cök. Kɔc ke Eparaim ayek aguum kathiërrou ku bot kabɛ̈t 20,800, ayek jööt cï ŋiëc wɛ̈ɛ̈t lëu tɔŋ, ku ayek kɔc de kɛk ë dhiëndenic. Kɔc ke dhiën biäk de Manatha ayek aguum kathiëër ku bɛ̈t 18,000, kɔc wään cï bɛ̈n bïk Debid bɛ̈n tɔ ye melik. Kɔc ke Yithakar, kɔc ŋic täu de akööl, kɔc ŋic kë duëër ë Yithriɛl aa looi, adekï bot kaarou ke bäny, ku kɔc raan ë keek kedhie atɔ̈ukï në kecök. Kɔc ke Dhebulun ayek aguum kathiërdhïc 50,000, ayek rem de tɔŋ cï ke ŋiëc wɛ̈ɛ̈t, ku adekï kakɛn ë tɔŋ kedhie bï kek Debid luök. Kɔc ke Naptali adekï agum de bäny ke tɔŋ, ku aciɛthkï në aguum kathiërdiäk ku dhorou 37,000 de rem de tɔŋ muk kööt ku tɔɔŋ. Kɔc ke Dan ayek aguum kathiërrou ku bɛ̈t, ku bot kadhetem 26,600 de rem ë tɔŋ cï guiir në biäk ë tɔŋ. Kɔc ke Acer ayek aguum kathiërŋuan 40,000 de rem ë tɔŋ cï guiir në biäk ë tɔŋ. Kɔc ke Ruben, ku Gad, ku biäk de Manatha nu ë Jordan kɔ̈u të lɔ aköl amiäk, ayek agum bɔt ku thiërrou 120,000 de rem ë tɔŋ cï guiir në wëu ke tɔŋ kedhie.

1 Lëk 17:13

Yɛn bï aa wun, ku yen abï aa wëndï, ku Yɛn cï nhiëërdiën agɔk bï nyaai tëde yen, cït man ɣɔn cän ye kɔn nyaai tëde Thaulo, raan wään bä nyaai ago aa melik.

1 Lëk 2:12

Obed, ku Jethe.

2 Lëk 16:12

Na ɣɔn aacï run aa thiërdiäk ku dhoŋuan ë bääny yic ke ye melik, go ë buɔ̈t dït dɔm cök abï yen tɔ ŋɔl, ku akën rɔt bɛ̈n pɔ̈k Bɛ̈nydït bï ye kony, aaye lɔ tëde akim.

Kɛ̈ŋ 17:13

Na ye raan ee këpiɛth puk nɔm në kërac, ke kërac acïï duëër kɔn jäl paandu.

Yith 10:15

Ku aye Bɛ̈nydït lueel an, “Duëër yiëp yenɔm lɛc an dïït në raan ee yep ë yen? Ku duëër yiëp dɛ naamde në raan ee luui në yen? Thieec acïï raan ee jat nhial, ee raan yen ee thieec jat nhial.”

Yith 10:7

Ku melik de Athiriya ade nɔm akuöörkuöör cï cät ë yepiɔ̈u. Acï lueel nɔn bï yen juöör juëc riɔ̈ɔ̈k.

Jocua 9:14

Ago kɔc ke Yithriɛl nöm në kacaamkeniic ku cïkkï Bɛ̈nydït be luɔp në biäkden.

1 Tham 13:14

Ku ënɔɔnë ciɛɛŋdu acïï rɔt bï cuuth. Në baŋ kën yïn En riëëu, Bɛ̈nydït abï raandɛn kɔɔr bɛ̈ɛ̈i ku tɔ ee melik në kɔcke nïïm.”

1 Tham 15:28

Go Thamwɛl lëk yen an, “Bɛ̈nydït ë bääny de Yithriɛl rɛ̈ɛ̈t bei ee köölë tëde yïn ku gëm raan thiääk wek, Raan ŋuän në yïn, cït man cï yïn lupɔdï reet thok.

1 Tham 16:1

Ago Bɛ̈nydït lɛ̈k Thamwɛl an, “Bä Thaulo dhiëëu aɣet cï nɛn? Acä rɛɛc acï bï bɛ aa meliŋ de Yithriɛl. Ka yïn nöm miök de olip, ku lɔ Bethleɣem tënu raan cɔl Jethe, në baŋ cän wëndɛn tök lɔc në wɛ̈ɛ̈tke yiic bï aa melik.”

1 Tham 28:17

Bɛ̈nydït acï yï luöi kë cï lɛ̈k yïn në jamdï yic: acï bääny ë melik nööm tëde yïn ku acï gäm Debid ë nyindu yic.

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.